Koloseanɛ 1:29 - ONUGBÙ NYƐNYÃ VUVƆ

²⁹ Kɔ kɛnɛ obekekɔ ɛwaɛxwɛ, ɛwlãnkɛ nɛ yɛ kemikpɛkpɛ, gɛ kɛwa kemi shuixwɛ gɛganɛ nɛ mɛ mɛ.

Koloseanɛ 1:29 Referans Kwoze

1 Kɔrintioanɛ 15:10

Pɔ nɛ Kpaya ɛyɛmɛyuyɔ enu agɛ enu, klɛ yɛ ɛyɛmɛyuyɔ kɔ mɛ kɛdi dzi kɛkpɛkpa. Oo, ɛwa kɛxwɛ dɛ balɛ petee—ganɛ mɛ nahwɛ, pɔ Kpaya ɛyɛmɛyuyɔ kɛlɛ za plɛnɔ mɛ.

Efesoanɛ 1:19

klɛ nɛ yɛ kemi gbɛgbla gɛ kadɛ sɔnɔ kanyaka kɔ lɔ bagɛ buyɛkɛŋa. Kemi alɛlɛ nɛ lɛ anasɛ yɛ bupu gɛganɛ kɛxwɛ wuwa,

Efesoanɛ 3:7

Ɛba dzi axwɛdɛ kɔ kibui dzyɔgoe gɛ bakɔ ganɔ Kpaya ɛyamyuyɔ gɛ akɔ mɛ ɔganɔ yɛ bupu kɛxwɛwɛwae mɛ.

Filipianɛ 2:13

alasɛ Kpaya yɛ awaɛxwɛ nɛ wɔnɔ mɛ nɛ tɛpɛpɛɛ anɛ̀ tɛbhɛbhɛtɛ nɛ tɛtɛtrɔ dzyɔgo nɛ nu.

Hebriuanɛ 13:21

akɔ nɔ kɛdɔ dzyɔgo nyɛdɔdzyɔgo kɔ yɛ tɛpɛpɛɛ, klɛ tɛ awaɛxwɛ nɛ bulɔ mɛ kɛgɛ ku yɛ awɔ̃, ɔganɔ Yesu Kristo abha, kɔ yɛ ishubhubhui mɛ denɔ mabeke ɔvɛnɔ mabeke mɛ. Tɛlɛbɛlɛmɛ.

Koloseanɛ 2:1

Ɛpɛɛ sɛ tɛ nɔ ti kana gɛ ɛwlãkɛ kɔ nɔ klɛ nɛ̀ bagɛ ba lɛ Laodikɛa, anɛ̀ kɔ bagɛ ba ka tsyanɛ mɛnahwɛ edi.

2 Tɛsolonianɛ 3:8

ɔdɔgɔsɛ bu ŋa anɔ teli dɔ gɛ bu dɛ buya kɛlɛ bhɛ. Nɛ ɔtɔgɛga mɛɛ, bu wa kɛxwɛ elishi anɛ kemuze, bu za kɛxwɛwɛwa bha klɛ butɔ sɛ tɛ bu tɛ dzi kituku kɔ wɔnɔ mɛayɛ kanyaka.

1 Tɛsolonianɛ 2:9

Badzya mɔ, ɛyɛkɛŋa sɛ nɔɔ baka, bulɔ baatɔ nɛ ebuigɛganɛ nɛ mɛ; bu wa kɛxwɛ elishi anɛ kemuze sɛ tɛ bu tɛ dzi kituku kɔ nɔ nɛ kibe lɛ gɛ bu ɖɔ Kpaya kibuidzyɔgo nɛ tsre nɔ.

Koloseanɛ 4:12

Epafra, gɛ enu wɔnɔmɛayɛ teli nɛ Yesu Kristo axwɛdɛ, asɛnɛ nɔ asɛsɛ. Awlãnkɛ eklukpaya kibenyɛbe nɛ wɔnɔɛ tɔkpu, sɛ tɛ nɔ za gɛganɛ nɛ́ Kpaya tɛpɛpɛɛ petee mɛ, nɔ she tɛ nɔ bhɛtɛ yɛ ebui tɛ la na.

Filipianɛ 2:16

anasɛ gɛ nɔ nyɛna ɛkpã bui nɛ ovunɔ—sɛ tɛ ɛba fekeshu nɛ Kristo kiwi nɛabha sɛ ɛdɛ ga ɔdɔgɔsɛ ɛwa kɛlɛɛ mɛ kɛxwɛ

1 Kɔrintioanɛ 12:11

Anɛɛ petee lɛ nu anɔ terikpo nɛ Ɔfufɔɛ ɔlɛlɛ, klɛ akɔ alɛ akanyaka anasɛ gɛ apɛɛ.

Romanɛ 15:20

Nɛ kibenyɛbe mɛ ki dzi mɛ tɛpɛpɛɛ sɛ tɛ ɛɖɔ kibuidzyɔgo nɛ ɔkɛlɛ gɛ be ke ti Kristo, sɛ tɛ ɛtɛ ba zɛ bhɔtrɔ anɔbhlatɔ kesikpɛkpɛa bha.

