Koloseanɛ 1:12 - ONUGBÙ NYƐNYÃ VUVƆ

¹² ahwɛhuhu kɔ Aka, gɛ abhɛtɛ nɔ nɔna tɛ nɔ yɛkɛ kpayabanɔ kededɔ nɛ́ kifu tɛtã bukusiŋakɔ.

Koloseanɛ 1:12 Referans Kwoze

Axwɛwɛwa 20:32

“Ɔtsɔ̃ nɛɛ ɛyɛkɔ nɔ kpɛ Kpaya nɛ yɛ ɛyamyuyɔ bui nɛ ahwɛ, gɛ kɛ ba bhɔ nɔ trɔ, klɛ kɛ ba kɔ nɔ ɔŋakɔ nɛ bagɛ balɛ shu la danɛ nɛ shi.

Efesoanɛ 1:11

Nɛ yɛ mɛ be klu lɔ tsyɛ, be klu lɔ nɛ ebui bhɛbhɛtɛ nɛ nu gɛ kɛwaɛxwɛ nɛ kɛkanyaka mɛ nɛ yɛ tɛtɛtrɔ nɛabha,

Efesoanɛ 1:18

Ɛka klukpaya tsyɛ sɛ wɔnɔ idzyi aŋɔhu la danɛ sɛ tɛ nɔ tii kidzoenudidi kɔ kɛ gɛ lɛ so gɛ eklu nɔ, yɛ kededɔŋɛŋa nɛ shu bhubhui nɛ kpayabanɔ nɛ mɛ,

Axwɛwɛwa 26:18

sɛ tɛ ɔdɔ danɛ balɛ awɔ̃hũ tɛ otsyina lɛ odenɔ otumum ɔkɔ vɛnɔ kelidɛdanɛ mɛ, anɛ denɔ Satana kemi mɛ ɔvɛnɔ Kpaya ɔkɔ, sɛ tɛ ba yɛkɛ buzizi tɛyɛyɛkɔ tsye nɛ ɔzakɔ mumɔ nɛ bagɛ balɛ shu la tɛ danɛ nɛ shi ganɔ tɛyɛyɛkɛŋa nɛ mɛmɛ.’

Efesoanɛ 3:6

Kibui kpukpuinɛ kɛlɛ nu sɛ ganɔ kibui dzyɔgoe nɛ mɛ ba gɛ be di nu Yuɖanɛ tsyɛ ba baŋa kidedɔ nɛ̀ Izraɛlanɛ, ɔhamanɛ xuxogo tirikpo, klɛ bɛ xogonɛ ishuidzya nɛ mɛ ayɛkɛ kɛ gɛ aɖɔlu nɛ Kristo Yesu mɛ.

2 Kɔrintioanɛ 5:5

Ɔtsɔ̃nɛ Kpaya ye bhɛtɛ lɔ kɔ kibui nɛ tututu klɛ akɔ lɔ Ɔfufɔɛ anasɛ kɛdɔluluesi, anɔede zɛza kɔ kɛ gɛ tɛ ba.

Romanɛ 8:17

Ɔtsɔ̃ nɛɛ, onu gɛ buu nu banuvɔ, klɛa lɛ bu nu beyi gɛ aba ŋa Kpaya ɔzakɔ, Kpaya ɔŋakɔeyi anɛ ɔŋakɔeyi plɛnɔ Kristo, onu gɛ kɛɛ lɛ lɛm sɛ bu plɛnɔ nɛ yɛ batɔ́ nɛ mɛ sɛ tɛ bulɔ tsyɛ ba za yɛ ishu bhuibhui nɛ mɛ plɛnɔ yɛ.

Hebriuanɛ 3:14

Bu ba sɛ tɛ bubhɛtɛ terikpo nɛ Kristo onugɛ bu nyɛna yɛ gɛganɛ ɔdɔtɔnɔ tɛbibeke anɛ tɛyɛyɛkɛŋa gɛ bunyɛna vunɔ denɔ kesikpɛkpɛ.

Yohanɛsɛ 14:6

Yesu ebuilɛnu sɛ, “Mɛ nu kidzo, kɛgbɛagba anɛ̀ ɛkpã. Anɔnyanɔ atɛ ba ba Aka ne ɔkɔ onugɛ adɛ ga mɛabha.

Tɛbubukasɛ 21:23

Ɔmagbla nɛ ɔma kɔ kiwi odɔgɔsɛ wele atã nɛ ɔlɛm, alasɛ Kpaya ishu bhubhui nɛ ɛɛtã kɔlɛ, klɛ Obhoshieyi nɛ onu ɔlɛ kanɛgbɛ.

