Luka 21:15 - ONUGBÙ NYƐNYÃ VUVƆ

¹⁵ Alasɛ ɛba kɔ wɔ ebuiɖɛɖɔ nɛ kibuinyinyi sɛ ba gɛ bata pɛɛ wɔɛbui ba tɛ bana kibui nɛ shu shɛ̃nahwɛ pɛnɔ betsyinɛ la ɖɔ.

Luka 21:15 Referans Kwoze

Efesoanɛ 6:19

Klukpaya nɛ mɛ tsyɛ tɔkpu, tɛ kibenɔ nɛ gɛ ɛdanɛ mɛ onugbu, ba bakɔ mɛ ebui sɛ tɛ nɛ kifu mazɛlɛmɛ tɛ ɛkɔ ale tii kibui dzyɔgo anɛ̀ ebuikpukpu,

Luka 12:12

alasɛ Ɔfufɔɛ Dzyɔgo nɔ bɔkasɛ nɔ kibe lɛlɛ kɛ gɛ nɔ bɔ ɖɔ.”

Axwɛwɛwa 6:10

pɔ ba dɛ na kititi lɔ nɛ yɛ kibuititi nɛ shu ɔdɔgɔsɛ yɛ Ɔfufɔɛ nɛ gɛ ɔlɛa bha aga pɛ aɖɔ kaɖɔ.

Luka 24:45

Ɔkɛlɛ adanɛ balɛ kɛtɔkpu mɛ sɛ tɛ be nu Kpayɛbui nɛesi.

Yakobo 1:5

Onu gɛ kibuinyinyi kɛɛ ma wɔnɔmɛayɛ teli ahwɛ, alasɛ tɛ ebisi Kpaya, gɛ yɛakɔɛdɔ fãa kɛpɔ mazɛlɛ shu, klɛ bá ba yɛkɔ kɛlɛ akɔ yɛ.

Axwɛwɛwa 26:28

Ɔkɛlɛ Agrippa ebisi Paolo asɛ, “Ɔyɛkɛ ɔŋa sɛ nɛ kibe bhli nɛ mɛ nɛ ɔbɔ na mɛ bu tsyina dzi Kristoa yɛ dza?”

Axwɛwɛwa 24:25

Gɛ Paolo aɖɔ kaɖɔ denɔ tɛzɛzam dzyɔgo, ishua bhaŋɛŋa anɛ kebhui kuklu nɛ ga ba ba, Felikisi esi kifu klɛ aɖɔ asɛ, “Agɛ ɔɖɔa na bɔ gbɔ! Ɔbɔ shɛ faã. Kɛɛ ba dɔ kɔm tsyɛ, ɛba kpɛ anɔ nɛ wɔesi.”

Axwɛwɛwa 2:4

Balɛ petee be yuku nɛ Ɔfufɔɛ Dzyɔgo klɛ la kpa kaɖɔɔ ɖɔ nɛ benuhu bhlatɔ mɛ ansɛ gɛ Ɔfufɔɛ nɛ oyɛkɔalɛ.

Luka 21:16

Wɔnɔ aka anɛ wɔnɔ eni alɛ, badzya, beshopo anɛ ɛbhɛya lɛ kuratsyɛ aba kpɛ wɔnɔ ahwɛ kɔ le yi.