Tɛbubukasɛ 2:3

Oti tsianyɛ klɛ ɔtɛ za ebuigɛganɛ nɛ nu ɔkpɛ mɛ kinyi nɛ so, klɛ oko si kifu.

2 Timotio 2:10

Kɛlɛ so ɛdzrɔ nɛ kibuinyɛbui nu nɛ agɛ be kulu nɛ tɔkpu, sɛ tɛ balɛ tsyɛ ba mɔ tɛbubu nɛ gɛ kpasɛ Kristo Yesu mɛ, ɔplɛnɔ ɔfufɔɛ mɛ ishubhubhui.

Filipianɛ 1:30

kibe lɛlɛ gɛ nɔ kɔ vɛ tɛwũwlãnkɛ lɛlɛ nɛabha nɔ mɔ ɛza kɛlɛa bha klɛ ɔtsɔ̃nɛ nɔ zɔ nu sɛ ɛka tsiri lɛabha.

Filipianɛ 1:27

Kibuinyɛbui gɛ kɛ baa, nɔ nyɛna wɔnɔ shu nɛ Kristo kibui dzyɔgo nɛ tɛzɛzam. Kɛlɛede, kɛba dzi sɛ ɛba pɛ ɛba mɔ nɔ ɔdɔgɔsɛ ɛba nu wɔnɔɛ dɔ nɛ mɛede, eba ti sɛ nɔ lɛ gɛganɛ nɛ ɔfufɔɛ torikpo mɛ, ɔwlãnkɛ ansɛ anɔ terikpo kɔ kibui dzyɔgo nɛabha yɛyɛkɛŋa

Efesoanɛ 3:20

Ɔtsɔ̃nɛ kɔ yɛ gɛ abana kɛdɔ bhɛtɛ tɛsɛsɔnɔ dɛ kɛgɛ kɛlɛ petee bu bisi ɔdɔgɔsɛ bɔ bhɛtɛ kɛtɔkpu mɛ, nɛ yɛ kemi nɛ gɛ kɛwa kɛxwɛ nɛ bulɔ mɛ,

2 Kɔrintioanɛ 13:3

nɛ kɛlɛmɛ gɛ nɔ pɛɛ sɛ tɛ nɔ ti sɛ Kristo aɖɔaɖɔ ganɔ mɛabha. Eke botso sɛ tɛ atɛta wunɔ batɔ, pɔ kemi alɛ yahwɛ nɛ wunɔɛ shi.

2 Kɔrintioanɛ 11:23

Kristo baxwɛdɛ lɛ nu? (Ɛmamɔ sɛ tɛ ɛɖɔ kaɖɔa nɛ di.) Ɛdɛ́ alɛ. Ɛtɛ waɛxwɛ gɛganɛ dɛ, ɛza vu gelee ziazia, be tu mɛ ebe gelee, klɛ be tii mɛ akpɛ butsi mɛ etsodzi etii akpɛ.

2 Kɔrintioanɛ 6:5

nɛ tɛtutuɛ mɛ, buvuzɛza anɛ kɛdɔziziogugu kpɛkpɛ, kɛxwɛ gɛganɛ wuwa, elishi tramadɔmadɔ anɛ̀ bubhɛdɛdɔ,

2 Kɔrintioanɛ 5:9

So bu yɛkɔ trɔ bulɔ shu sɛ bu babhɛtɛ tɛ kiku yɛ awɔ̃, kɛbɛlɛmɛ sɛ kepi lɔ lɛ nɛ ishuidzya mɛ pɛnɔ bu koeyi nɛ lɛ mɛ.

1 Kɔrintioanɛ 12:6

Axwɛwuwa edidedi la lɛ, pɔ Kpaya alɛlɛ nɛ yɛ wa alɛ petee nɛ banɔ petee mɛ.

Romanɛ 15:30

Madzyalɛ mɔ, itsre nɔ sɛ, ganɔ bulɔ Apalete Yesu Kristo nɛ Ɔfufɔɛ nɛ anɔɖuɖɔ nɛa bha sɛ, nɔ taplɛnɔ mɛ nɛ mɛ tɛwɛwlãkɛ nɛm ganɔ Kpaya kuklum ɔkɔ mɛ.

Luka 13:24

“Bhɛtɛ kɛkanyaka tɛ otsoku ganɔ kedunu shɔɛshɔɛ, alasɛ be gelee, itsre nɔ sɛ, ba ba pɛɛ asɛ tɛ betsoku klɛ batɛ ba na.

Hebriuanɛ 12:4

Nɛ wɔnɔ keyu tɛta sɛ tɛ nɔ tɛ tsoku kizizi mɛ, nɔ kɔ wlãnkɛ shu ɔtɔnɔ kibe gɛ ba beyi nɔ.

Koloseanɛ 2:12

gɛ batɛ vubɔ nɔ nɛ̀ yɛ anɛ́ bunikpɛkpɛ mɛ klɛ ba nyɛmɛ nɔ nɛ yɛ ɔganɔ wɔnɔ tɛyɛyɛkɛŋa anɛ́ Kpaya kemi, agɛ anyɛmɛ yɛ edenɔ bekpui mɛ.