Luka 21:36 - ONUGBÙ NYƐNYÃ VUVƆ

³⁶ Nɔ di ishu abha kibenyɛbe, klɛ tɛ nɔ klukpaya sɛ tɛ nɔ bɔna koeyi nɛ alɛ petee gɛ la pɛɛ sɛ tɛ la ba mɛ, klɛ tɛ nɔ bɔna kititilɛlɔ nɛ Anɔdzyrame Eyi nɛ amɛ.”

Luka 21:36 Referans Kwoze

1 Yohanɛsɛ 2:28

Klɛ ɔtsyɔnɛ, banuvɔ mumɔa, nɔ za kɛlɛa bha nɛ yɛ mɛ, sɛ tɛ kibenɔ gɛ abe koeyi idzyi aba za bulɔ mɛ klɛ tɛ kɛwɔɛ̃ tɛku lɔ nɛ yɛ amɛ nɛ́ yɛ tɛbɛba mɛ.

1 Petro 5:8

Nɔ nyɛnashu klɛ tɛ nɔ bala. Ɔfufɔɛkpã agɛ atapɛ wũnɔɛ bui ebe tsi kana anasɛ gɛ adzyata egu apɛ anɔ sɛ tɛ evu atã zia.

Mateo 25:13

“Kɛlɛ so nɔ za nɛ awɔ̃, alasɛ no tinyi kiwi nɔɔ ɔdɔgɔsɛ ɔɖɔ nɛ mɛ.

Mateo 24:42

“Kɛlɛ so nɛ nɔ za nɛ awɔ̃, alasɛ no ti nyi kiwi nɔɔ nɛ gɛ klɛa bha wɔnɔ Apalete nɛ aba ba.

1 Petro 4:7

Ebui nɛ petee obekekɔ lɛ tsobunɔ. Kɛlɛso kɔ wɔɛ tɔkpu mɛ bhui anɛ̀ ishu-nyɛnyɛna sɛ tɛ nɔ na kpayaklu.

1 Kɔrintioanɛ 16:13

Nɔ za wunɔ tɛpupo abha, nɔ za gɛganɛɛ nɛ tɛyɛɛkɛŋaɛ mɛ, nɔ dzi banɔ gɛ ba kpɛ kemi, nɔ za gɛganɛ.

Luka 18:1

Ɔkɛlɛ Yesu akpɛ kɛkpalɛ akɔ badɔkpasɛ na sɛ tɛ baza kpayakuklu abha kibenyɛbe klɛ tɛ ba tɛ kɔɛ tɔkpu.

Marko 13:33

No di ishua bha! Nɔ za nɛ awɔ̃! No ti nyi kibelɛ nɛ gɛ ɔɖa lɛlɛ nɛ mɛ ɔbɔ ba.

Yuɖa 1:24

Kɔ anɔ nɛ gɛ anyɛna wɔnɔ evunɔ sɛ nɔ tɛ bɔ wɔlɛ klɛ tɛ ayɛkɔ nɔ akpɛ ahwɛ nɛ yɛ tɛzɛzamɔmɔ amɛ, butsutsɔmɔ maza kɛlɛ mɛ anɛ samemumɔ gbla—

Mateo 26:41

“Nɔ za nɛ awɔ̃ tɛ no kulukpaya sɛ tɛ nɔ tɛ bɔ wɔlɛ ku tɛfifeke di mɛ. Ɔfufɔɛ nɛ xũ ɔpɛɔ sɛ, pɔ ishuidzya nɛ tɔ.”

1 Tɛsolonianɛ 5:17

za kpayakuklua bha;

Marko 13:37

Kɛ gɛ itsre wɔ, klɛ ko mɛɛ tsre anɔnyanɔ, “Zanawɔ̃!”

2 Timotio 4:5

Pɔ wɔ, nyɛna ishu nɛ ebuinyɛbui di mɛ, za gɛganɛɛ nɛ butɔ́ mɛ, wa kɛxwɛ ansɛ anɔ gɛ akaka kibui, wa wɔ axwɛ nɛ petee gɛ ba kɔ wɔ nɛ Kpayɛxwɛ nɛ mɛ.

