Koloseanɛ 2:20 - ONUGBÙ NYƐNYÃ VUVƆ

²⁰ Kɛbelɛlɛ gɛ otsi nɛ Kristo kɔ kanɔɛmɛ dɔ bhɛbhɛtɛ, kideso, anasɛ kɛlɛlɛmɛ sɛ nɔ kɔ nu ka lɛ ayɛ, ɔyɛkɔ wɔ shu kpɛ ɔlɛ ɛshã nɛesi:

Koloseanɛ 2:20 Referans Kwoze

Koloseanɛ 2:8

Nɔ di kɛlɛ ɔkɔ sɛ anɔnyanɔ adɛ vu nɔ aganɔ kidzo kɔklɔ̃ nɛ tɛwɛwɔɛ dɔnyinyi, gɛ kɛlɛ anɔdzyrame begu nɛ̀ kanɔ nɛmɛ ebui bhɛbhɛtɛ ɔyɛkɔdɛ Kristo abha.

Koloseanɛ 2:16

Kɛlɛso nɔ tɛ kɔ anɔnyanɔ ebu kɛpɔ kɔ nɔ nɛ kɛ gɛ nɔ ŋa ɔdɔgɔsɛ kɛgɛ nɔ wɔɛ̃, ɔdɔgɔsɛ busɔlɛ kiwuiŋɛŋa, Woele Vuvɔɛ wuiŋɛŋa pɛnɔ Tɛmumoene wui.

Galatianɛ 4:3

Kɛlɛso bulɔ tsyɛ, gɛ bu dzi banuvɔ, bu dzi banɔdzidzi nɛ kanɔanɛmɛ ebui nɛesi.

Koloseanɛ 2:14

gɛ atɛ tsa odi akpɛ kɛdɔ ŋuŋlɔmɛ ɔshã, anɛ́ ɛlɛ abha tɛtɛtrɔ, gɛ kɛlɔɛ titi nɛ bulɔ shu klɛ kɛ dɛ za lɔ li, ayɛkɔɛ lɛ ashɛnɔ, ada kpla lɛ nɛ butsiosi shu.

1 Yohanɛsɛ 5:19

Bu nyi sɛ bu nu Kpaya yɛ yialɛ, klɛ sɛ kanɔ nɛ petee kabhaŋɛŋa lɛ ezizi nɛesi.

Hebriuanɛ 13:9

Nɔ tɛkɔ kɛdɔ kɛkasɛ bhlatɔ dinyɛdi kɛ gbanɛ nɔ koeyi nɛ kidzo dzyɔgo nɛabha. Kɛbɔ sɛ tɛ kɛdɔkukɔ kpɛ lɔ idzyi kemi, anɛ kibenyɛbe dɔ ŋɛŋa gɛ kɛdɛ plɛnɔ bagɛ baŋa lɛ.

Yakobo 4:4

Wɔnɔ banɔ gaa dɛ ɔmamɛ, no ti nyi ɔsɛ kɛbhɛam zɛza nɛ kanɔ nɛɛ kinu Kpaya mapɛmapɛ? Anɔnyanɔ gɛ ayɛkɔ asɛ ebe dzi kanɔa nɛ mɛ ɔbhɛa nɛɛ, ebe dzi anɔ gɛ alɔ kititi nɛ Kpaya shu.

Galatianɛ 6:14

Mɛ ɛtɛ ba fekeshu odunu sɛ bulɔ Apalete Yesu Kristo butsiosi shu, ganɔ kɛlɛ abha bakpla kanɔ le yi nɛ butsiosi shu kɔ mɛ, klɛ mɛ kɔ kanɔ.

2 Kɔrintioanɛ 10:3

Alasɛ kɛlɛlɛmɛ sɛ bu lɛ nɛ kanɔ nɛ mɛ, bu dɛ bu keyu anasɛ gɛ kanɔ nɛ abhɛtɛ.

Yohanɛsɛ 15:19

Onugɛ nɔ nu kanɔ na yɛ, ka ba dɛmɛnɛ nɔ anasɛ kalɛ nahwɛ ayɛ. Anasɛ gɛ kɛ nu, nɔ dɛ nu kanɔ nɛ ayɛ, pɔ iklu nɔ denɔ kanɔ nɛ mɛ. Kɛlɛso gɛ kanɔ kegu nɔ.

Efesoanɛ 2:15

ayɛkɔ yɛ ishuidzya ebu ɛshã ɛlɛ tɛkpɛkpɛ anɛ ɛlɛabha bhɛbhɛtɛ. Yɛ tɛtɛtrɔ kɛlɛ dzi sɛ tɛ abhɛtɛ nɛ yɛnahwɛ mɛ anɔ vuvɔ terikpo denɔ balɛ tɛabha mɛ, sɛ abhɛtɛ ishuyuyɔ,

Koloseanɛ 3:3

Alasɛ otsi, klɛ wɔnɔ kpã nɛ kpu nɛ̀ Kristo anɛ́ Kpaya mɛ.

Koloseanɛ 2:21

“Tɛ nyɛna ebuianɛ! Tɛ mini! Tɛ hunɔ!”?