Koloseanɛ 3:14 - ONUGBÙ NYƐNYÃ VUVƆ

¹⁴ Klɛ nɛ anɛ nɛ petee mɛ nɔ kpɛ tɛdɛdɛmɛnɔ anɔ, gɛ kɛ nya alɛ petee xogo nɛ tɛpɛpɛ̃ tirikpo bhɛbhɛtɛ mɛ.

Koloseanɛ 3:14 Referans Kwoze

1 Petro 4:8

Nɛ alɛlɛ petee ede, dɛmɛnɔ nɛ ɔhaglɔ mɔmɔ, alasɛ tɛdɛdɛmɛnɔ la dɛ ebuizizi gelee.

Efesoanɛ 5:2

klɛ nɔ za nɛ kpã nɛ anɔɛbui dɛdɛmɛ mɛ, anasɛ gɛ Kristo adɛmɛ bulɔɛ bui klɛ ayɛkɔ ishu akɔ nɛ bulɔɛ tɔkpu anasɛ kɛdɔ lɛlɔ̃ huhu gɛ ayɛkɔ etsye Kpaya.

Koloseanɛ 2:2

Mɛ tɛbhɛtɛ kɛ lɛ nu sɛ tɛ ba kpɛ balɛ idzyi kemi nɛ̀ tɛ ba kpɛ alɛ ketsu nɛ́ tɛdɛdɛmɛ mɛ, sɛ tɛ ba yɛkɛ ehueyi mumɔ gelee nɛ kibuiesi nunu nɛna, nɛ kɛlɛmɛ tɛ ba beti Kpaya ebukpukpu, be klu sɛ Kristo,

Yohanɛsɛ 13:34

“Ɔshã vuvɔ mɛ ɛkɔ nɔ: Nɔ dɛmɛnɔ ɔhaglɔ. Anasɛ gɛ ɛdɛmɛnɔ nɛ wunɔ, so nɔ dɛmɛnɔ nɛ ɛhaglɔ.

Romanɛ 13:8

Nɔ tɛ kɔ anɔnyanɔ kɛbhɛ za wɔnɔ shu, ɔyɛkɔdɛ ɔhayɛ ɖuɖɔɛ bhɛ, alasɛ anɔɔ nɛ gɛ aɖɔ yɛɔhayɛ nɛɛ abhɛtɛ ɔshã nɛabha.

Efesoanɛ 4:3

Ga kidzonyɛdzo abha tɛ ɔbhɛtɛ terikpo nɛ̀ Ɔfufɔɛ ɔganɛ ishuyuyɔ nyɛnya mɛ.

1 Yohanɛsɛ 4:21

Klɛ akɔ lɔ ɔshã nɛ asɛ: Anɔnyanɔ gɛ adɛmɛnɔ Kpaya alasɛ tɛ adɛmɛnɔ yɛ adzya.

2 Petro 1:7

klɛ kɔ kpayamɛzɛza, badzya ɛyɛmɛyɛyɔ, nɛ̀ kɔ badzya ɛyɛmɛyɛyɔ, tɛdɛdɛmɛnɔ.

1 Timotio 1:5

Ɔshã nɛ tɛtutrɔ yɛ kɛlɛ nu tɛɖuɖɔ, gɛ kii de idzyi gɛ ebhui mɛ anɛ ishumdɛdanɛ dzyɔgo nɛ tɛyɛyɛkɛŋa gɛganɛ.

1 Tɛsolonianɛ 4:9

Ɔtsɔ̃ nɛ kɛdzya mɛ tɛɖuɖɔ shu kɛ dɛ zhã sɛ bu ŋlɔmɛ kɔ nɔ, alasɛ wɔnɔ nahwɛ Kpaya atɛ kasɛ nɔɛ dɔ sɛ nɔ ɖɔ aglɔ.

Yohanɛsɛ 17:23

Ɛlɛ ba lɛ mɛ klɛ wɔ ɔlɛ mɛ mɛ. Ba ba mɛna alɛ tɛ ba bhɛtɛ tɛɖikpo nahwɛ tɛ kɛ kɔ kanɔ ne ti sɛ wɔ kpɛ mɛ klɛ ɔdɛmɛnɔ nɛ alɛ anasɛ gɛ ɔdɛmɛnɔ nɛ mɛ.

Yohanɛsɛ 15:12

Mɛ ɔshã ɔlɛ nu sɛ: Nɔ za tɛdɛdɛmɛnɔ nɛ aglɔ anasɛ gɛ ɛdɛmɛnɔ nɛ nɔ.

1 Yohanɛsɛ 3:23

Klɛ kɛnɛ kɛlɛ nu yɛ ɛshã: tɛ bu yɛkɛŋa nɛ yɛ Yi Yesu Kristo nyimɛ, klɛ tɛ budɛmɛnɔ bulɔhaglɔ anasɛ gɛ akɔ lɔ ɔshã.

Hebriuanɛ 6:1

Kɛlɛso nɔ kɔlɔ shɛnahwɛ kesikpɛkpɛ kɛdɔkɛkasɛ denɔ Kristo shu klɛ tɛ buvɛ tɛshishe nɛ abha, nɔ tɔ kɔ sɛ bu zia dzu kitemtsyitsyina denɔ kɛxwɛwɛwa gɛ kɛba gbanɛ lɔ vɛnɔ butsi mɛ klɛ tɛ bu yɛkɛ Kpaya bhaŋa,

Efesoanɛ 1:4

Alasɛ eklu lɔ nɛ yɛ mɛ flogo gɛ babhɛtɛ kanɔ sɛ tɛ bulɔ shu bhui klɛ tɛ buzizi tɛza lɔ shu nɛ yɛ amɛ. Nɛ tɛdɛdɛmɛ mɛ

1 Yohanɛsɛ 3:10

Kɛnɛ kɛlɛ kɔ bu ti bagɛ benu Kpaya yɛ yialɛ klɛ ganɛ̀ bagɛ benu ɔfufɔɛkpã yɛ yialɛ. Anɔnyanɔ gɛ adɛ bhɛtɛ kɛ gɛ nu kɛdzyɔgo edɛnu Kpaya yɛ yi, ɔdɔgɔsɛ adɛ dɛmɛnɔ nɛ yɛ adzya, edi nu Kpaya yɛ yi.