Hebriuanɛ 12:23

kɔ beyi tɛtɔpu busɔlɛɔha, gɛ balɛ enyi ba ŋlɔmɛ lu owũsise. Nɔ ba Kpaya kɔ, gɛ enu ebhuiklu kɔ banɔ petee, kɔ banɔ dzyɔgo nɛ ɔfufɔɛ gɛ bana,

Koloseanɛ 2:2

Mɛ tɛbhɛtɛ kɛ lɛ nu sɛ tɛ ba kpɛ balɛ idzyi kemi nɛ̀ tɛ ba kpɛ alɛ ketsu nɛ́ tɛdɛdɛmɛ mɛ, sɛ tɛ ba yɛkɛ ehueyi mumɔ gelee nɛ kibuiesi nunu nɛna, nɛ kɛlɛmɛ tɛ ba beti Kpaya ebukpukpu, be klu sɛ Kristo,

Efesoanɛ 5:20

kibenyɛbe zo hu Kpaya Aka nahwɛ kɔ kɛkanyaka, anɛ bulɔ Apalete Yesu Kristo yɛ nyi mɛ.

1 Kɔrintioanɛ 8:6

pɔ kɔ bulɔ Kpaya terikpo, Aka, gɛ yɛ ɔkɔ kɛdɔnyɛdɔ de klɛ yɛ akɔ lɔ lɛ nɛ ɛkpã, klɛ pɔ Apalete terikpo, Yesu Kristo, ganɔ yɛabha kɛdɔ nɛ petee ba klɛ nɛ yɛ abha bu lɛ nɛ kpã.

Romanɛ 15:27

Kɛ za balɛ buli sɛ tɛ ba bhɛtɛ kɛlɛ, klɛ nɛ kɛgbɛagba mɛ badɔ kɛlɛɛ bhɛ nɛ balɛ shu. Alasɛ onu gɛ bagɛ be di nu Yuɖanɛ nɛ baa tɛ mɔ ɔŋakɔ nɛ Yuɖanɛ ɔfufɔɛ tɛyuyula nɛ mɛ, ki nu kɛbhɛ nɛ balɛ shu kɔ Yuɖanɛ sɛ tɛ ba mɔ ɔŋakɔ nɛ balɛ kanɔa nɛm tɛyuyula nɛm.

Yakobo 3:9

Kɛnɛkɛ nɛ bu yɛkɔ kpɛ bulɔ Apalete anɛ Aka nɛ kabha, klɛ kɛlɛ lɔ yɛkɔ ɖɔɛ bui kpɛ banɔ, gɛ ba bhɛtɛ nɛ Kpaya tɛzɛzam.

Hebriuanɛ 3:1

Kɛlɛso ishubhubhui badzyalɛ Dzyɔgo, gɛ be klu denɔ owũsise, nɔ yɛkɔ wɔnɔɛ bui ɔtrɔ Yesu abha, anɔkpɛkpɛ anɛ Kpaya ɔzakɔanɔ gbɛgbla gɛ buyɛkɛ yɛabhaŋa.

Koloseanɛ 3:17

Klɛ kɛgɛ nɔ bhɛtɛ, kɛlɛlɛmɛ sɛ kibui ɖɛɖɔɛ mɛ ɔdɔgɔsɛ kɛbhɛbhɛtɛ mɛ, bhɛtɛ lɛ petee nɛ Apalete Yesu nyi mɛ, nɔ hu Kpaya Aka nɛ ahwɛ ɔganɔ yɛabha.

Koloseanɛ 3:15

Nɔ kɔ Kristo ishuyuyɔ ŋa kabha nɛ wɔnɔ idzyi mɛ, nɛ kibelɛlɛ alasɛ gɛ nɔ nu ɔha nɛ ishuidzya tirikpo, be klu nɔ kɔ ishuyuyɔ. Klɛ nɔ dzi ahwɛhuhu elete.

Efesoanɛ 5:4

Pɛnɔ obushuolu kɔ, agã ebui ɖɛɖɔ, pɛnɔ ɔyɔzizi gɛ la tɛ ba mɔ ɔzakɔ, pɔ nɔ za ahwɛhuhu abha.

Efesoanɛ 4:6

Kpaya terikpo, nɛ Aka kɔ lɔ petee, gɛ enu kɛtɔkpu kɔ lɔ petee klɛ ganɔ bulɔ petee abha nɛ kɛlɛ petee mɛ.

1 Kɔrintioanɛ 9:23

Ɛbhɛtɛ ebui anɛ petee nɛ kibui dzyɔgo nɛ tɔkpu, sɛ tɛ ɛba mɔ kapɛ nɛ tɛ yuyula nɛ gɛ lɛ kɛlɛ mɛ.

