Koloseanɛ 3:15 - ONUGBÙ NYƐNYÃ VUVƆ

¹⁵ Nɔ kɔ Kristo ishuyuyɔ ŋa kabha nɛ wɔnɔ idzyi mɛ, nɛ kibelɛlɛ alasɛ gɛ nɔ nu ɔha nɛ ishuidzya tirikpo, be klu nɔ kɔ ishuyuyɔ. Klɛ nɔ dzi ahwɛhuhu elete.

Koloseanɛ 3:15 Referans Kwoze

Yohanɛsɛ 14:27

Ishuyuyɔ ilu kɔ nɔ, mɛ ishuyuyɔ mɛ ɛkɔ nɔ. Ɛdɛ kɔ nɔ anasɛ gɛ kanɔ na kɔ. Nɔ tɛ kɔ wunɔ idzyi ebhui klɛ no ti sifu.

Romanɛ 15:13

Kɔ kidzoenu didi Kpaya nɛ eyuku nɔm nɛ same anɛ ishuyuyɔ ansɛ gɛ nɔ yɛkɛ yɛa bha ɔŋa, sɛ tɛ no bo yuku ɔgbɛgba nɛ kidzoenu didi ganɔ Ɔfufɔɛ Dzyɔgo anɛ kemi mɛ.

1 Tɛsolonianɛ 5:18

hu ahwɛ nɛ tɛzɛza kanyakaɛ di mɛ, alasɛ kɛɛ nɛ kɛlɛ nu Kpaya tɛpɛpɛɛ kɔ nɔ nɛ Kristo Yesu mɛ.

Romanɛ 5:1

Kɛlɛso nɛɛ, gɛ ba tɛ danɛ bulɔ shu ganɔ tɛyɛyɛkɛŋa mɛ, ishuyuyɔ lɛ kɔ lɔ plɛnɔ Kpaya ganɔ bulɔ Apalete Yesu Kristoa bha,

Koloseanɛ 3:17

Klɛ kɛgɛ nɔ bhɛtɛ, kɛlɛlɛmɛ sɛ kibui ɖɛɖɔɛ mɛ ɔdɔgɔsɛ kɛbhɛbhɛtɛ mɛ, bhɛtɛ lɛ petee nɛ Apalete Yesu nyi mɛ, nɔ hu Kpaya Aka nɛ ahwɛ ɔganɔ yɛabha.

Yohanɛsɛ 16:33

“Itsre nɔ ebuianɛ, sɛ tɛ nɔ yɛkɛ ishuyuyɔ. Nɛ kanɔa nɛ mɛ nɔ bɔ mɔ butɔ. Pɔ nɔ vu idzyi kpɛ te! Ɛŋa kanɔ nɛabha.”

Efesoanɛ 5:20

kibenyɛbe zo hu Kpaya Aka nahwɛ kɔ kɛkanyaka, anɛ bulɔ Apalete Yesu Kristo yɛ nyi mɛ.

2 Kɔrintioanɛ 9:11

Ba ba bhɛtɛ nɔ bɔ dzi ehoeyielete nɛ kidzonyɛdzo abha sɛ tɛ nɔ bɔ na kɛdɔ zɔ kɔ banɔ nɛ kibenyɛbe kɛdɔ bhɛtɛ kɔ, klɛ ganɔ bulɔ abha wunɔ dɔkukɔ badzi ahwɛhuhu kɔ Kpaya.

Efesoanɛ 4:4

Ishuidzya tirikpo anɛ Ɔfufɔɛ torikpo—anasɛ gɛ beklu nɔ kɔ kidzoenudidi tirikpo gɛ be klu nɔ—

Romanɛ 14:17

Alasɛ Kpaya bukusiɔŋakɔ, ganɛ kɛdɔŋɛŋa anɛ kɛdɔwɛ̃wɛ bui, pɔ tɛnɛnamɛzɛza, ishuyuyɔ anɛ same nɛ Ɔfufɔɛ Dzyɔgo nɛ mɛ,

1 Timotio 2:1

Istre nɔ, kɛlɛ putɔnɔ, sɛ tibibisi, kpayakuklu, ibuevuvu anɛ ahwɛhuhu, ba bhɛtɛ lɛ akɔ anɔnyanɔ—

Koloseanɛ 2:7

nɔ kpɛgu klɛ tɛ nɔ bhɔ ɔtrɔ nɛ yɛ mɛ, tɛ nɔ gɛganɛ nɛ́ tɛyɛyɛkɛŋa mɛ anasɛ gɛ ba kasɛ nɔ, klɛ tɛ nɔ yuku ɔgbɛgba nɛ̀ ahwɛhuhu.

