Hebriuanɛ 9:28 - ONUGBÙ NYƐNYÃ VUVƆ

²⁸ so Kristo akɔ yɛ be yi yɛ bu yi trukpo sɛ tɛ ebu banɔ gelee ebuizizi nalɛ shu, klɛ azia ba bubhla, ganɛ sɛ tɛ aba bhɛtɛ kibuinyɛbui denɔ ebuizizi shu, pɔ amɛna ishu bhubhuiyɛkɛ kɔ bagɛ be po yɛ.

Hebriuanɛ 9:28 Referans Kwoze

Titusɛ 2:13

nɛ kibe lɛ gɛ bu dzi zi po kidzoenudidi yuyula, nɛ bulɔ Kpaya gbla anɛ Yesu Kristo Agɛ ayɛkɛ kɔ lɔ, nɛ tɛwɛwɛ̃,

1 Petro 2:24

Kristo nahwɛ ayɛkɔ bulɔ ebuizizi nɛ akpɛ ishuidzya mɛ nɛ osi nɛ shu, sɛ tɛ bu ba tsi kɔ kizizi klɛ bu za nɛ ɛkpã kɔ kɛdzyɔgo bhɛbhɛtɛ, yɛ apɔ la kɔ sɛ bunya koeyi nɛ bulɔ shuimɛ.

Romanɛ 6:10

Butsi nɛ gɛ etsi, etsi kɔ buzizi butsi trukpo ko; pɔ ɛkpã nɛ gɛ alɛ, alɛ ɛlɛ kɔ Kpaya.

2 Timotio 4:8

Ɔtsɔ̃ nɛɛ tɛzɛzamnɛna kikutu nɛ lɛ kɛdɔ ɔbalakɔ kɔ mɛ, gɛ Apalete, ebhuiklu nɛna, nɛ aba yɛkɔ akɔ mɛ nɛ kiwi lɛ nɛa bha—klɛ ganɛ kɔ mɛ tite, pɔ kɔ banɔ nɛ petee gɛ bee di kidzoenu kɔ yɛ tɛwɛ̃wɛ̃ nɛ tsyɛ.

Romanɛ 8:23

Ganɛ kana tite ko, pɔ bulɔ nahwɛ, nɛ gɛ Ɔfufɔɛ nɛ eyuyu tutɔpu nɛ alɛ lɔ ahwɛ, bu nimi nɛ kɛmɛ flogo pɛ bu dzi po gɛganɛɛ bulɔ tɛyɛyɛkɔ dzi ansɛ beyi, kɔ bulɔ ishuidzya nɛ tɛbubu.

1 Yohanɛsɛ 3:2

Ɛbhɛya mumɔa, ɔtsɔ̃nɛ bu nu Kpaya ye yialɛ, klɛ kɛdɔnɔ nɛ gɛ bu badzi ba ka kɔ lɔ ti lɛ. Pɔ bu nyi sɛ kibe nɔ gɛ aba koeyi, bu ba dzi anasɛ yɛ, alasɛ bu ba mɔ yɛ anasɛ gɛ alɛ.

Axwɛwɛwa 1:11

Banɔ nɛ asɛ, “Galelianɛ mɔ, kide no li kititi nɛ ɔkɛŋ pɛ no zoo di kɛlɛm ana? Yesua nɛ gɛ ba yɛkɔ ashɛ̃nɔ avɛnɔ owũsise nɛ wɔnɔ ɔbha, ebe tsodzi aba ansɛ kana gɛ nɔ mɔ yɛ gɛ ashɛ̃ avɛ owũsise.”

1 Tɛsolonianɛ 1:10

tɛ no po Yɛeyi nɛ gɛ ede owũsise, gɛ anyɛmɛ edenɔ bekpu mɛ—Yesu, nɛ gɛ ebe bu lɔ edenɔ obulo nɛ gɛ ɔba nɛ mɛ.

Mateo 26:28

Mɛ dzyosu nɛ naa nɛ onugbunyɛnya mɛ nɛ wɔnɔ, gɛ ba yɛkɔ balɛ esi kɔ banɔ gelee kɔ balɛ buzizi tɛyɛyɛkɔ tsye.

2 Petro 3:12

anasɛ gɛ nɔ di kidzoenu kɔ Kpaya wui klɛ nɔ pɛɛ sɛ tɛ kɛba zia. Kiwui lɛlɛ bamɛna owũsise ɔlɛ tɛzizi anɛ kifu tɛtã, klɛ ɔlɛ mɛ kɛdɔnyɛdɔ balolo nɛ buhuhu nɛ mɛ.

