Luka 2:14 - ONUGBÙ NYƐNYÃ VUVƆ

¹⁴ “Ishubhubhui kɔ Kpaya nɛ kabha, klɛ nɛ kesukpa ishuyɛyɔ kɔ banɔ nɛ gɛ yɛ tɛpɛplɛnɔ lɛ kɔ.”

Luka 2:14 Referans Kwoze

Romanɛ 5:1

Kɛlɛso nɛɛ, gɛ ba tɛ danɛ bulɔ shu ganɔ tɛyɛyɛkɛŋa mɛ, ishuyuyɔ lɛ kɔ lɔ plɛnɔ Kpaya ganɔ bulɔ Apalete Yesu Kristoa bha,

Luka 19:38

“Baba ysula kɔ ekusi gɛ aba nɛ Apalete nɛ nyimɛ!” “Ishuyuyɔ ba nɛ Yɛ ɔzakɔ klɛ nɛ otugba vɛvɛ kɔ Kpaya nɛ owũsise.”

Koloseanɛ 1:20

klɛ ɔganɔ yɛabha tɛ abhɛtɛ terikpo nɛ kɛdɔnyɛdɔ kɔ yɛnahwɛ, kinu kesukpa abha dɔ pɛnɔ kɛdɔ nɛ́ owũsise, gɛ kɛ bhɛtɛ ishuyuyɔ ganɔ yɛ dzyosu abha, gɛ abalɛesi nɛ́ butsiosi nɛ shu.

Luka 1:79

tɛ kɛtã kɔ bagɛ ba kpasɛ otumui mɛ nɛ bagɛ ba kpasɛ butsi tɔwui mɛ, tɛ agbanɛ bulɔ butsrukpɔ akpɛ ishuyɛyɔ kidzoɛ mɛ.”

Tɛbubukasɛ 5:13

Ɔkɛlɛ mɛ inu kɛdɔbhɛbhɛtɛ nɛ owũsise anɛ kesukpa nɛa bha anɛ kalɛesi anɛ aƒu nɛa bha, anɛ kedɔnyɛdɔ petee gɛ kpasɛ kɛlɛ mɛ, nɛ lɛ zha ɛdzɛ sɛ: “Kɔ agɛ yɛ edzi kekusigbu nɛa bha anɛ kɔ Obhoshieyi ba kpɛ kɛlɛ nɛa bha anɛ tɛdidi anɛ ishubhubhui anɛ kemi, ɔyɛkɔ vɛnɔ mabeke mabeke mɛ!”

Axwɛwɛwa 10:36

Sɛ no nyi igbe nɛ gɛ Kpaya asɛsɛ Izraɛlanɛ, gɛ ba ɖɔ ishuyuyɔ kibui dzyɔgo nɛ aganɔ Yesu Kristoa bha, gɛ enu Apalete nɛ akɔ anɔnyanɔ.

Yohanɛsɛ 17:4

Ɛmɛna wɔ kabhakpɛkpɛ nɛ kesukpa nɛa bha, ganɔ kɛxwɛ nɛ gɛ ɔkɔ mɛ nɛ tɛwɛwa beke.

2 Tɛsolonianɛ 2:16

Kɔ bulɔ Apalete Yesu Kristo nahwɛ anɛ bulɔ Aka Kpaya, gɛ aɖɔ lɔ klɛ ganɔ yɛ eshutukubui didi mɛ pɛ akɔ lɔ ɔfufɔɛ mɛ kemikpɛkpɛ anɛ kidzoenudidi dzyɔgo,

Filipianɛ 2:11

klɛ kɛnɛkɛ kanyaka bu ɖɔ sɛ Yesu Kristo enu Apalete, kɔ Aka Kpaya ishubhubhui.

Luka 3:22

klɛ Ɔfufɔɛ dzyɔgo nɛ ozhi ɔba yɛabha nɛ gɔgɔwi tɛzɛza mɛ. Klɛ olimɛ toli oyi denɔ owũsise sɛ: “Wɔ nu mɛ Eyianyɛ, gɛ ɛdɛmɛnɔ, nɛ wɔ shu same eku mɛ mɔmɔ.”

Mateo 21:9

Banɔɛza nɛ gɛ putɔ kɔ yɛ nɛ bagɛ ba za yɛe de na kpɛ igugu asɛ, “Hosiana kɔ Daviti yɛ Eyi!” “Ba yula anɔ nɛ gɛ aaba nɛ Apalete nɛ kinyim!” “Hosiana nɛ ɔɖɛɖamakɔ dɛ!”

Efesoanɛ 1:9

Klɛ akɔ lɔ ti yɛ tɛpɛpɛɛ ebuikpukpu anɛ yɛ tɛpɛpɛɛ dzyɔgo gɛ abhɛtɛlu nɛ Kristo mɛ,

Efesoanɛ 1:6

tɛ bu kpɛ yɛ ishubhubhui ɛyɛmɛyuyɔ, gɛ ashɛnahwɛ akɔ lɔ bububɔɛ nɛ yɛ Yi gɛ adɛmɛ yɛ bui.

Filipianɛ 2:13

alasɛ Kpaya yɛ awaɛxwɛ nɛ wɔnɔ mɛ nɛ tɛpɛpɛɛ anɛ̀ tɛbhɛbhɛtɛ nɛ tɛtɛtrɔ dzyɔgo nɛ nu.

Efesoanɛ 2:7

sɛ tɛ nɛ agɔ nɛ gɛ la ba nɛ mɛ tɛ ebe bu kɛsɔnɔ nɛ gɛ adɛsɔnɔ anɔnyanɔ akasɛ asɛ tɛmumɔ gɛ kɛ baa aba kasɛ kedziŋɛŋa gɛ kadɛ sɔnɔ yɛ dɔkukɔ, ebukasɛ nɛ yɛ ɛyɛmɛyɛyɔ kɔ lɔ nɛ Kristo Yesu mɛ.

Efesoanɛ 2:4

Pɔ nɛ yɛ tɛdɛdɛmɛnɔ gbla kɔ lɔ so, Kpaya, gɛ eyuku nɛ eshutukubui didi so,

Yohanɛsɛ 14:27

Ishuyuyɔ ilu kɔ nɔ, mɛ ishuyuyɔ mɛ ɛkɔ nɔ. Ɛdɛ kɔ nɔ anasɛ gɛ kanɔ na kɔ. Nɔ tɛ kɔ wunɔ idzyi ebhui klɛ no ti sifu.

Yohanɛsɛ 3:16

“Alasɛ Kpaya adɛmɛnɔ nɛ kanɔ sɛ ayɛkɔ yɛa yɛ gɛ enu Eyianyɛ terikpo akɔ, sɛ tɛ anɔnyanɔ gɛ ayɛkɛ yɛabha ŋa eti be tsi pɔ aba mɔ ɛkpã mabeke.

Luka 2:13

Kibe di dze ko banɔ ovulo gbɛgbla tili zhi de owũsise ba ba plɛnɔ baxwɛdɛ, klɛ ba kpɛ Kpaya nyi nɛabha klɛ baɖɔ sɛ,

Luka 2:15

Kɛbelɛlɛ nɛ gɛ baxwɛdɛ na shɛ̃ nɛ balɛ ɔbha klɛ bavɛ owũsise, ibhoshi bagbɛgbanɔ baɖɔ etsre ɔhaglɔ sɛ, “Nɔ kɔ lɔ vɛ Betlehem tɛ bɔ dadi ebui gɛ la ba, gɛ Apalete nɛ aɖɔ denɔ alɛ ishu kɔ lɔ.”