Hebriuanɛ 7:26 - ONUGBÙ NYƐNYÃ VUVƆ

²⁶ Kpayazakɔanɔ ɖɛɖama nɛdi atsyanɔ bulɔ kɛdɔ pɛpɛɛ—agɛ yɛ shu bhui, kɛpɔ ma yɛ shu, ana, alɛ ɔtɔ nɛ banɔ zizi shi, klɛ bakpɛ yɛ nɛabha adɔ flanɔ owũsise.

Hebriuanɛ 7:26 Referans Kwoze

2 Kɔrintioanɛ 5:21

Kpaya abhɛtɛ anɔ gɛ buzizima yɛ shu tɛ edzi ezizi kɔ lɔ, sɛ tɛ nɛ yɛ mɛ bu badzi banɔnɛna kɔ Kpaya.

1 Yohanɛsɛ 2:2

Yɛ ayɛkɔ ishu etsye kɔ bulɔ ebuizizi, klɛ ganɛ bulɔ tite pɔ kɔ kanɔ nɛ petee buzizi.

Hebriuanɛ 8:1

Kibui nɛ kɛkpã gɛ buɖɔ nɛ kɛlɛ nu kɛnɛ: kpayazakɔanɔ ɖɛɖama nɛɛ di alɛ bulɔ ahwɛ, gɛ aza kegbu nɛabha nɛ Otugbavɛvɛ Aka nɛ ɔbha nɛ owũsise,

1 Petro 2:22

“Kristo adɛ bhɛtɛ kizizi, klɛ otro huhu odi koeyi nɛ yɛ onugbui mɛ.”

1 Yohanɛsɛ 3:5

Pɔ nɔ nyi sɛ aba sɛ tɛ ayɛkɔ bulɔ ebuikpã ashɛnɔ. Klɛ yɛ mɛ kibuikpã ma.

Hebriuanɛ 12:2

Nɔ kɔ lɔ yɛkɔ bulɔ awɔ̃hu trɔ Yesu abha, yɛ lu tɛyɛyɛkɛŋa nɛesi klɛ abhɛtɛ lɛ kɛna. Gɛ enyi same nɛ gɛ alɛ otugba kɔ yɛ so, evu idzyi akpɛte amɔ butɔ nɛ butsiosi shu, klɛ ayɛ kɛ ɔlɛ kɛwɔɛ̃, klɛ ada za Kpaya kegbu nɛ kɛŋa nɛ mɛ.

Hebriuanɛ 9:14

Kɛlɛ kɛ zɛ ba za dɛana sɛ, Kristo dzyosu gɛ ganɔ Ɔfufɔɛ gɛ oti beke nɛa bha ayɛkɔ yɛnahwɛ shu gɛ kɛpɔ ma kɛlɛ shu kɔ Kpaya, pɛ kɛ plu bulɔ atɔkpu nɛ mɛ anɛ ebui nɛ gɛ akpɛ anɔ nɛ butsi mɛ, sɛ tɛ bu dɛ kɛxwɛ kɔ ɛkpã Kpaya!

Hebriuanɛ 1:3

Eyi yɛ nu kɛfutɛtã kɔ Kpaya otugbavɛvɛ klɛ ayɛkɔ Kpaya tɛzɛzɛmɛ, abhɛtɛ kɛdɔnyɛdɔ nɛ yɛ bupu kibui ɖuɖɔɛ mɛ. Gɛ akɔ ebuizizi tipuplu beke, ada za Ɔgbɛgblakɔ kɛŋamɛ nɛ owũsise.

Luka 23:47

Keyutugbani anɔ gbɛgbla, gɛ amɔ ebui gɛ la ba ba, akpɛ Kpaya kɛtɔkpu nɛabha klɛ aɖɔ sɛ, “Kɛgbɛagba anɔ dzyɔgo yɛ edzi.”

Luka 23:41

Ba tɛta lɔ batɔ nɛ kidzo dzyɔgo abha, alasɛ bu yɛkɛ kɛgɛ bulɔ ebui bhɛbhɛtɛ nɛ ebisi. Pɔ anyɛa nɛ adɛ bhɛtɛ kibui zizi.”

1 Petro 3:22

gɛ avɛ owũsise klɛ ada za Kpaya yɛ ŋamɛ—nɛ baxwɛdɛ, kabhaŋɛŋa anɛ kɛmi anɛ ishuzhizhinɔ kesi kɔ yɛ.

1 Petro 1:19

Pɔ nɛ Kristo dzyosu ŋɛŋaɛdzi, obhoshieyi gɛ kɛpɔ ɔdɔgɔsɛ ozizikɔ ma ɔlɛ shu.

Hebriuanɛ 7:11

Onugɛ ba ba mɔ denɔ tɛnɛna Lewianɛ kpayamɛzɛza nɛ (alasɛ ganɔ kɛɛ nɛ nɛa bha la yɛkɔ ɔshã nɛ akɔ banɔ), kideso gɛ kɛ kabisi sɛ ba pɛɛ kpayazakɔanɔ sɛ afla ba—nɛ Mɛltsyizɛdɛk tɛ zɛza mɛ nu, pɛ kɛdɛ nu sɛ Aaron tɛ zɛza mɛ?