1 Petro 3:18

Alasɛ Kristo etsi kɔ kizizi butsi tirikpo ko, kɔ banɔ dzyɔgo anɛ be zizi tɛ agbanɛ nɔ avɛnɔ Kpaya kɔ. Be yii yɛ nɛ ishuidzya mɛ pɔ ba bhɛtɛ yɛ alɛ nɛ ɛkpã ganɔ ɔfufɔɛ abha,

1 Kɔrintioanɛ 15:54

Kibenɔ nɛ gɛ kɛ tsɛtsɔmɔ ba nyumu kɛ matsɔmɔ matsɔmɔ klɛ kɛ tsitsi ba dzi kɛ matsimatsi, kɛlɛede kibui ɖɛɖɔ gɛ ba ŋlɔmɛ elu kɛ ba badzi kɛgbɛagba: “Kabhaŋɛŋa munɔ bu tsi,”

Romanɛ 8:3

Alasɛ kɛdɔnɔ nɛ gɛ ɔshã nɛ ɔdɛ mɔ kemi pɛ lɔ na bhɛtɛ akpɛasɛ buzizi tɛzɛzam zi dɔ nɛ ɔlɛ shu so, Kpaya xũ nɛ abhɛtɛ kɛlɛ ganɔ yɛnahwɛ Yɛeyi nɛ gɛ akpɛ asɛsɛ ansɛ anɔ zizi gɛ ba yɛkɔ akɔ nɛ buzizi kɛtɔkpu. Klɛ so ebu buzizi kɛpɔ nɛ anɔ gɛ abhɛtɛ buzizi mɛ,

Yohanɛsɛ 14:3

Klɛ onugɛ ɛvɛ klɛ ɛda bala ɔzakɔ kɔ nɔ, Ɛba tsodzi ba klɛ ɛba gbanɛ nɔ vɛnɔ tɛ nɔ dɔ za mɛ ɔbha tɛ wunɔ tyɛ nɔ za ɔkɛlɛ gɛ ɛlɛ.

Tɛbubukasɛ 1:7

Di! aaba nɛ ɔmunɔ, klɛ kɛwɔ̃hũ nyɛwɔ̃hũ ba mɔ yɛ, bagɛ ba shɔ yɛ dɔ nɛ tsyɛ, klɛ banɔ nɛ petee nɛ kesukpa nɛa bha nɛ ba za anhũdzɛdzam ɔkpɛ yɛ so. So kana kɛ ba za! Tɛlɛbɛlɛm.

Hebriuanɛ 4:15

Alasɛ kpayazakɔanɔ ɖɛɖama ama bulɔ ahwɛ gɛ aba na eshutukubui di nɛ bulɔ kesizhizhi mɛ, pɔ teli alɛ bulɔ ahwɛ gɛ be tɛfeke yɛ di nɛ kidzonyɛdzoe abha, anasɛ gɛ bu lɛ—pɔ adɛ za nɛ buzizi.

1 Yohanɛsɛ 3:5

Pɔ nɔ nyi sɛ aba sɛ tɛ ayɛkɔ bulɔ ebuikpã ashɛnɔ. Klɛ yɛ mɛ kibuikpã ma.

2 Tɛsolonianɛ 2:1

Nɛ bulɔ Apalete Yesu Kristo tɛbɛba nɛ shu anɛ bulɔ tɛxuxogo vɛnɔ yɛ ɔbha, bu tsre nɔ, badzya mɔ,

1 Kɔrintioanɛ 1:7

Kɛlɛso ɔfufɔɛmɛ dɔkukɔ kanyakama gɛ kɛma wɔnɔ ahwɛ anasɛ gɛ nɔ po gɛganɛ bulɔ Apalete Yesu Kristo sɛ tɛ be buakasɛ.

Romanɛ 5:15

Pɔ kɛdɔkukɔ nɛ tɛ dzi ansɛ buzizi. Alasɛ onu gɛ, banɔ gelee be ti tsi akpɛ anɔ terikpo teli buzizi, kɛlɛ lɛ taa za sɛ Kpaya ɛyamyuyɔ anɛ kɛdɔkukɔ nɛ gɛ ba, ganɔ anɔ terikpo, Yesu Kristoa bha, pɛ kɛ da kpɛ vɛ banɔ gelee ɔkɔ!

