Luka 11:54 - ONUGBÙ NYƐNYÃ VUVƆ

⁵⁴ bepo sɛ tɛ bɛ vu yɛ nɛ kibui tili gɛ aba ɖɔ nɛ shu.

Luka 11:54 Referans Kwoze

Marko 12:13

Klɛe de nɛ ba kpɛ Farisianɛ anɛ Heroɖesɛanɛ teli sɛ tɛ be de vu Yesu aganɔ yɛ ebui ɖuɖɔ shu.

Mateo 22:35

Balɛ ɔmɛayɛ teli, gɛ enyi ɔshã ebe feke yɛ edi nɛ tɛbibisi nɛ asɛ:

Mateo 22:15

Ɔkɛlɛ Farisianɛ ne koeyi avɛ ada nya nɛ yɛ shu kana gɛ ba ba ga pɛ be be vu yɛ ganɔ yɛnahwɛ ebui ɖuɖɔ mɛ.

Luka 20:20

Awɔ̃hu tɛtrɔ yɛ abha, bakpɛ banɔ sɛ tɛ baxwa yɛ, tɛ ba bhɛtɛ anasɛ banɔ dzyɔgo. Ba yɛkɛŋa sɛ tɛ be vu Yesu nɛ yɛ bui ɖuɖɔ tili shu tɛ ba yikɔ yɛ akɔ kemi nɛ kabhaŋɛŋa Roma Ekusi.

Marko 3:2

Banɔ teli nɛ ɔkɛlɛ naa pɛ sɛ tɛ be bu buzizi akɔ Yesu so, be vu awɔ̃hũ nɛ yɛ, sɛ tɛ ba mɔ sɛ nɛ, pɔ ebe beke anyɛ nɛ ɔhwɛsisiku bɔnya nɛ Kimuenewi nɛa bha.

Mateo 22:18

Pɔ gɛ Yesu enyi butsutsɔmɔ nɔ gɛ kpasɛ balɛ kɛtɔkpum so, etsre balɛ asɛ, “Wɔnɔ betroni, kide pɛ nɔ pɛ mɛ sɛ tɛ no bu nɛ kɛgbam?

Luka 11:53

Gɛ Yesu ashɛ̃ nɛ ɔkɛlɛ, Farisianɛ anɛ́ eshã badɔkasɛ betenɛ kɛtiti lɔ nɛ yɛ shu gɛganɛ klɛ ba yɛ kɔ ebui bibisi atrɔ yɛ,

Luka 20:26

Ba de na yɛ evu nɛ yɛ ebui nɛ gɛ aɖɔ nɛ banɔ nɛ amɛ. Klɛ kɛbhɛtɛ balɛ bi nɛ yɛ ishunu bubu so, beku omumu.

Axwɛwɛwa 23:21

Tɛ dɛmɛ ɔkɔa lɛ ana, ba fla banɔ afɛtalɛ̃ gɛ be kpu eli kidzom kɔ yɛ. Ba tanɔ kɛdɔ asɛ be ke yi Paolo batɛ ba ŋa kɛdɔ, batɛ ba wɛ̃ buni. Balɛ tɛbɛbalam ɔtsɔtsiɔ̃, bepo wɔ tɛdɛdɛmɛ kɔa lɛ nɛ balɛ tɛbibisi nɛ nu.”