Koloseanɛ 3:10 - ONUGBÙ NYƐNYÃ VUVƆ

¹⁰ klɛ nɔ kpɛ bu vuvɔ pi, gɛ nɔ tsrakɛ nɛ kibuititi mɛ nɛ Adɔbhɛtɛ nɛ tɛ zɛza mɛ.

Koloseanɛ 3:10 Referans Kwoze

Romanɛ 12:2

Nɔ tɔɔ yɛkɔ wɔnɔ shu nɛ ɔkpɛ kanɔ nɛ tɛzɛza mɛ ɔtsɔlɛ, pɔ no dzi banɔ gɛ otsyina ganɔ wɔnɔ atɔkpum vuvɔ bhɛbhɛtɛ. Kɛlɛmɛ nɔ bɔ na Kpaya tɛpɛpɛ nu fekedi pɛ nɔ bɔ trɔahwɛ yɛ tɛpɛpɛ nɛa bha—yɛ tɛpɛ̃pɛ, kɛku awɔ̃ klɛ kɛna.

Efesoanɛ 2:10

Alasɛ bu nu Kpaya axwɛwɛwaɛdɔ, nɛ Kristo Yesu mɛ abhɛtɛ lɔ sɛ bu waɛxwɛ dzyɔgo gɛ Kpaya eti putɔ abhɛtɛ kɔ lɔ sɛ tɛ bu bhɛtɛ.

Koloseanɛ 3:12

Kɛlɛso anasɛ Kpaya banɔ kuklu, tɛbhubhui anɛ tɛdɛdɛmɛnɔ mɔmɔ, wɔnɔ nahwɛ nɔ nyumu eshutukubuididi, ɛyamɛyɛyɔ ishubububɔ, ishunyɛnyɛna anɛ tɛdɛdɔfɔɔ̃.

2 Kɔrintioanɛ 5:17

Kɛlɛso, onugɛ anɔ teli alɛ Kristo mɛ, enu kɛdɔ bhɛbhɛtɛ vuvɔ, kɛkuku ba fla, kɛ vuvɔ nɛ ba!

Koloseanɛ 3:14

Klɛ nɛ anɛ nɛ petee mɛ nɔ kpɛ tɛdɛdɛmɛnɔ anɔ, gɛ kɛ nya alɛ petee xogo nɛ tɛpɛpɛ̃ tirikpo bhɛbhɛtɛ mɛ.

1 Yohanɛsɛ 2:5

Pɔ onugɛ anɔ teli ata yɛ ebui nɛ atɔ, Kpaya tɛdɛdɛmɛnɔ kɛgbɛagba petee lɛ yɛ mɛ. Kɛnɛ kɛlɛ kɔ sɛ bu nyi sɛ bu lɛ yɛ mɛ:

Romanɛ 13:14

Nɛ kɛlɛ mɛ, nɔ yɛkɔ Apalete Yesu Kristo nɛ onyumu, klɛ no tɛ bhɛtɛ kɛtɔkpum nɛ kana gɛ nɔ bɔ kpɛ buzizi mɛ tɛzɛza tɛpɛpɛɛ nɛ kabha.

1 Yohanɛsɛ 2:3

Bu nyi sɛ bu ba sɛ tɛ bu ti yɛ onugɛ bu bhɛtɛ trɔ yɛ ɛshã nɛabha.

Romanɛ 8:29

Alasɛ banɔ nɛ gɛ Kpaya enyi putɔnɔ atɛ bhɛtɛ alɛ sɛ tɛ ba za Yɛeyi nɛ tɛzɛzam, sɛ tɛ ebe dzi amumɔtutɔpu nɛ badzya gelee shi.

Yohanɛsɛ 17:3

Ɔtsɔ̃ kɛɛ nɛ kɛlɛ nu ɛkpã mabeke: sɛ tɛ be ti wɔ, kɛgba Kpaya terikpo, anɛ Yesu Kristo, gɛ yɛ wɔ kpɛ.

