Luka 2:34 - ONUGBÙ NYƐNYÃ VUVƆ

³⁴ Nɛlɛede Simeon ayula alɛ klɛ etsre anuvɔ yɛeni, Maria asɛ: “anuvɔ anɛ ba bhɛtɛ yɛ akɔ banɔ gelee oboedɛdɔ nɛ tɛlulɔ nɛ Izraɛl, klɛ kɛ badzi kebui mumɔ gɛ ba baɖɔ alɔ kɛtiti nɛ kɛlɛ shu,

Luka 2:34 Referans Kwoze

1 Kɔrintioanɛ 1:23

pɔ bulɔ buɖɔ Kristo tɛkpɛkplasɔɛ bui: kɛ nu kɛdɔ kpɛkpatanɔ kɔ Yuɖanɛ klɛ kɛ nu kɛgãbui kɔ bagɛ edi nu Yuɖanɛ,

Mateo 21:44

Anɔ nɛ gɛ aba wɔlɛ adɔ kɛklãgbui nɛa bha ebe dzyini eku bupɛ pɛɛpɛ mɛ, pɔ anɔ nɛ gɛ yɛa bha kɛɛ ba wɔlɛ dɔ aba yɛɛ.”

1 Petro 4:14

Onugɛ ba kula nɔ nɛ Kristo kinyi nɛ shu, ba yula nɔ, alasɛ Ɔfufɔɛ shu bhubhui anɛ̀ Kpaya kitsri wɔnɔ abha.

Hebriuanɛ 7:7

Kibui tsɛtsrakɛ mɛlɛmɛ sɛ anɔ gbɛgbla yɛa yula anɔ bhliyi.

Romanɛ 9:32

Kide so? Alasɛ ba za kɛlɛe de ganɛ ganɔ tɛyɛyɛkɛŋɛa bha pɔ edzi ansɛ axwɛwɛwa bha. Ba kpatanɔ “kɛklãgbu kpɛkpatanɔ.”

Axwɛwɛwa 6:7

So nɛɛ Kpayɛbui nɛ ba nɛ. Badɔkpasɛ nɛ tikpikpe nɛ mɛ ba wu kabha nɛ Yerusalɛm zia zia, klɛ kpayanɔ gelee aba ta tɔ nɛ tɛyɛyɛkɛŋa.

Axwɛwɛwa 24:5

“Bɔ ba mɔ sɛ anyɛa nɛɛ enu anɔ gɛ akpɛ bunuhu, akpɛ ozi nɛ Yuɖanɛ nɛ kishi kana kanɔm petee. Enu otugbanɔ kɔ Nazarɛtɛanɛ ɔshɛ

Axwɛwɛwa 17:6

Pɔ gɛ ba dɛ mɔa lɛ nɛɛ, bede vu Yasɔn nɛ tɛgbɛgbam anɛ badzya teli ayɛkɔa lɛ avɛnɔ ɔmagbla nɛ mɛ banɔ shishe nɛ ogugu kpɛkpɛ sɛ: “Banɔa nɛ gɛ ba mɛna butɔ nɛ kanɔ nɛ mɛ petee atsya balɛ be yi ɔkɛ̃ tsyɛ ɔtsɔ̃ naa,

Axwɛwɛwa 13:45

Gɛ Yuɖanɛ na mɔ banɔɛza nɛɛ, be yuku nɛ kawɔ̃kpɛ klɛ ba kpa anɔ kukula ebui ɖɔ nɛ ebui nɛ gɛ Paolo aaɖɔ shu.

Axwɛwɛwa 4:26

Kesukpɛa bha bekusi nɛ ayɛkɔ balɛ ɛzakɔ klɛ baga ŋɛabha ne xogo alɔ kititi nɛ Apalete nɛ shu nɛ Agɛ ba srabɔa kɔ.’

Yohanɛsɛ 5:18

Kibui nɛ so gɛ Yuɖanɛ ba pɛɛ kidzo gɛganɛ dɛ sɛ tɛ be yi yɛ, anɛ gɛ ata Tɛmumoene ɔshã nɛesi so, pɔ tsyɛ eze ke klu Kpaya sɛ yɛ nahwɛ yɛ Aka, klɛ abhɛtɛ shu asɔnɔ Kpaya.

Yohanɛsɛ 3:20

Anɔnyanɔ gɛ abhɛtɛ kibui zizi adɛ dɛmɛ kifui bui, klɛ atɛ ba ba obhubhui kɔ alasɛ esi kifu sɛ aba wɔɛ̃.

Mateo 27:63

Klɛ bede tsre yɛ asɛ, “Aka, ” “bu baka sɛ kibe lɛ nɛ gɛ aka lɛ nɛ ɛkpã etronia lɛlɛ na aɖɔ asɛ, ‘Nɛ ewi tata ede ɛba tsodzi lɔ.’

Mateo 12:46

Nɛ kibe lɛ nɛ mɛ gɛ Yesu eke dzi aɖɔ kaɖɔ akɔ banɔɛza nɛɛ, yeni anɛ yadzyalɛ na za ɔtɔ, baa pɛ asɛ tɛ ba ɖɔ kaɖɔ nɛ yɛ.

Mateo 11:19

Anɔdzyrame yɛ Eyi nɛ aba nɛ kɛdɔŋɛŋa nɛ kɛdɔwɛ̃wɛ̃, klɛ baa ɖɔ asɛ, ‘Adɔŋagbla anɛ eluwɛ̃ naa, badɔdzyɔ anɛ buziziabhɛtɛ nɛ ɔbhɛa.’ Pɔ kibuinyinyi bu kasɛ nɛ yɛ axwɛwɛwa nɛ mɛ.”

Hebriuanɛ 7:1

Mɛltsyizɛdɛk anyanɛ edzi ekusi nɛ Kpayazakɔanɔ nɛ kɔ Kpaya Ɖɛɖamadɛ nɛ Salɛm. Atsyanɔ Abraham gɛ edetẽ bekusi klɛ ayula yɛ,

Axwɛwɛwa 28:22

Pɔ nɛɛ bu pɛ sɛ tɛ bu nu denɔ wɔkɔ kana gɛ wɔ kɛdɔmumɔ nɛ lɛ, alasɛ bu nyi sɛ banɔ nɛ ɔkɔnyɔkɔ naa ɖɔ kaɖɔ kpã nɛ ɔha nɛ shu.”

Luka 2:35

so idzyi mɛ ebui gelee ba be bu alɛ akasɛ. Klɛ kɛpamɛ ba shɔ wɔ nahwɛ tɔwui tsyɛ.”