Luka 11:41 - ONUGBÙ NYƐNYÃ VUVƆ

⁴¹ Pɔ yɛ kɔ kɛ gɛ kpasɛ kesugba nɛmɛ ɔkɔ betsyuitsyuini klɛ kɛdɔnyɛdɔ shu ba bhui kɔ wɔ.

Luka 11:41 Referans Kwoze

Luka 12:33

Dɛ wɔ kɛdɔnyɛdɔ tɛ ɔyɛkɔ kɔ betsyutsyuini. Nɔ bala akpɛtɛ gɛ la tɛ ba tsa kɔ ishu, bala wɔ ehoeyi nɛ owũsise gɛ kɛdɔ tɛ ba beke nɛ ɔlɛ mɛ di, ɔkɛlɛ gɛ bezi be ti be tsobunɔ nɛ gɛ bugɔɛ tɛ batã lɛ.

Yakobo 1:27

Busɔlɛ nɛ gɛ Kpaya bulɔ Aka nɛ adɛmɛ asɛ bɔlɛ shu bhui klɛ kɛpɔ ma bɔlɛ shu, bɔlɛ nu sɛ: tɛ odi batsyavi anɛ bagɛ be tsianyɛ nɛabha nɛ balɛ ebui nɛ gɛ atrɔ balɛa bha nɛm klɛ tɛ ɔnyɛna ishu tɛ kanɔ nɛm kibo nɛ tɛ la wɔ.

Titusɛ 1:15

Kɔ bagɛ balɛ shu bhui, kɛdɔnyɛdɔ shu bhui kɔa lɛ, pɔ kɔ bagɛ balɛ eti zi klɛ ba dɛ yɛkɛaŋa nɛɛ, kɛdɔnyɛdɔ shu dɛ bhui. Kɛgba nɛɛ, balɛ atɔkpu mɛ anɛ idzyi nɛ mɛ ezi.

Hebriuanɛ 13:16

Klɛ tɛ dzɛkɛ kɛdɔ dzyɔgo bhɛbhɛtɛ shu lu klɛ tɛ ɔkɔ wɔhaglɔɛ dɔ, alasɛ buguɛ nɛdi bulɛ ku Kpaya awɔ̃.

Axwɛwɛwa 10:15

Kaɖɔ ne ze yi bubhla sɛ, “Tɛ kulu kɛdɔnyɛdɔ sɛ kɛlɛ shu di bhui gɛ Kpaya atɛ bhɛtɛ lɛ kibhui.”

Luka 16:9

Itsre nɔ sɛ nɔ yɛkɔ kanɔɛmɛ ehoeyi tɛ nɔ mɔ ɛbhɛya kɔ shu, sɛ tɛ onugɛ kɛvama, ba ba yɛkɔ nɔ akpɛ ɔzakɔ mabeke.”

Hebriuanɛ 6:10

Kpaya edinu anɔ gɛ ata bhɛtɛ ebui nɛ alɛ ɔzakɔ, atɛ ba dzɛkɛ wɔnɔ kɛxwɛwuwa nɛ yɛ tɛɖɛɖɔ gɛ nɔ kasɛ yɛ anasɛ gɛ nɔ plɛnɔ yɛ banɔ nɛ gɛ nɔ kɔ tsri lɛabha plɛnɔ alɛ.

2 Kɔrintioanɛ 8:12

Alasɛ onugɛ tɛpɛpɛɛ lɛ ɔkɛlɛ, ba ba yɛkɛ kɛkukɔ anɛ kɛgɛ lɛ yɛahwɛ nɛ nu, ganɛ kɛ gɛ ma yahwɛ nɛ shu.

Luka 19:8

Pɔ Zakio alɔ kititi klɛ aɖɔ etsre Apalete asɛ, “Di, Apalete! Ɔkɛnɛ klɛ ɔtsyɔnɛ Ɛba yɛkɔ mɛ ehoeyi kapɛ zɛzɛ ɔkɔ betsutsuini, klɛ onugɛ ezuru anɔ teli kɔba nɛ kidzo ziziabha, ɛba tsodzi buya kɔba lɛlɛ ɛzakɔ tɛlɛ̃.”

Luka 18:22

Gɛ Yesu enu kibui nɛ, aɖɔ etsre yɛ asɛ, “Kɛdɔ tirikpo ka gɔ kɔ wɔ. Dɛ kɛdɔnyɛdɔ gɛ kɛ lɛ wɔ ahwɛ tɛ ɔyɛkɔ kɔ betsutsuini, klɛ ehoeyi ba za wɔ ahwɛ nɛ owũsise. Nɛlɛede ba bɔ za mɛede.”

Mateo 5:42

Kɔ anɔ nɛ gɛ eebisi wɔɛ dɔ, klɛ tɛ tsyina kede ɔkpɛ anɔ nɛ gɛ asa pa kɛdɔ tili nɛ wɔ ahwɛ.

Efesoanɛ 4:28

Anɔ nɛ gɛ ezuru ete zuru, pɔ awa kɛxwɛ, ayɛkɔ yɛ ɛhwɛ aza bhɛtɛ kɛdɔ dzyɔgo tili nɔ, tɛ amɔ kɛdɔ tili tɛ aba ya kɔ anɔ nɛ gɛ apɛɛ dɔ.

Axwɛwɛwa 11:29

Badɔkpasɛ, akanyaka nɛ yɛ tɛzɛzam nu, na trɔ sɛ ba ba kɔ balɛ adzyalɛ nɛ ga lɛ Yuɖia nɛ tɛpɛplɛnɔ.

Mateo 26:11

Betsyutsyuini nɛ xũa lɛ wɔnɔ bha kibenyɛbe, mɛ pɔ nɛɛ nɔ tɛ bɔ mɔ mɛ kibenyɛbe nɛ wɔnɔ ɔbha.

Axwɛwɛwa 24:17

“Nɛ mɛ maza maza agɔ gelee de, ɛba ba Yerusalɛm sɛ tɛ ɛmɛna manɔa lɛ nɛ kɛdɔkukɔ, kɔ betsyutsyuni tɛ ɛbhɛtɛ ɔfufɔɛ mɛ kɛdɔkukɔ tsyɛ.

Marko 7:19

Alasɛ kɛ tɛɛ tsoku yɛ idzyi nɛ mɛ, eya nɛ mɛ lɛɛ vɛ, flogo pɛ kɛ ba tɛ koeyi nɛ yɛ ishu mɛ.” (Nɛ kibui lɛ nɛ tɛ ɖuɖɔ mɛ nɛ, Yesu atrɔ ahwɛ kɛlɛa bha sɛ kɛdɔŋɛŋa kanyaka di ko kɛlɛ shu bhui.)