Luka 21:23 - ONUGBÙ NYƐNYÃ VUVƆ

²³ Kɛlɛ lɛ ba gɛganɛ nɛ ewui alɛlɛ nɛ mɛ kɔ bayamunɔ anɛ̀ bagɛ banuvɔ lɛ balɛ ahwɛ! Butɔ gɛganɛ ba ba kesukpa nɛ mɛ klɛ batɔtɛtɛ̀ta ba ba banɔ alɛlɛ nɛabha.

Luka 21:23 Referans Kwoze

Luka 23:29

Alasɛ kibe ba ba gɛ nɔ bɔ ɖɔ sɛ, ‘Tɛyuyula lɛ kɔ badzɛ gɛ ba dɛmɔ eyi, ɛmumɔhwui gɛ lɛ kamɔ di nɛ amɔ gɛ la kanyɔnɔ beyi edi!’

Marko 13:17

Klɛɛ gɛganɛ lɛ ba za kɔ bayamunɔ anɛ bamumɔvuvɔ nɛ kibe lɛ nɛ mɛ!

Mateo 24:19

Kɛlɛ za lɛ ba za gɛganɛɛ kɔ bayamunɔ anɛ bamumɔ vuvɔ nɛ ewia lɛlɛ nɛ mɛ!

1 Petro 4:17

Alasɛ kibe na kɔ kebhuikuklu tɛ kakpɛesi nɛ Kpaya yɛ beshopo nɛabha, klɛ onugɛ kɛkpɛesi nɛ́ bulɔ abha, kide lɛ ba dzi kɔ ba gɛ ba dɛ tatɔ nɛ̀ Kpaya kibui dzyɔgo?

Yakobo 5:1

Ɔtsɔ̃ nɛɛ nɔ tatɔ, wɔnɔ behoeyielete, no bi iyuyo tɛ nɔ wa awewe ɔkpɛ same mamɔmamɔ nɛ gɛ aba ba wɔnɔa bha nɛ so.

1 Tɛsolonianɛ 2:16

sɛ tɛ be xe lɔɛ dzo tɛ bu tɛ mɔ kaɖɔɛ ɖɔ nɛ bagɛ be di nu Yuɖanɛ sɛ tɛ ba ba mɔ tɛbubu. Ganɔ kidzoe nɛa bha be xogo balɛ ebuizizi nɛ ɔdɔ tɔnɔ alɛ ɔwɔkɔ. Kpaya obulo nɛ ɔtɛ ba balɛa bha nɛ kidegba.

Hebriuanɛ 13:16

Klɛ tɛ dzɛkɛ kɛdɔ dzyɔgo bhɛbhɛtɛ shu lu klɛ tɛ ɔkɔ wɔhaglɔɛ dɔ, alasɛ buguɛ nɛdi bulɛ ku Kpaya awɔ̃.

Luka 19:43

Kiwui tili baa ba gɛ banɔ nɛ gɛ bata pɛɛ wɔnɔɛ bui baa bhɔ okpo kana nɔ klɛ ba ba gbanɛ nɔ akpɛ buka mɛ nɛ kapɛnyɛapɛ mɛ.

Luka 19:27

Pɔ ba gɛ bata pɛɛ mɛ bui gɛ ba dɛ pɛɛ sɛ tɛ ɛŋa balɛabha—gbanɔ balɛ ɔmɛna ɔkɛ̃ tɛ oyi alɛ nɛ mɛ amɛ.’ ”

Mateo 21:44

Anɔ nɛ gɛ aba wɔlɛ adɔ kɛklãgbui nɛa bha ebe dzyini eku bupɛ pɛɛpɛ mɛ, pɔ anɔ nɛ gɛ yɛa bha kɛɛ ba wɔlɛ dɔ aba yɛɛ.”

Mateo 21:41

Be bui lɛ nu sɛ, “Aba yɛkɔ batsutsɔmɔa lɛlɛ nɛ akpɛ ɔtsutsɔmɔkɔ, klɛ aba yɛkɔ buya na kpɛ ahwɛ kɔ bayadɛ bhlatɔ, gɛ ba ba ma kɛdɔ nɛ pɛ ba ba yɛkɔ yɛ ɔŋakɔ nɛ akɔ yɛ onu gɛ be bui dɔ.”

Mateo 21:16

Bee bisi yɛ asɛ “No nu ebui nɛ gɛ bunuvɔɛa nɛ baa ɖɔ?” Yesu ebui lɛ nu sɛ, “Ee,” nɔ kɔ kla, “ ‘Denɔ beyi anɛ bunuvɔɛ bhli nɛ inugbu mɛ nɔ tɛ trɔahwɛ kabhakpɛkpɛ nɛa bha.’ ”

1 Kɔrintioanɛ 7:26

Alasɛ nɛ ɔtsɔ̃ nɛ batɔ nɛ shu so, ɛyɛkɛŋa sɛ kɛ nu kibui dzyɔgo kɔ nɔ sɛ tɛ nɔ za anasɛ gɛ nɔ lɛ.