Luka 18:7 - ONUGBÙ NYƐNYÃ VUVƆ

⁷ Klɛ ɔyɛkɛŋa sɛ Kpaya atɛ bamɛna kebhuikuklu dzyɔgo kɔ yɛ banɔ kuklu, gɛ ba kpɛ ogugu kɔ yɛ kelizɛza anɛ elishi? Aba za eze di alɛ ana ko?

Luka 18:7 Referans Kwoze

2 Petro 3:9

Apalete ata gbɛede kɔ yɛ ebui bhɛbhɛtɛ gɛ aɖɔlu nɛ shu, anasɛ gɛ beteli nu kedegbɛgba nɛesi. Yɛ dzyi ayɔ nɛ wunɔ shu, ata pɛɛ sɛ anɔnyanɔ etsi, pɔ anɔnyanɔ aba tsyinaɛtemɛ.

Luka 11:13

Kɛlɛalɛ Onugɛ wɔ nɛlɛmɛ, onu anɔ kpã, tii kɛkɔ nɛ gɛ ɔbɔ kɔ wɔeyia lɛ kɛdɔ dzyɔgo, kɛlɛ wɔ Aka nɛ owũsise aba kɔ Ɔfufɔɛ Dzyɔgo bagɛ be bisi yɛ!”

1 Timotio 5:5

Adzɛ gɛ etsianyɛ nɔɔ nɛ gɛ alɛ kɔ kɛdɔ kukɔ kɛgbɛagba flogo pɛ ba shɛ̃nahwɛ yɛ terikpo shue lu pɛ ayɛkɔ yɛ kidzoenudidi nɛ atrɔ Kpaya bha klɛ avɛlɛa bha elishi anɛ kemuze anɛ kpayakuklu tɛ ebisi Kpaya tɛpɛplɛnɔ.

Tɛbubukasɛ 6:10

Be kulu kɛdɔ nɛ oli mɛ gɛganɛ asɛ, “Ɔdɔnanɔ kibe ɖueɖu, Bukusiɔŋakɔ Apalete, gɛ yɛ shu bhui klɛ alɛ nɛ kɛgba, ɔdɔnanɔ kibe lɛ gɛ okuluebhui nɛ banɔ nɛ gɛ ba lɛ kesukpa nɛa bha klɛ obo bisi bulɔ dzyosu nɛ buwule?”

2 Tɛsolonianɛ 1:6

Kpaya ana: Aba buya butɔɛbhɛ akɔ bagɛ ba kpɛ nɔ tɔ

Luka 2:37

klɛ kɛlɛe de edzi anyɛtsi ɔdɔtɔnɔ gɛ ayɛkɛ agɔ afɛtasɔɛ nɛ talɛ̃. Adɛ shɛnahwɛ kpaya buvu mɛ zɛza lu, pɔ akpɛ tɔkpuesi elishi anɛ kemuze, anya onugbu klɛ eklukpaya.

Mateo 7:11

Onu wɔnɔ, kɛlɛ lɛm sɛ nɔ tsɔmɔ pɔ, no ti kana gɛ nɔ bɔ yɛkɔ kɛdɔ dzyɔgo ɔkɔ wɔnɔ bunuvɔɛ, kɛlɛ ɔyɛkɔ dɛ wɔnɔ Aka nɛ owũsise nɛ ataa yɛkɔ kɛdɔ dzyɔgo akɔ bagɛ bee bisi yɛ!

Tɛbubukasɛ 18:20

Mɔ same nɛ yɛ tɔkpu, O owũsise! Nɔ mɔ same, wɔnɔ banɔnɛna anɛ banɔkpɛkpɛ anɛ batɔnu! Kpaya eti kulu kebhui nɛ adzɛ kana gɛ ayɛkɔ aganɛ wɔnɔ.’ ”

1 Tɛsolonianɛ 3:10

Elishi anɛ kemuze bu kulukpaya gɛganɛɛ sɛ tɛ bu fla ba mɔ nɔ tɛ bu pɛɛ agɛ ala ma wɔnɔ tɛyɛyɛkɛŋa nɛ mɛ kpɛ kɔ nɔ.

Koloseanɛ 3:12

Kɛlɛso anasɛ Kpaya banɔ kuklu, tɛbhubhui anɛ tɛdɛdɛmɛnɔ mɔmɔ, wɔnɔ nahwɛ nɔ nyumu eshutukubuididi, ɛyamɛyɛyɔ ishubububɔ, ishunyɛnyɛna anɛ tɛdɛdɔfɔɔ̃.

Romanɛ 8:33

Anee gɛ aba yɛkɔ kibui tili nɛ bagɛ Kpaya eti bu nɛ shu? Kpaya ya danɛ anɔ shu.

Tɛbubukasɛ 7:15

Kɛlɛ so nɛɛ, “be li Kpaya bukusiegbu nɛ amɛ klɛ baa dɛ kɛxwɛ kɔ yɛ kemuze anɛ elishi nɛ yɛ busɔlɛvu mɛ, klɛ agɛ edzi bukusiegbu nɛa bha nɛ aba nɛna yɛ kɛpɔtɛagba nɛ ada lɛ.

Titusɛ 1:1

Paolo, Kpaya axwɛdɛ anɛ Yesu Kristo anɔkpɛkpɛ kɔ Kpaya tɛyɛyɛkɛŋa gɛ be bu nɛ kɛgba anɛ kibuititi nɛ gɛ kɛɛ gbanɔ anɔ vɛnɔ kpayazɛza mɛ,

2 Timotio 1:3

Ihu Kpaya nɛ gɛ yɛ mɛ wa kɛxwɛ kɔ nɛ ahwɛ, ansɛ gɛ makashihealɛ nɛ ba bhɛtɛ, nɛ idzyim dɛdanɛ mɛ, ansɛ gɛ ɛbaka wɔɛbui nɛ mɛ kpayakuklum elishi nɛ kemuze.

Mateo 24:22

Otɔsɛ ganɛ bubhui le bhui ewi alɛ nɛa bha agɔ, anɔnyanɔ agɛ ta fla gɔ, pɔ nɛ agɛ be ti bu kɔ lɔ nɛ so, ewi alɛlɛ nɛa bha aba tsɛ.

Mateo 24:24

Alasɛ itro be Kristo nɛ itro batɔnu nɛ ba ba wɛ̃ klɛ ba ba bhɛtɛ kɛdɔmumɔ gbɛgbla nɛ ebui gɛ abhɛtɛ bi sɛ tɛ ba yɛkɔ awɛɛ bagɛ be klu nɛ tsyɛ—onu gɛ kɛ ba kɛlɛ mɛ ana.

Luka 21:28

Kibenɔ nɛ gɛ ebuianɛ la kpɛesi aba, lɔɛ titi tɛ ofeke wunɔ atɔkpu owunɔ, alasɛ wunɔ tɛyɛyɛkɛ tso bunɔ.”

2 Timotio 2:10

Kɛlɛ so ɛdzrɔ nɛ kibuinyɛbui nu nɛ agɛ be kulu nɛ tɔkpu, sɛ tɛ balɛ tsyɛ ba mɔ tɛbubu nɛ gɛ kpasɛ Kristo Yesu mɛ, ɔplɛnɔ ɔfufɔɛ mɛ ishubhubhui.

1 Petro 1:1

Mɛ Petro, Yesu Kristo anɔkpɛkpɛ, Ɛŋlɔmɛ kɔ Kpaya yɛ ekuklu, befu nɛ kanɔ nɛ mɛ, gɛ bakɛkaku Ponto, Galatia, Kapadokia, Asia anɛ Bitinia,