Hebriuanɛ 7:11 - ONUGBÙ NYƐNYÃ VUVƆ

¹¹ Onugɛ ba ba mɔ denɔ tɛnɛna Lewianɛ kpayamɛzɛza nɛ (alasɛ ganɔ kɛɛ nɛ nɛa bha la yɛkɔ ɔshã nɛ akɔ banɔ), kideso gɛ kɛ kabisi sɛ ba pɛɛ kpayazakɔanɔ sɛ afla ba—nɛ Mɛltsyizɛdɛk tɛ zɛza mɛ nu, pɛ kɛdɛ nu sɛ Aaron tɛ zɛza mɛ?

Hebriuanɛ 7:11 Referans Kwoze

Hebriuanɛ 8:7

Alasɛ onugɛ kɛdɔnyɛdɔ dɛ zi nɛ onugbunyɛnya tutɔpu lɛlɛ nɛ shu, ɔkɔnyɔkɔ tɛɔ za gɛ ba ba nya ɔbhlatɔ.

Galatianɛ 2:21

Ɛdɛ yɛkɔ Kpaya kɛdɔkukɔ ɛlu kɛwã, alasɛ onugɛ ba bamɔ tɛ nɛnadzyɔgo ganɔ ɔshã abha, Kristo tɛtsitsi kɛdɛ nu kɛdɔnyɛdɔ!”

Hebriuanɛ 7:21

pɔ yɛ ebedzi kpayazakɔanɔ gɛ batanɛdɔ akpɛ nɛ kibelɛlɛ gɛ Kpaya ɖɔ tsre yɛ asɛ: “Apalete atanɔ klɛ atɛ batsrakɛ yɛ tɔkpui mɛ bui: ‘Wɔ onu kpayazakɔanɔ faã.’ ”

Hebriuanɛ 7:15

Klɛ kɛgɛ buɖɔ kɛlɛ mɛ bhui dɛ onugɛ kpayazakɔanɔ anasɛ Mɛltsyizɛdɛk ebe koeyi,

Hebriuanɛ 5:6

Klɛ aɖɔ nɛ ɔzakɔ bhlatɔ, “Wɔ onu kpayazakɔanɔ ɔvɛnɔ faã, nɛ Meltsizɛdɛk tɛtɛtrɔ nɛ nu.”

Galatianɛ 4:9

Pɔ ɔtsyɔnɛ gɛ nɔ nyi Kpaya— pɛnɔ Kpaya yenyi nɔ—kɛlɛ kɛdzi sɛ nɔ tsyina kede kpɛ bagɛ ba ma kemi anɛ bagɛ ku eshutukubui ɛkpãzɛza? Nɔ pɛɛ sɛ tɛ nɔ flodzi banɔ dzidzi kɔalɛ?

Hebriuanɛ 6:20

ɔkɛlɛ Yesu, gɛ eputɔ kɔlɔ avɛ, etsoku ɔkɛlɛ nɛ bulɔɛ nyimɛ. Edé dzi kpayazakɔanɔ ɖɛɖama ɔvɛnɔ mabeke mabeke nɛ anasɛ Maltsyizɛdɛk.

Hebriuanɛ 5:10

klɛ Kpaya ebuaɖɔ sɛ edzi kpayazakɔanɔ ɖama nɛ Meltsizɛdɛk tɛ tɛtrɔ nɛ nu.

Galatianɛ 4:3

Kɛlɛso bulɔ tsyɛ, gɛ bu dzi banuvɔ, bu dzi banɔdzidzi nɛ kanɔanɛmɛ ebui nɛesi.

Hebriuanɛ 7:10

alasɛ gɛ Mɛltsyizɛdɛk atsyanɔ Abraham nɛɛ, ba kamɔ Lewi aka kpasɛ yɛakashishe kayesi.

Hebriuanɛ 7:12

Alasɛ ɔkɛlɛ gɛtɛ tsyitsyina ba nɛ kpayazakɔanɔ mɛ, kɛlalɛ ɔlɛ ɔshã nɛ tsyɛ tɛ lɔ tsyina.

Hebriuanɛ 7:13

Anɔ nɛ shu gɛ ba ɖɔ ebuianɛ denɔ ede kɛpatsu bhlatɔɛ mɛ, klɛ anɔnyanɔ edide kɛpatsu lɛlɛ mɛ gɛ eti gu bugu nɛ busɔlɛvumo nɛabha di.

Hebriuanɛ 9:6

Kibelɛlɛ gɛ be lu kɛdɔnyɛdɔ ɛzakɔ anasɛ kɛnɛ nɛdi, kpayazakɔanɔ etsoku ziazia nɛ buvu tɛtɔpu tɛ avɛ balɛ kɛxwɛ nɛabha.