Koloseanɛ 4:2

Yɛkɔ kpayakuklu ɔkpɛ kɛxwɛ, awɔ̃zɛza anɛ̀ ahwɛhuhu.

Axwɛwɛwa 10:2

Yɛ anɛ yɛeshopoalɛ nɛ petee be dzi banɔ gɛ bayɛkɔ ishu akɔ klɛ be si Kpaya; akɔ banɔ kɛdɔ nɛ ɛyamyuyɔ banɔ bagɛ alasɛ ba kɔɛ dɔ klɛ bee klu Kpaya kibenyɛbe.

Luka 20:35

Pɔ bagɛ ba mɔ sɛ bupu lɛ balɛ ahwɛ sɛ tɛ babhɛtɛ ebui nɛ kanɔanɛ lɛlɛ mɛ klɛ nɛ tɛnyɛnyɛmɛ denɔ bekpui mɛ ba tɛ ba gbanɔ adzyɛ pɛnɔ ba yɛ kɔ akɔ tɛ gbɛgbanɔ

Mateo 8:20

Yesu ebu lɛ nu sɛ, “Ayakpamkudzɔgɛ nɛ mɔ ɛlɛ okukɔ klɛ kɛlɛɛm buzhuɔɛ nɛ tsyɛ mɔ bulɛ evu, pɔ Anɔdzyrame yɛ Eyi nɛ aka mɔ ɔkɛlɛ gɛ ebe lu yɛ tɔkpu.”

Mateo 24:43

Pɔ nu kibui nɛesi sɛ: Otɔ sɛ apalete nɛ eti elishim ɔɖa nɔɔ nɛ mɛ gɛ ezi nɛ aba ba, ata za nɛ awɔ̃ klɛ agɛ ta kɔ sɛ ezi nɛ ebe tsoku bulɛ mɛ.

Mateo 24:44

Kɛlɛ so alasɛ wɔnɔ tsyɛ nɔ za tɛbɛbala mɛ, alasɛ Anɔdzyrame yɛ Eyi nɛ aba ba nɛ ɔɖɔ nɔɔ nɛ mɛ gɛ otoo di kidzoe nu.

Luka 1:19

Axwɛdɛ ebushunu asɛ, “Mɛ nu Gabrɛlɛ. ɛlɔ kititi nɛ Kpaya kinyi mɛ, klɛ akpɛ mɛ asɛ ɛba ɖɔaɖɔ kɔ wɔ klɛ tɛ ɛtsre wɔ ebui dzyɔgoa nɛ.

Luka 21:35

Alasɛ kɛ ba ba nɛ ba lɛ petee gɛ ba lɛ kesukpa nɛ ɔkɔnyɔkɔ.

2 Kɔrintioanɛ 4:14

alasɛ bu nyi sɛ anɔ nɛ gɛ anyɛmɛ Apalete Yesu denɔ bekpui mɛ, aba nyɛmɛ bulɔ tsyɛ nɛ Yesu klɛ aba yɛkɔ lɔ nɛ wunɔ akɔ nɛ yɛ amɛ.

Tɛbubukasɛ 6:17

Alasɛ bɔtɔhihe kiwigbla nɛ tɛ ba, klɛ anee gɛ aba na kɛlɛ nu za?”

Tɛbubukasɛ 7:9

Kɛɛ nɛ nɛede idi klɛ nɛ mɛ amɛ banɔɛha gbla tili za gɛ anɔnyanɔ atɛ ba na banɔ nu kla, denɔ amadiha, kɛmadi, banɔ anɛ benuhu, be li kititi nɛ bukusiegbu nɛ amɛ anɛ Obhoshieyi nɛ otugba. Ba kpɛ bawidzidze fufu klɛ be vunɔ trɛwã nɛ balɛ ahwɛ mɛ.

Tɛbubukasɛ 8:2

Klɛ mɛ mɔ kpayaxwɛdɛ tiegene gɛ be li kititi nɛ Kpaya amɛ, klɛ ba kɔa lɛ buxulɔ̃ɛ tugene.

Tɛbubukasɛ 11:4

Alɛ enu olivɛ isi tɛbha anɛ kanɛgbɛsi tɛbha nɛ gɛ li kesukpɛabha Apalete nɛ amɛ.