Koloseanɛ 1:23 - ONUGBÙ NYƐNYÃ VUVƆ

²³ onugɛ nɔ za wɔnɔ tɛyɛyɛkɛŋa abha, nɔ kpɛ kɛdɔesi nɛ́ tɛgɛganɛ, nɔ ti koeyi nɛ kidzoenudidi gɛ nɔ nyana nɛ kibui dzyɔgo nɛ mɛ. Kɛnɛ kɛlɛ nu kibui dzyɔgo gɛ nɔ nu klɛ kidzi kɛgɛ ba ɖɔ kɔ kɛdɔnyɛdɔ gɛ kɛ lɛ owũsise nɛesi, klɛ Mɛ, Paolo, ɛba dzi axwɛdɛ.

Koloseanɛ 1:23 Referans Kwoze

Hebriuanɛ 3:14

Bu ba sɛ tɛ bubhɛtɛ terikpo nɛ Kristo onugɛ bu nyɛna yɛ gɛganɛ ɔdɔtɔnɔ tɛbibeke anɛ tɛyɛyɛkɛŋa gɛ bunyɛna vunɔ denɔ kesikpɛkpɛ.

Hebriuanɛ 3:6

Pɔ Yesu abhɛtɛ atrɔ ebui nɛabha anasɛ Kpaya yɛ yi nɛ yɛ bupa nɛ mɛ. Bulɔ nu yɛ bupa, onugɛ bu yɛkɔ ishu trɔ yɛabha klɛ budi yɛ dzoenu nɛ tɛyɛyɛkɛŋa.

Hebriuanɛ 10:38

Pɔ mɛ anɔnɛna aba za nɛ ɛkpã ganɔ tɛyɛyɛkɛŋa abha. Klɛ onugɛ etsodzi ɔvɛ kede, same etibeku mɛ nɛ yɛ.”

Galatianɛ 6:9

Nɔ tɛ kɔ lɔ tɔ nɛ kɛdɔ dzyɔgo bhɛbhɛtɛ mɛ, alasɛ nɛ kibe dzyɔgoɛ mɛ bu ba tsui dɔ gelee onugɛ bu dɛ zukɔlɔ lɛ bhɛbhɛtɛ.

Axwɛwɛwa 14:22

nɛ bugɛganɛ kpɛkpɛ badɔkpasɛ anɛ kemi zɛza sɛ tɛ ba nyɛna kabhayɛyɛkɛŋa nɛm nɛ kɛgba. Baɖɔ sɛ, “Kɛ lɛ sɛ tɛ bu ga ebui gɛganɛ mɛ fla sɛ tɛ bu tsoku Kpaya bukusi ɔŋakɔ nɛm.”

Efesoanɛ 3:17

sɛ tɛ Kristo aba za wɔnɔ idzyi mɛ ganɔ tɛyɛyɛkɛŋa abha. Klɛ ibisi sɛ wɔnɔ, nɔ kpɛ igu nɛ anɔ tɛtɛdzuesi mɛ nɛ tɛdɛdɛmɛ nɛ anɔ mɛ,

Romanɛ 10:18

Pɔ ibisi sɛ: Be di nu kibui? Kɛgba be nui lɛ asɛ: “Balɛ oli nɛm oti yi ɔvɛ kesukpa nɛa bha petee, balɛ ebuiɖuɖɔ la vɛ kanɔ nɛ ibekekɔ.”

Hebriuanɛ 6:19

Kɛdidzoenu didi lɛ bulɔ ahwɛ anasɛ keniabha opupu dzrɔnɔ kɔ kɛtɔwui, mɔmɔ nɛ gɛganɛ. Kɛ tsoku obhubhuikɔ nɛ kɛmɛnɛmɛ anɛ́ kɛpɔtɛ nɛ gɛ ba yɛ kɔ bhui busɔlɛvu nɛ kede,

1 Tɛsolonianɛ 3:5

Kibui nɛ so, gɛ ɛtɛa na kɛlɛ nu za, ɛkpɛ odu sɛsɛ sɛ tɛ iti kibui denɔ wɔnɔ tɛyɛyɛkɛŋa nɛ shu. Ɛganɔ awɔ̃ sɛ nɛ kidzo tilia bha Satana eti be feke nɔ edi klɛ bulɔ tɛ tɛbhɛbhɛtɛ nɛ tɛa ba za kibuinyɛbui mɛ.

