Hebriuanɛ 8:8 - ONUGBÙ NYƐNYÃ VUVƆ

⁸ Pɔ Kpaya amɔ kizizi nɛ banɔ nɛ shu klɛ aɖɔ sɛ: “Kɛbe ba, Apalete nɛ ebuaɖɔ, kibeɖuweɖu ɛba bhɛtɛ onugbunyɛnya vuvɔ nɛ Izraɛl bupa klɛ nɛ Yuɖa bupa.

Hebriuanɛ 8:8 Referans Kwoze

Hebriuanɛ 12:24

kɔ Yesu eboevu nɛ onugbunyɛnya vuvɔ anɛ mɛ anɛ kɔ dzyosu hihle gɛ aɖɔ kibui dzyɔgo dɛ Abɛl dzyosu.

Hebriuanɛ 9:15

Kɛnɛ so gɛ Kristo ayɛkɔ onugbunyɛnya vuvɔ evuboe, sɛ tɛ bagɛ beklu bayɛkɛ ɔfufɔɛ mɛ kɛdɔ nɛ gɛ ba ɖɔ—ɔtsɔnɛ gɛ etsi anasɛ kɛbhɛ bubuya sɛ tɛ ebualɛ nɛ ebuizizi gɛ babhɛtɛ nɛ onugbunyɛnya tɛtɔpu nɛesi.

2 Kɔrintioanɛ 3:6

Abhɛtɛ lɔ buna anasɛ onugbunyɛnya vuvɔ baxwɛwa—ganɛ keplukpa pɔ Ɔfufɔɛ, alasɛ keplukpa ke yi anɔ, pɔ Ɔfufɔɛ lɔ kɔ ɛkpã.

1 Kɔrintioanɛ 11:25

Kana ke, nɛ ɔwulago dɔ ŋaŋa nɛede, ayɛkɔ kantsye, aɖɔ sɛ, “Kantse anɛ kale nu onugbu nyɛnya vuvɔ nɛ mɛ dzyosu mɛ, nɔ bhɛtɛ kedɔɛ nɛ, kibenɔ gɛ nɔ wɔɛ̃ lɛ, kɔ mɛ tɛbɛbaka.”

Luka 22:20

Nɛ kidzoe lɛlɛ nɛabha ke, nɛ ɔwlago kɛdɔŋɛŋa nɛe de, ayɛkɔ kantse, klɛ aɖɔsɛ, “Kantsea nɛɛ kalɛ enu mɛ onugbu nyɛnya vuvɔ nɛ mɛ dzyosu mɛ, gɛ ba balɛ elu kɔ nɔ.

Marko 14:24

Etsre alɛ asɛ, “Mɛ onugbu nyɛnya dzyosu nɛ naa, gɛ be bu abalɛ lu kɔ banɔ gelee.”

Luka 17:22

Ɔkɛlɛ etsre yɛ badɔkpasɛ asɛ, “kiwui tili baa gɛ nɔ bɔ pɛɛ sɛ tɛ nɔ mɔ Anɔdzyrame Yi kiwui tiɖikpo pɛ, pɔ nɔ tɛ bɔ mɔ lɛ.

Mateo 26:28

Mɛ dzyosu nɛ naa nɛ onugbunyɛnya mɛ nɛ wɔnɔ, gɛ ba yɛkɔ balɛ esi kɔ banɔ gelee kɔ balɛ buzizi tɛyɛyɛkɔ tsye.

Hebriuanɛ 7:22

Nɛ kɛdɔ tɛtanɔ nɛ so Yesu ebedzi anɔ gɛ azakede kɔ onugbunyɛnya dzyɔgo anɛ.

Hebriuanɛ 8:6

Pɔ Yesu yɛ kɛxwɛwɛwa gɛ ayɛkɛ balɛ yɛ anasɛ onugbunyɛnya gɛ enu eboevu kɔ kɛ kuku tirikpo, klɛ be dzu ɔlɛesi nɛ kɛdzyɔgodɛ nɛabha gɛ baɖɔlu nɛ shu.

Hebriuanɛ 8:13

Gɛ be klu onugbunyɛnya anɛ “ɔvuvɔ,” atɛ bhɛtɛ ɔtɛtɔpu lɔdzi okuku, klɛ lɔ gɛ lɔ ti she dzi okuku kiwũi tɛbadze lɔbɔ lɛla.

Luka 5:38

Oo, bulu vuvɔ nɛ alasɛ tɛ bayɛkɔ akpɛ keluplui vuvɔɛ mɛ.