Romanɛ 11:17

Onu gɛ ɛshɛ nɛ tili idzyini tɛɛ̃, klɛ wɔ, oozo dzi olivɛ ɔshɛ tɛta koeyi tsyɛ, gɛ ba yɛkɔ anyata ɛbhlatɔ klɛ ɛlɛ petee ŋa kɛdɔ denɔ igu nɛ mɛ,

Romanɛ 9:23

Kide lɛ nu, onu gɛ abhɛtɛ ana sɛ tɛ be ti yɛ ishubhubhui mɛ kesrɔdɔ kɔ yɛ eshutukubuididi, nɛ gɛ be putɔ abala lu kɔ ishubhubhui—

Yohanɛsɛ 20:17

Yesu aɖɔ sɛ, “Tɛ nyɛna mɛ, alasɛ ɛka tsodzi vɛ Aka nɔ kɔ. Kɛlɛɔzakɔ, vɛ madzya lɛ nɛ ɔkɔ tɛ otsre alɛ sɛ, ‘Itsodzi vɛ́ mɛ Aka anɛ̀ wunɔ Aka, mɛ̀ Kpaya anɛ̀ wunɔ Kpaya nɔ kɔ.’ ”

Yohanɛsɛ 4:23

Pɔ kibe tili ba, klɛ ɔtsɔ̃ nɛ kɛ tɛ ba gɛ kɛgbɛagba basɔlɛsɔlɛ ba basɔlɛ kɔ Aka nɛ̀ ɔfufɔɛ nɛ̀ kɛgbɛagba mɛ, alasɛ balɛ nu basɔlɛsɔlɛ anɛɛ di gɛ Aka na pɛɛ.

Mateo 25:34

“Ɔkɛlɛ Ekusi nɛ ebe tsre ɛgɛ li kɛŋa nɛ mɛ asɛ, ‘Nɔ ba, wɔnɔ bagɛ mɛ Aka nɛ atɛ yula, nɔ yɛkɔ wɔnɔ ɔŋakɔ, gɛ bukusiɔŋakɔ nɛ gɛ ba bala lu kɔ nɔ denɔ kanɔ nɛ kesikpɛkpɛ.

Tɛbubukasɛ 22:14

“Bayula bagɛ be plu balɛ bawi, klɛ kidzoenu ba za kɔa lɛ nɛ ɛkpãosi nɛ shu klɛ ba ba ga budunu nɛ etsoku ɔmagbla nɛm.

Tɛbubukasɛ 22:5

Elishi atɛa za. Be tie bisi kanɛgbɛ fu ɔdɔgɔsɛ kiwi nɛ fu, alasɛ Apalete Kpaya nɛ aba kɔa lɛ kifu. Klɛ ba ba ŋɛabha ɔkɔ vɛnɔ mabeke mabekem.

1 Yohanɛsɛ 1:3

Bu butsre nɔ kɛdɔ nɛ gɛ bu mɔ klɛ bu nu, sɛ tɛ wũnɔ tsyɛ nɔ za terikpo bhɛbhɛtɛmɛ nɛ lɔ. Klɛ bulɔ terikpo bhɛbhɛtɛ nɛ Aka anɛ̀ yɛ Eyianyɛ Yesu Kristo.

1 Petro 5:1

Kɔ beshishe gɛ balɛ wũnɔɛ mɛ ibisi denɔ wũnɔ kɔ sɛ, anasɛ wɔnɔ mayɛ eshishe, kibuimɔɖɔ anɛ́ Kristo butɔ nɛ̀ agɛ yɛ tsyɛ aba mɔ tɛbhubhui gɛ ba be bukasɛ:

Titusɛ 2:14

gɛ ayɛkɔ yɛ shu akɔ nɛ bulɔɛ tɔkpu sɛ tɛ ebu lɔ edenɔ kɛtɔkpum gɛganɛ petee mɛ tɛ epulu banɔ nɛ gɛ enu yɛnahwɛ ayɛ nɛ akɔ shu, gɛ ba pɛa sɛ tɛ ba bhɛtɛ kɛgɛ nu kɛdzyɔgo.

2 Kɔrintioanɛ 11:14

Klɛ kɛdɛyinɔ anɔ, alasɛ Satana nahwɛ etsyina anasɛ axwɛdɛ gɛ atɛ̃fu.

Efesoanɛ 2:18

Alasɛ ganɛ yɛabha bulɔ edi tabha bumɔ kidzo vɛ Aka nɔ kɔ nɛ̀ Ɔfufɔɛ torikpo.

Efesoanɛ 5:8

Alasɛ kibe tili nɔ tɛ dzi otumu, pɔ ɔtsɔnɛ nɔ tã anasɛ kifu nɛ Apalete nɛ mɛ. Nɔ za anasɛ kifu mɛ beyi

Efesoanɛ 5:11

Nɔ tɛ bhɛtɛ kɛdɔnyɛdɔ nɛ̀ otumu mɛ mayumayu ebui bhɛbhɛtɛ, pɔ nɔ bu alɛ ɔdzyɛra.