Efesoanɛ 1:18

Ɛka klukpaya tsyɛ sɛ wɔnɔ idzyi aŋɔhu la danɛ sɛ tɛ nɔ tii kidzoenudidi kɔ kɛ gɛ lɛ so gɛ eklu nɔ, yɛ kededɔŋɛŋa nɛ shu bhubhui nɛ kpayabanɔ nɛ mɛ,

2 Kɔrintioanɛ 3:6

Abhɛtɛ lɔ buna anasɛ onugbunyɛnya vuvɔ baxwɛwa—ganɛ keplukpa pɔ Ɔfufɔɛ, alasɛ keplukpa ke yi anɔ, pɔ Ɔfufɔɛ lɔ kɔ ɛkpã.

Axwɛwɛwa 2:5

Ɔtsɔ̃ banɔ teli ba za Yerusalɛm gɛ be nu Yuɖanɛ nɛ ge si Kpaya fu denɔ amadi kanyakam nɛ owũsise nɛesi.

Tɛbubukasɛ 2:10

Ti si kifu nɛ butɔ nɛ gɛ ɔbɔ mɔ. Itsre wɔ, ɔfufɔɛkpã nɛ ɔbɔ yɛkɔ wɔnɔ beteli ɔkpɛ buvu sɛ tɛ lo feke nɔ odi, klɛ nɔ bɔ tɔ nɛ tɛkpɛkpatɔnɔ mɛ nɛ ewi lɔfɔ mɛ. Nɔ za tɛyɛyɛkɛŋa mɛ, ɔyɛkɔ ɔdɔ nanɔ butsi fãa, klɛ mɛ ba kɔ wɔ ɛkpã kabhaŋɛŋa kikutu.

Koloseanɛ 1:25

Ɛba dzi kɛlɛ axwɛdɛ ganɔ Kpaya ahwɛ tɛtɛtrɔ abha gɛ akɔ mɛ tɛ ɛyɛkɔ Kpaya kibui kɔ nɔ nɛ kɛlɛ tɛkpikpe mɛ—

Yohanɛsɛ 15:6

Onugɛ anɔ teli ama mɛ shui mɛ, alɛ anasɛ ɔshɛ̃ gɛ be te atɛ̃ klɛ lɔ kpã, ɛshɛ̃ lɛlɛ nɛ di ba tɔkɛ lɛ atɛ̃ akpɛ kifu mɛ klɛ lɛ tã.

Luka 22:32

Pɔ iklukpaya nɛ wunɔɛ tɔkpu, Simɔn, sɛ tɛ wɔ tɛyɛyɛkɛŋa tɛ wɔlɛ. Klɛ kibenɔ gɛ otsodzi otsyina ɔtɔ mɛ, kpɛ wɔ adzyalɛ nɛ kemi.”

1 Petro 1:3

Kabhakpɛkpɛ kɔ Kpaya anɛ Aka bulɔ Apalete Yesu Kristo! Nɛ yɛ eshutukubuididi gbɛgbla mɛ akɔ lɔ tɛmumɔ vuvɔ akpɛ nɛ ɛkpã kɛdzoenudidi mɛ ganɔ Yesu Kristo tɛnyɛnyɛmɛ denɔ bekpui mɛ,

Hebriuanɛ 4:14

Kɛlɛso gɛ kpayazakɔanɔ ɖɛɖama lɛ bulɔ ahwɛ, gɛ atɛ ga owũsise mɛ ekoeyi, Yesu Kpaya yɛ Yi, nɔ kɔ lɔ nyɛna yɛ gɛganɛ nɛ tɛyɛyɛkɛŋa gɛ bu ɖɔlu.

Koloseanɛ 2:7

nɔ kpɛgu klɛ tɛ nɔ bhɔ ɔtrɔ nɛ yɛ mɛ, tɛ nɔ gɛganɛ nɛ́ tɛyɛyɛkɛŋa mɛ anasɛ gɛ ba kasɛ nɔ, klɛ tɛ nɔ yuku ɔgbɛgba nɛ̀ ahwɛhuhu.