Hebriuanɛ 9:25

Pɛnɔ etsoku owũsise sɛ tɛ ayɛkɔ yɛshu akɔ bubhla bhla, anasɛ gɛ kpayaɔzakɔanɔ ɖɛɖama ne tsoku Obhubhui Kɔ Ɖɛɖamadɛ kɛgɔ nyɛgɔ nɛ dzyosu gɛ edi nu yɛnahwɛ ayɛ.

Mateo 20:28

anasɛ gɛ Anɔdzyrame yɛ Eyi nɛ adɛ ba sɛ tɛ ba dɛ axwɛ akɔ yɛ, pɔ aba sɛ tɛ aba dɛ axwɛ, tɛ ayɛkɔ yɛ ɛkpã nɛ abuya anasɛ kɛbhɛ nɛ banɔɛ tɔkpu.”

Mateo 25:31

“Onu gɛ Anɔdzyrame yɛ Eyi nɛ aaba nɛ yɛ ishu bhuibhui mɛ, pɛ yɛ baxwɛdɛ nɛ peteea lɛ aplɛnɔ yɛ, ebe zhiza yɛ bukusiegbu nɛa bha nɛ owũsise nɛ ishu bhuibhui mɛ.

Romanɛ 3:25

Kpaya ayɛkɔ yɛ akɔ anasɛ kɛtɔkpu tsɛtsrakɛ, ganɔ tɛyɛyɛkɛŋa nɛ yɛ dzyosu mɛ. Abhɛtɛ kibui nɛ asɛ tɛ ayɛkɔ ebu yɛ tɛnɛna nɛ akasɛ, alasɛ nɛ yɛ tɛdudɔfɔ̃ɔ mɛ atɛ shɛ̃nahwɛ ebuizizi nɛ gɛ ba bhɛtɛ eputɔnɔ nɛ shu butɔ matɛtamatɛta—

Hebriuanɛ 1:14

Kpayaxwɛdɛ ganɛ bukpɛ la kpɛ alɛ sɛ tɛ ba dɛ axwɛ nɛ ɔfufɔɛ kɔ bagɛ ba ba mɔ tɛyɛyɛkɛ kɔ?

Hebriuanɛ 2:3

kɛlɛ bu ba koeyi nɛ lɛ mɛ onugɛ bugbe tɛbhubhɔyɛkɛ gbɛgblaɛ nɛ? Tɛbhubhɔyɛkɛ nɛ, gɛ Apalete eputɔ aɖɔ, bagɛ benu yɛ bui batrɔ ahwɛ nɛ lɛabha kɔ lɔ

Hebriuanɛ 5:9

klɛ ba za bhɛtɛ yɛ mɔmɔ, ebe dzi anɔ gɛ yɛabha ba ga gɛ ba mɔ tɛbhubhuiɔyɛkɛ mabeke mabeke kɔ balɛ petee gɛ ba ta yɛ atɔ

Hebriuanɛ 7:27

Gɛ eti dzi anasɛ kpayazakɔanɔ ɖɛɖama bhlatɔ, kɛdɛ kɔ sɛ aza pɔɛ dɔ kiwui nyɛwui, putɔnɔ kɔ yɛnahwɛshu buzizi, klɛ nɛlɛede kɔ banɔ ebuikpã. Apɔɛ dɔ akɔ balɛ buzizi turikpo kɔ alɛ petee kibe lɛlɛ nɛ gɛ ayɛkɔ ishu akɔ.

Hebriuanɛ 10:10

Klɛ nɛ kɛtɛtrɔɛ lɛlɛ nɛabha, bakɔ lɔ shu bhui ɔganɔ Yesu Kristo yɛ shu tysitsye trukpo ko abha.

Hebriuanɛ 12:14

Nɔ kpɛemi tɛ nɔ za ishuyuyɔɛmɛ nɛ banɔ petee nɛ tɛ wɔnɔ shubhui, ishu bhuibhui mazɛlɛ mɛ anɔnyanɔ atɛ ba mɔ Apalete.

Yuɖa 1:21

Nɔ nyɛna wɔnɔ shu ɔkpɛ Kpaya anɔ ɖuɖɔm nɛ kibe lɛ mɛ gɛ no dzi ozo po ApaleteYesu Kristo eshutukubui didi sɛ tɛ amɛna nɔ kɔ ɛkpã gɛ tɛ ba beke di.