Hebriuanɛ 13:7 - ONUGBÙ NYƐNYÃ VUVƆ

⁷ Nɔ baka wɔnɔ otugbanɔ gɛ aɖɔ Kpaya ebhui nɛ etsre nɔ. No vu awɔ̃hu nɛ balɛ ɛkpã gɛ baza nɛ shu tɛ nɔ kpasɛ balɛ tɛyɛyɛkɛŋa.

Hebriuanɛ 13:7 Referans Kwoze

Hebriuanɛ 13:17

Nɔ ta tɔ nɛ bagɛ alɛ nɔ nu tɛ nɔ zhinɔ shu kɔ alɛ kabhaŋɛŋa. Be di nɔabha anasɛ banɔ gɛ ba bebhui nɔ nu. Nɔ ta lɛ batɔ sɛ tɛ same eku balɛ axwɛwuwa, ganɛ tɛ kɛdzi kituku kɔ alɛ, alasɛ kɛtɛ baplɛnɛ nɔ.

Filipianɛ 3:17

Madzyalɛ, nɔ plɛnɔ bagugɔɛ tɛ nɔ za mɛ ebui bhɛbhɛtɛkasɛ nɛede, nɔ kpɛ susu ba gɛ balɛ nɛ kpã anasɛ tɛzɛza nɛ gɛ bu kɔ nɔ.

Hebriuanɛ 6:12

Bu tɛ pɛɛ sɛ tɛ nɔ zɔ vɔ, pɔ nɔ di ba gɛ ganɔ tɛyɛyɛkɛŋa nɛ tɛdɛdɛ fɔɛ̃ mɛ pɛ ba bayɛkɛ kɛ gɛ baɖɔ tsre alɛ sɛ ba ba kɔ alɛ.

1 Tɛsolonianɛ 1:6

No bo dzi banɔ gɛ no di bulɔ anɛ Apalete nɛ pɛ nɔɔ bhɛtɛ; nɛ butɔ gɛganɛɛ mɛ tsyɛ, nɔ yɛkɛ kibui nɛ gɛ ba mɛna nɔ nɛ same ganɔ Ɔfufɔɛ Dzyɔgo nɛ ɔkɔ.

Axwɛwɛwa 14:23

Paolo anɛ Banabasɛ edzu beshishe nɛ busɔlɛɔha ɔkanyaka nu klɛ, ɔyɛkɔ plɛnɔ onugbunyɛnya anɛ kpayakuklum, ayɛkɔa lɛ akpɛ ahwɛ kɔ Apalete, gɛ yɛabha la yɛkɛ aŋa.

Mateo 24:45

“Kɛlɛ anee yɛ enu axwɛdɛ gɛ tɛyɛyɛkɛŋa lɛ yɛahwɛ klɛ enyi bui, gɛ yɛahwɛ apalete nɛ ayɛkɔ baxwɛdɛ nɛ akpɛ nɛ yɛ bupa nɛ mɛ sɛ tɛ aza kɔa lɛ kɛŋɛŋa nɛ ɔɖɔ dzyɔgo nɛ mɛ?

1 Timotio 3:5

(Onu gɛ anɔ teli eti nyi kana gɛ aba gbanɔ yɛnahwɛ bupa, kɛlɛ aba na Kpaya busɔlɛɔha nɛa bha di?)

Hebriuanɛ 13:24

Sɛnɛ bagɛ balɛ nɔ nu petee anɛ Kpaya banɔ petee. Bagɛ de Italia aba ba sɛnɛ nɔ.

1 Tɛsolonianɛ 2:13

Klɛ bu tsri lɛa bha tsyɛ hu Kpaya ahwɛ alasɛ, onu gɛ nɔ yɛkɛ Kpaya kibui, gɛ no nu denɔ bulɔ kɔ, nɔ yɛkɛ lɛ ganɛ ansɛ banɔdzyrame kibui ɖuɖɔ, pɔ ansɛ gɛ kɛ lɛ, pɛ ki nu Kpaya bui, nɛ gɛ kɛwa kɛxwɛ nɛ wɔnɔa gɛ ɔyɛkɛ ɔŋa nɛ mɛ.

1 Kɔrintioanɛ 4:16

Kɛlɛ so ɛ̀pɛɛ sɛ tɛ nɔ kpasɛ mɛ.

Romanɛ 10:17

Nɛ kɛlɛ mɛ, tɛyɛyɛkɛŋa kɛɛ de kibui nɛ tɛnunu mɛ, klɛ kibui nɛɛ be nui lɛ ganɔ Kristo kaɖɔ nɛ mɛ.

Axwɛwɛwa 4:31

Gɛ be klu Kpaya beke, ɔkɛlɛ gɛ be xogo nɛ ɔhwa. Klɛ balɛ petee yuku nɛ Ɔfufɔɛ Dzyɔgo klɛ be bu Kpaya kibui nɛ aɖɔ nɛ kifu masimasi.

Tɛbubukasɛ 6:9

Kibe lɛ gɛ adanɛ adɛda trimi nɛɛ, ɛmɔ busɔlɛvu mɛ kituku nɛesi ba gɛ be yi nɛ atɔwi akpɛ Kpaya kibui anɛ tɛmumɔɖɔ nɛ mɛ gɛ ba nyɛna evunɔ.