Galatianɛ 5:7

Nɔ kpaza kibui dzyɔgoe de. Ane gɛ abe bhui wɔnɔɛshi klɛ adzrɔ nɛ nɔ sɛ nɔ tɔtatɔ kɛgbɛagba?

2 Kɔrintioanɛ 6:1

Anasɛ Kpaya baxwɛwa bu bisi denɔ nɛ wunɔ ahwɛ sɛ nɔ tɛ yɛkɛ Kpaya kɛdɔkukɔ nɛ kuã.

Marko 16:15

Yesu etsre yɛ badɔkpasɛ nɛ asɛ, “No tsoku kanɔ nɛm petee tɛ nɔ ɖɔ kibui dzyɔgo nɛ otsre kanɔ nɛ petee.

1 Yohanɛsɛ 2:27

Wɔnɔ xũ nɛ, bubɔsɛsra nɛ gɛ nɔ yɛkɛ denɔ yɛ ɔkɔ bu wɔ nɔɛ mɛ, klɛ nɔ dɔ pɛɛ anɔnyanɔ sɛ tɛ akasɛ nɔɛ dɔ. Pɔ anasɛ gɛ yɛ bubɔsɛsra kasɛ nɔ nɛ ebui nɛ petee shu klɛ anasɛ gɛ bubɔsɛsra nɛ nu kɛgbɛagba, ganɛ kɛdɔ gɛ kɛyi dɔ—anasɛ gɛ kɛ kasɛ nɔ, nɔ wɔ yɛ mɛ.

1 Petro 1:5

ganɔ agɛ tɛyɛyɛkɛŋaɛ abha Kpaya kemi kakpɛ buka kpɛ ɔdɔtɔnɔ kibe nɛ gɛ tɛbhubhuiyɛkɛ kɔ ba kɛlɛ nu tɛbubukasɛ nɛ kibe gugɔɛ nɛabha.

Titusɛ 3:7

sɛ tɛ, yɛ ɛyamyuyɔ nɛ tɛ dzyɔ lɔ, bu ba dzi beyi gɛ kidzoenudidi lɛ bulɔ ahwɛ anɛ ɛkpã mabeke mabeke mɛ.

1 Timotio 2:7

Klɛ kɛɛ nɛ nɛ shu so pɛ be bu mɛ asɛ idzi otugbanɔ anɛ anɔkpɛkpɛ, gɛ ɛɛɖɔ kɛgba, iti hu otro—klɛ mɛ nu kɛgba tɛyɛyɛkɛŋa adɔkasɛ kɔ Bagɛ ba dɛ yɛkɛaŋa.

1 Timotio 1:12

Ihu bulɔ Apalete Kristo Yesu ahwɛ, gɛ akɔ mɛ bugɛganɛ, gɛ edi mɛ asɛ anɔ gɛ tɛyɛyɛkɛŋa lɛ mɛahwɛ, klɛ eebu mɛ akɔ yɛ kɛxwɛ.

2 Tɛsolonianɛ 2:16

Kɔ bulɔ Apalete Yesu Kristo nahwɛ anɛ bulɔ Aka Kpaya, gɛ aɖɔ lɔ klɛ ganɔ yɛ eshutukubui didi mɛ pɛ akɔ lɔ ɔfufɔɛ mɛ kemikpɛkpɛ anɛ kidzoenudidi dzyɔgo,

1 Tɛsolonianɛ 5:8

Pɔ gɛ bulɔ bu nu kelizɛza mɛ banɔ, nɔ kɔ lɔ ŋa ishuabha, tɛ bu yɛkɔ tɛyɛyɛkɛŋa anɛ tɛɖuɖɔ kpla ansɛ kitemɛnyadɔ, anɛ tɛbubu kidzoenu didi ansɛ ɔɖa kikutu.

1 Tɛsolonianɛ 3:3

sɛ tɛ be ti be bu anɔnyanɔ ebho ganɔ tɛfifekedi nɛ mɛ. No nyi mɔmɔ sɛ ba bhɛtɛ lɔ akɔa lɛ.