Tɛbubukasɛ 21:5

Agɛ yɛ edzi kekusigbu nɛa bha nɛ asɛ, “Ɛbhɛtɛ kɛdɔnyɛdɔɛ lɛ ba dzi kɛvuvɔ!” Ɔkɛlɛ asɛ, “Ŋlɔmɛ kɛdɔɛ nɛ olu, alasɛ ebuia nɛ enu agɛ alɛa bha la ba yɛkɛ aŋa klɛ enu kɛgba.”

Efesoanɛ 2:15

ayɛkɔ yɛ ishuidzya ebu ɛshã ɛlɛ tɛkpɛkpɛ anɛ ɛlɛabha bhɛbhɛtɛ. Yɛ tɛtɛtrɔ kɛlɛ dzi sɛ tɛ abhɛtɛ nɛ yɛnahwɛ mɛ anɔ vuvɔ terikpo denɔ balɛ tɛabha mɛ, sɛ abhɛtɛ ishuyuyɔ,

Galatianɛ 6:15

Bunyɛnyɛ bhubhui anɛ bunyɛnyɛ mabhui mabhui dɛ nu kɛdɔnyɛdɔ, kɛ gɛ nu kibui kɛlɛ nu tɛbhɛbhɛtɛ vuvɔ.

2 Kɔrintioanɛ 4:6

Alasɛ Kpaya gɛ aɖɔ sɛ, “Kɔ kifu nɛ tã denɔ otumu mɛ,” bhɛtɛ yɛ fu tɛ kɛtã nɛ bulɔ idzyi mɛ tɛ kɛkɔ lɔ kifu buititi nɛ́ Kpaya kabhaŋɛŋa nɛ Kristo amɛ.

2 Kɔrintioanɛ 3:18

Klɛ bulɔ bagɛ amɛ dɛdadɔ ma bulɔ petee bu mɔ Apalete nɛ kabhaŋɛŋa bulɔ amɛ letsyina kpɛ yɛ tɛzɛzɛmɛ nɛ kabhaŋɛŋa gelee-vɛabha, gɛ kɛ de Apalete nɛ mɛ, gɛ yɛ nu Ɔfufɔɛ.

Romanɛ 13:12

Otumu nɛ ɔɔfla beke; keli nɛ kaza beke. So nɔ kɔ lɔ shɛ̃nahwɛ otumum ebui nɛ shu tɛ bu yɛkɔ kelizɛza keyuawi nɛ kpɛ.

Galatianɛ 3:27

alasɛ wɔnɔ petee gɛ ba kpɛ buni kɔ nɛ Kristo mɛ wɔnɔ nahwɛ nɔ nyumu Kristo.

Hebriuanɛ 6:6

onugɛ be koeyi adɔ, tɛ ba be tsodzini alɛ amɛna kitemtsyitsyina mɛ, alasɛ balɛ oboɛ dudɔ ba ka kpla Kpaya yɛ Yi nɛ osi shu anɛ yɛ tɛtitii kpɛ kesi kɔ butsɔ kpɛkpɛ nɛ banɔa mɛ.

Romanɛ 6:4

Kɛlɛso ba vubɔ lɔ aplɛnɔ yɛ ganɔ bunikpɛkpɛm akpɛ butsi mɛ sɛ tɛ, ansɛ gɛ be feke Kristo ebu denɔ bekpu mɛ ganɔ Aka nɛ ishubhuibhui mɛ, bulɔ tsyɛ bu ba za nɛ ɛkpã vuvɔ.

2 Kɔrintioanɛ 4:16

Kɛlɛso bu tɛ bakɔ idzyi ekoeyi nɛ bulɔɛ te. Kɛlɛlɛmɛ sɛ ɔtɔ nɛ bu tsɔmɔ koeyi, pɔ nɛ́ kɛmɛnɛmɛ ba bhɛtɛ lɔ avuvɔ kiwui nyɛ wui.

Filimɔnɛ 1:6

Ikulu kpaya sɛ tɛ ɔza kɛxwɛwɛwa mɛ nɛ wɔ tɛyɛyɛkɛŋa anɛ ketsukpɛkpɛ, sɛ tɛ kibuiesi nunu nɛna za wɔ ahwɛ kɔ kibui dzyɔgo kanyaka di gɛ lɛ bulɔ ahwɛ nɛ Kristo mɛ.