Luka 16:10 - ONUGBÙ NYƐNYÃ VUVƆ

¹⁰ “Agɛ yɛ abha lɛ yɛkɛŋa nɛ kɛdɔ bhliyi mɛ ba bayɛkɛ yɛ kabhaŋa nɛ kɛgbɛagba mɛ tsyɛ, klɛ agɛ batɛ bayɛkɛ yɛ abhaŋa nɛ kibhliyi mɛ batɛ bayɛkɛ yɛabha ŋa nɛ kɛgbɛgbla mɛ tsyɛ.

Luka 16:10 Referans Kwoze

Mateo 25:21

Yɛ apalete nɛ asɛ, ‘Wɔ naa bhɛtɛ, axwɛdɛ dzyɔgo gɛ ba ba yɛkɛ wɔa bha ŋa! Ɔza tɛyɛyɛkɛ ŋa mɛ nɛ kɛdɔ bhli nɛ gɛ ɛkɔ wɔ, ɛba yɛkɔ wɔ idzu ebui anɛ kɛdɔ gelee nu. Ba tɛ ɔbɔ mɔ same ɔplɛnɔ wɔ apalete!’

Luka 19:17

Apalete nɛ aɖɔ sɛ, “ ‘Wɔ bhɛtɛ bui ma xwɛdɛ dzyɔgo!’ ‘Alasɛ ɔbhɛtɛ tɛyɛyɛkɛŋa bha bui nɛ kibhliyi mɛ, so za ɛma gbɛgbla lɔfɔ lɛ nu.’

Mateo 25:23

“Apalete nɛ asɛ, ‘Ɔnaa bhɛtɛ, axwɛdɛ dzyɔgo gɛ ba ba yɛkɛ wɔa bha ŋa! Ɔza tɛyɛyɛkɛ ŋam nɛ kɛdɔ bhli nɛ gɛ ɛkɔ wɔ, ɛba yɛkɔ wɔ idzu ebui anɛ kɛdɔ gelee nu. Ba tɛ ɔbɔ mɔ same ɔplɛnɔ wɔ apalete!’

Hebriuanɛ 3:2

Abhɛtɛ atrɔ anɔ nɛgɛ eklu yɛ nɛ ebui nɛabha, anasɛ gɛ Mose abhɛtɛ atrɔ Kpaya ebui nɛabha nɛ yɛ bupa nɛ mɛ.

Yohanɛsɛ 12:6

Adɛ ɖɔ kibui nɛ alasɛ ebu kitsyutsyuikpɛ̃ nɛ shu so, pɔ alasɛ edzi ezi, anasɛ agɛ edi kɔba ɔkpɛtɛ nɛabha, aganɛ ishu aplɛnɔ nɛ kɔba gɛ ba kpɛ ɔlɛ mɛ.

Yohanɛsɛ 13:27

Yuɖasɛ gbɛ̃gbɛvu nɛ tɛyɛyɛkɛ ko, Satana etsoku yɛ mɛ. Yesu etsre yɛ asɛ, “Kɛdɔnɔ gɛ ɔpɛɛ sɛ tɛ ɔbhɛtɛ, bhɛtɛ zia, ”

Yohanɛsɛ 13:2

Ba kɔ ɔwulagoe dɔ ŋɛŋa, klɛ ɔfufɔɛzizi nɛ tɛ tsoku Yuɖa Iskarɔtɛ, Simɔn yɛ yi nɛ mɛ sɛ tɛ akpɛ Yesu ahwɛ.

Mateo 24:45

“Kɛlɛ anee yɛ enu axwɛdɛ gɛ tɛyɛyɛkɛŋa lɛ yɛahwɛ klɛ enyi bui, gɛ yɛahwɛ apalete nɛ ayɛkɔ baxwɛdɛ nɛ akpɛ nɛ yɛ bupa nɛ mɛ sɛ tɛ aza kɔa lɛ kɛŋɛŋa nɛ ɔɖɔ dzyɔgo nɛ mɛ?