Efesoanɛ 4:16

Denɔ yɛ mɛ ishuidzya petee, xogo klɛ lɛ nyana aglɔ nɛ tɛzɛ, klɛ lɛ bhɔ ishu trɔ nɛ tɛdɛdɛmɛ mɛ, anasɛ gɛ kapɛ nyɛapɛ wa yɛ shu axwɛ.

Efesoanɛ 2:21

Nɛ yɛ mɛ bedzu buvu nɛ petee atsya klɛ befeke lɛ tɛ bu badzi bubhubhui busɔlɛvu nɛ Apalete nɛ mɛ.

Galatianɛ 5:5

Pɔ nɛ tɛyɛyɛkɛŋa abha bupo ganɔ Ɔfufɔɛ kɛdzyɔgo bhɛbhɛtɛ kɛlɛ bu didzoenu kɔ.

Galatianɛ 4:11

Isifu kɔ nɔ, sɛ kɛbadzi sɛ ɛzi kibe nɛ wɔnɔ shu.

2 Kɔrintioanɛ 11:23

Kristo baxwɛdɛ lɛ nu? (Ɛmamɔ sɛ tɛ ɛɖɔ kaɖɔa nɛ di.) Ɛdɛ́ alɛ. Ɛtɛ waɛxwɛ gɛganɛ dɛ, ɛza vu gelee ziazia, be tu mɛ ebe gelee, klɛ be tii mɛ akpɛ butsi mɛ etsodzi etii akpɛ.

1 Kɔrintioanɛ 15:58

Kɛlɛso, mɛ badzya mumɔa, nɔ za nɛ awɔ̃ gɛganɛ. Nɔ tɛkɔ kɛdɛnyɛdɔ ge nɔ. Kibenyɛbe nɔ yɛkɔ wunɔ ishu kɔ bui bhɛbhɛtɛ kɔ Apalete nɛ kɛxwɛ, alasɛ nɔ nyi sɛ wɔnɔ kɛxwɛwɛwa anɛ́ Apalete nɛ mɛ kɛtɛ ba dzi kɛkpɛkpa.

1 Kɔrintioanɛ 3:5

Nɛ kɛlɛ mɛ, ane yɛ nu Apolo? Klɛ ane ye nu Paolo? Baxwɛdɛ ko bu nu, ganɔ balɛabha nɔ ba sɛ tɛ nɔ yɛkɛŋa—anasɛ gɛ Apalete nɛ akɔ anɔnyanɔ yɛ xwɛ.

Romanɛ 15:16

sɛ idzi Kristo Yesu kibui nɛ aɖuɖɔ kɔ bagɛ ba dɛ yɛkɛaŋa plɛnɔ kpayanɔ axwɛwa kɔ Kpaya kibui dzyɔgo nɛ tɛɖuɖɔ, sɛ tɛ bagɛ ba dɛ yɛkɛaŋa ne be dzi beyi gɛ Kpaya aba yɛkɛ, gɛ Ɔfufɔɛ Dzyɔgo nɛ ɔtrɔahwɛ.

Romanɛ 5:5

Klɛ kidzoenu didi tɛ wɛɛ lɔ, alsɛ Kpaya atɛ balɛ yɛ tɛɖuɖɔ nɛ akpɛ bulɔ idzyi nɛm ganɔ Ɔfufɔɛ Dzyɔgo nɛa bha, gɛ atɛ yɛkɔ akɔ lɔ.

Romanɛ 2:7

Banɔ nɛ gɛ ganɔ tɛyɛyɛkɔ trɔshu nɛ kɛdzyɔgo bhɛbhɛtɛ mɛ pɛ ba pɛɛ ishubhubhui, kabha kpɛkpɛ anɛ ɛkpãzɛza, aba kɔ ɛkpã mabeke mabeke.

Axwɛwɛwa 26:16

‘Ɔtsɔtsiɔ̃ nɛɛ, vu lɔ tɛ ɔza wɔ ɛtsrɛa bha. Ɛwɛ̃ nɛ wɔamɛ sɛ tɛ ɛkpɛ wɔ anasɛ axwɛdɛ anɛ ansɛ axwɛwa nɛ ebuimɔɖɔ kɔ kɛdɔnɔ nɛ gɛ ɔmɔ denɔ mɛ shu anɛ kɛgɛ ɛba kasɛ wɔ.