Hebriuanɛ 2:10

Nɛ banɔ gelee mɛmɛna nɛ yɛshu bhubhui mɛ, kɛpɛ̃ kɔ Kpaya sɛ, kɔ agɛ anɛ ganɔ agɛ yɛabha ba bhɛtɛ kɛdɔnyɛdɔ, kɛkɔsɛ Kristo edzi tɛyɛyɛkɛ dzyɔgo ganɔ butɔ mumɔe mɛ.

Axwɛwɛwa 4:27

Nɛ kɛlɛ mɛ Heroɖesɛ anɛ Pontio Pilato aba bhɛtɛ terikpo nɛ bagɛ be di nu Yuɖanɛ anɛ Izraɛlanɛ nɛ ɔmagbla nɛm sɛ tɛ ba bhɛtɛ kititilulɔ nɛ wɔ axwɛdɛ Yesu nɛ gɛ yɛshu kebhui, gɛ ɔsrabɔ kɔ.

Axwɛwɛwa 3:14

No tsyri Anɔnɛna anɛ Adzyɔgo klɛ no bisi sɛ ba shɛnahwɛ anɔkpã gɛ eyi anɔ nɛ shu kɔ nɔ.

Yohanɛsɛ 14:30

Ɛtɛaɖɔ kaɖɔ dzidze nɛ nɔ, alasɛ anɔ nɛ gɛ aŋa kanɔ nɛabha aba. Bupu ma yɛ ahwɛ nɛ mɛ shu,

Yohanɛsɛ 8:29

Anɔ nɛ gɛ akpɛ mɛ alɛ mɛ ɔbha, aka ashɛ̃nahwɛ mɛ shu elu, alasɛ kibenyɛbe ɛbhɛtɛ trɔ yɛ ebui pɛpɛɛ nɛabha.”

Luka 24:46

Etsre alɛ sɛ, “Kibui nɛ la ŋlɔmɛ elu: Kristo aba mɔ butɔ klɛ aba nyɛmɛ denɔ betsitsi nɛ shi nɛ́ kiwui tramɛ nɛabha,

Luka 24:26

Kɛma sɛ tɛ, Kristo amɔ ebuianɛ petee butɔ, klɛ tɛ etsoku yɛ kabhakpɛkpɛ nɛ mɛ?”

Luka 23:22

Bu tramɛ aɖɔaɖɔ etsre alɛ: “Kideso? Kibuikpã ɖuweɖu anɔa nɛ abhɛtɛ? Ɛdɛ mɔ kɛ gɛ kɛlɛ shu le be bu yɛ butsi pɔ. Kɛlɛso ɛba kɔ la tɛta yɛa tɔ klɛ ɛba shɛnahwɛ yɛ shu.”

Luka 1:35

Axwɛdɛ nɛ ebui lɛ nu asɛ, “Ɔfufɔɛ Dzyɔgo nɛ lɔ bɔ ba wɔa bha, klɛ Agbɛgbladɛ nɛ kemi nɛ kebe kumu wɔ. Kɛlɛ so agɛ yɛ shu bhui gɛ la ba mɔ ba be klu yɛ asɛ Kpaya yɛ Eyi.

Marko 16:19

Gɛ Apalete Yesu aɖɔ ebuia nɛ etsrea lɛ beke nɛɛ, baa yɛkɔ yɛ avɛnɔ owũsise klɛ ede zhiaza Kpaya kɛŋam,

Mateo 27:18

Alasɛ enyi asɛ kawɔ̃kpɛ mɛ la ga pɛ baa yɛkɔ Yesu nɛ akpɛ ahwɛ kɔ yɛ.

Tɛbubukasɛ 3:7

“Kɔ kpayaxwɛdɛ nɛ Filadelfia busɔlɛɔha nɛ mɛ sɛ: Ebui ɖuɖɔa nɛ alɛ nu agɛ yɛ shu bhui kɛlɛ enu kɛgba nɛ ayɛ, gɛ evunɔ Daviti kedunuaɖɛ. Kɛdɔnɔ nɛ gɛ adanɛ anɔnyanɔ atɛ ba naa da, klɛ kɛdɔnɔ nɛ gɛ ada anɔnyanɔ atɛ ba naa danɛ.

Hebriuanɛ 2:17

Alasɛ kɛnɛ nɛ so babhɛtɛ yɛ anasɛ yɛadzya lɛ nɛ kidzonyɛdzo abha, sɛ tɛ ebedzi kpayaɔzakɔanɔ gɛ eshutukubui didi anɛ̀ tɛyɛyɛkɛŋa lɛ yahwɛ nɛ Kpaya kɛxwɛwɛwa mɛ, sɛ tɛ atsrakɛ bezizi nɛ tɔkpu.

Hebriuanɛ 3:1

Kɛlɛso ishubhubhui badzyalɛ Dzyɔgo, gɛ be klu denɔ owũsise, nɔ yɛkɔ wɔnɔɛ bui ɔtrɔ Yesu abha, anɔkpɛkpɛ anɛ Kpaya ɔzakɔanɔ gbɛgbla gɛ buyɛkɛ yɛabhaŋa.