Tɛbubukasɛ 20:4

Ɛmɔ bukusigbu gɛ bulɛa bha bagɛ ba kɔ kabhaŋɛŋa sɛ be kulu bubhui nɛ be zhiedzi. Klɛ mɛ mɔ bagɛ balɛ atɔkpu be bhui nɛ atɔwi, akpɛ balɛ ebuimɔɖɔ nɛ Yesu shu anɛ Kpaya kibui nɛ shu so. Ba ka kpɛ kɛtɔkpue si kɔ agavuga ɔdɔgɔsɛ yɛ abhubhɔ klɛ ba ka yɛkɛ yɛ kibi nɛ balɛ butukpo ɔdɔgɔsɛ nɛ balɛ ɛhwɛ. Ba bá ɛkpã mɛ klɛ ba ŋɛabha ɔplɛnɔ Kristo agɔ kɛkpã zɛzɛ.

Tɛbubukasɛ 1:9

Mɛ, Yohanɛsɛ, wɔnɔ adzya anɛ apɛplɛnɔ nɛ butɔ anɛ bukusiɔŋakɔ anɛ tɛdudɔfɔ̃ kitekpɛkpɛ gɛ le nu bulɔa yɛ nɛ Yesu mɛ, gɛ aza Patmosɛ kenimokpo nɛa bha ɔkpɛ Kpayɛbui nɛ tɛmumɔɖɔ nɛ Yesu shu so.

2 Tɛsolonianɛ 3:9

Bu bhɛtɛ ana, ganɛ sɛ kidzo dɛ za sɛ tɛ bu mɔ tɛpɛplɛnɔɛ nɛɛ di, pɔ sɛ tɛ bu bhɛtɛ bulɔ shu tɛ bu dzi banɔ gɛ no bo diɔbhɛtɛ.

1 Kɔrintioanɛ 11:1

Nɔ za mɛ dɔ bhɛbhɛtɛkasɛ nɛede, anasɛ gɛ ɛlɛ Kristo kɛdɔ bhɛbhɛtɛkasɛ nɛede.

Luka 12:42

Apalete ebu shunu asɛ, “Ane ɔtsɔnɛ gɛ enu ebuiti nɛ axwɛdɛdɛ mɛ nɛ gɛ ba bayɛkɛ yɛabhaŋa, gɛ apalete nɛ ayɛkɔ edzu yɛ baxwɛwa nɛ nu tɛ akɔ alɛ kɛdɔŋɛŋa kɔba nɛ́ kibe dzyɔgo?

Luka 8:11

“Kɛkpalɛ nɛesi kɛlɛ nu sɛ: Eyi alɛ nu Kpaya bui.

2 Tɛsolonianɛ 3:7

Alasɛ wɔnɔ nahwɛ no nyi kana gɛ alasɛ tɛ nɔ za bulɔɛ lɛ nɛ gɛ bu lɛ nɛede. Bu dɛ kpɛ aye nɛ kibe lɛ nɛ gɛ bu za wɔnɔ bha,

1 Kɔrintioanɛ 10:13

Tɛfifekedi kanyaka ka vu wɔ dɛ kɛgɛ ba anɔnyanɔ abha. Klɛ Kpaya enu ayɛyɛkɛŋa, atɛ bakɔ tɛfifekedi dɛ kɛgɛ ɔtɛ bɔ na. Pɔ kibenɔ gɛ befeke wɔ di, aba kasɛ wɔ kidzo sɛ tɛ ɔga lɛabha tɛ obo koeyi nɛ lɛesi.

Axwɛwɛwa 13:46

Ɔkɛlɛ Paolo anɛ Banabasɛ ebu etsrea lɛ nɛ kifu masimasim asɛ: “Alasɛ tɛ bu ɖɔ Kpaya kibui nɛ tsre nɔ putɔnɔ. Gɛ no ti gbe lɛ klɛ nɔ dɛ mɔ nɔ shu sɛ nɔ na kɔ ɛkpã mabeke mabeke nɛɛ, ɔtsɔ̃ nɛɛ bu tsyina tɔ bagɛ edi nu Yuɖanɛ.

Luka 5:1

Kiwui tirikpo Yesu alɔ kititi nɛ Genesarɛtɛ Kɛvɔ nɛ tɔ, banɔɛza akanɛ yɛ atsya tɛ be nu Kpayabui,

1 Petro 4:11

Onugɛ anɔnyanɔ aba ɖɔ, abhɛtɛ lɛ anasɛ aɖɔ Kpaya ebui alɛlɛ, Onugɛ anɔnyanɔ adɛ axwɛ, abhɛtɛ lɛ nɛ̀ tɛgɛganɛ gɛ Kpaya akɔ yɛ, sɛ tɛ nɛ ebuinɛ petee mɛ ba bakpɛ Kpaya nyi nɛabha aganɔ Yesu Kristo abha. Kɔ yɛ kɛlɛ nu ishubhubhui anɛ̀ kemi denɔ mabeke ɔvɛnɔ mabeke. Tɛlɛbɛlɛm.