Axwɛwɛwa 20:24

Pɔ, ɛmɔ mɛ ɛkpã nɛ sɛ kedziŋɛŋa kanyaka ma lɛ akɔm, onu gɛ ɛba na odu nɛ bu si beke klɛ mɛ ba beke kɛxwɛ nɛ gɛ Apalete Yesu akɔ mɛ—kɛxwɛ nɛ gɛ ba bu Kpaya ɛyamyuyɔ kibui dzyɔgo nɛ kasɛ.

Axwɛwɛwa 11:23

Gɛ ede ku ɔkɛlɛ amɔ Kpaya ɛyamyuyɔ nɛ kɛdɔbhɛbhɛtɛ nɛ ɔkɛlɛ, klɛ so amɔ same klɛ akpɛa lɛ petee bugɛganɛ sɛ ba za kɛgbam nɛ Apalete anɛ balɛ idzyi petee.

Axwɛwɛwa 4:12

Ba tɛ ba mɔ okoeyikɔ nɛ anɔnyanɔm, alasɛ kinyinyɛnyi va ma owũsise nɛesi gɛ ba yɛkɔ kɔ banɔdzyrame gɛ kɛlɛ shu la ba ga pɛ be be bua lɛ.”

Axwɛwɛwa 1:25

sɛ tɛ yɛ ayɛkɔ anɔkpɛkpɛ Kpayɛxwɛ, nɛ shu gɛ Yuɖas ashɛ̃nahwɛ elu pɛ ashɛ̃ avɛ yɛ ɔvɛkɔ.”

Axwɛwɛwa 1:17

edzi bulɔ mɛayɛ teli gɛ yɛ tsyɛ abhɛtɛ tili nɛ Kpayɛxwɛ nɛm.”

Luka 6:48

Edzi anasɛ anɔ gɛ èdzu buvu, gɛ etsu ozi gɛ lɔ dzu klɛ akpɛ bu lɛe si nɛ aklãgbu abha. Kɛbenɔ gɛ budekeni yi gbɛgba gɛ odi na yalɛ buvu nɛ, pɔ budɛ hwanɔ lɛ, alasɛ bana lu dzu.

2 Kɔrintioanɛ 4:1

Kɛlɛso ganɔ Kpaya eshutukubui didi belɛlɛ kɛxwɛwɛwa lɛlɛ nɛ lɛ bulɔ ahwɛ, idzyi edi koeyi nɛ bulɔɛ temɛ.

Axwɛwɛwa 1:8

Pɔ nɔ bɔ yɛkɛ kemi onu gɛ Ɔfufɔɛ Dzyɔgo nɛ ɔɔba wɔnɔa bha, klɛ no bo dzi mɛ bebuimɔɖɔ nɛ Yerusalɛm, klɛ nɛ Yuɖia petee anɛ Samaria, ɔyɛkɔ ɔdɔnanɔ kesukpa nɛ ibekekɔ.”

2 Kɔrintioanɛ 10:1

Kristo yɛ tɛyɛyɔ anɛ ishunyɛnyɛna, ibisi denɔ wunɔ kɔ—Mɛ, Paulo, gɛ mɛ “kɛwɔ̃ɛ ku” kibelɛlɛ gɛ bu tsya amɛ nɛ amɛ nɛ wunɔ, pɔ “ɛgɛganɛ” kibelɛlɛ gɛ ɛma!

1 Timotio 3:16

Nɛ ebui bibisi nɛ petee de, kpayamzɛza kibuikpukpu nɛ kitri: Awɛ̃ nɛ ishuidzya mɛ, Ɔfufɔɛ nɛ obu yɛ butsya, kpayaxwɛdɛ nɛ ba mɔɛ, ba ɖɔ yɛ bui nɛ amadi nɛ mɛ, ba yɛkɛ yɛa bha ŋa nɛ kanɔ nɛ mɛ, ba feke yɛ ashɛnɔ nɛ ishubhubhui mɛ.