Efesoanɛ 5:1

Nɔ za anasɛ Kpaya, kɛlɛso gɛ adɛmɛ nɔɛ bui anasɛ yɛ yialɛ

2 Kɔrintioanɛ 4:15

Anɛ petee lɛ nu wunɔ tɛpɛpɛ̃, se tɛ kɛdɔkukɔ gɛ kɛnanɛ lɔ gelee klɛ banɔ gelee ba bakɔ ahwɛhuhu be yukuagbɛgba kɔ Kpaya kabhaŋɛŋa.

Tɛbubukasɛ 7:12

aaɖɔ asɛ: “Tɛlɛbɛlɛm! Kabhakpɛkpɛ nɛ ishudɛdanɛ anɛ kibuinyinyi anɛ ahwɛhuhu anɛ tɛkpɛkpɛabha anɛ kemi anɛ bɔgɛganɛ kɔ bulɔ Kpaya ɔyɛkɔ vɛnɔ. Tɛlɛbɛlɛm!”

Efesoanɛ 4:16

Denɔ yɛ mɛ ishuidzya petee, xogo klɛ lɛ nyana aglɔ nɛ tɛzɛ, klɛ lɛ bhɔ ishu trɔ nɛ tɛdɛdɛmɛ mɛ, anasɛ gɛ kapɛ nyɛapɛ wa yɛ shu axwɛ.

Koloseanɛ 1:12

ahwɛhuhu kɔ Aka, gɛ abhɛtɛ nɔ nɔna tɛ nɔ yɛkɛ kpayabanɔ kededɔ nɛ́ kifu tɛtã bukusiŋakɔ.

Hebriuanɛ 13:15

Kɛlɛso, ga Yesu abha, tɛ bu kɔ Kpaya kɛdɔ gɛ nu kɛdɔ pupɔɛ kɔ yɛabhaŋɛŋa—eyuyu ɛnugbu nɛ gɛ lɛ bu yɛ kinyi nɛ akasɛ.

1 Kɔrintioanɛ 7:15

Pɔ onugɛ agɛ adɛ yɛkɛŋa ashɛ, kɔ yɛ ashɛ. Anyɛ ɔdɔgɔsɛ adzɛ nɔɔ nɛ gɛ ayɛkɛaŋa ba dɛ nya yɛ akpɛ tɛzɛzɛlɛ nɛ di mɛ, Kpaya eklu lɔ se bu za ishu yuyɔ mɛ.

Romanɛ 1:21

Alasɛ kɛnyalɛ kɛlɛm sɛ benyi Kpaya, pɔ ba tɛ kpɛ yɛ nɛa bha ansɛ Kpaya pɛ ɔdɔgɔsɛ be hu yɛ ahwɛ, pɔ balɛ kɛtɔkpum bhɛbhɛtɛ nɛ dɛ dzi kɛdɔnyɛdɔ klɛ balɛ bugã idzyi nɛm aza dɔ otumu dɛa na.

1 Kɔrintioanɛ 10:17

Alasɛ ɔgba torikpo, bulɔ, gɛ bukpe, bu nu ishuidzya tirikpo, alasɛ bulɔ petee bu tã ɔgba tirikpo.

1 Timotio 6:12

Gɔnɛ tɛyɛyɛkɛŋa tɛgugɔnɛ dzyɔgo. Nyɛna ɛkpã gɛ tɛ ba beke nɛm ovunɔ, ɛgɛ ɛlɛ mɛ le kulu wɔa kɔ, nɛ kibe lɛ gɛ ɔbhɛtɛ wɔ ishu mɛ dɛdanɛ dzyɔgo nɛ bebuimɔɖɔ gelee amɛ.