Hebriuanɛ 13:20 - ONUGBÙ NYƐNYÃ VUVƆ

²⁰ Kɔ ishuyuyɔ Kpaya, gɛ ɔganɛ dzyosu onugbunyɛnya mabeke agɛ anyɛmɛ bulɔ Apalete Yesu, ibhoshi Agbɛgbanɔ gbɛgbla,

Hebriuanɛ 13:20 Referans Kwoze

Yohanɛsɛ 10:11

Mɛ nu ibhoshi agbɛgbanɔ dzyɔgo. Agbɛgbanɔ dzyɔgo ayɛkɔ yɛ kpã akɔ ibhoshi.

Hebriuanɛ 10:22

nɔ kɔlɔ tsobunɔ Kpaya nɛ idzyi dzyɔgo anɛ́ tɛyɛyɛkɛŋa petee, nɛ kibe lɛ mɛ gɛ ba wanya kɛdɔnɔ nɛ gɛ ba pulu bulɔ idzyi nɛ bu nɛ kɛpɔŋɛŋa kɛtɔkpum bhɛbhɛtɛ anɛ bulɔ ishuidzya nɛ tɛpupulu nɛ buni gɛ bhui.

Romanɛ 15:33

Ishuyuyɔ Kpaya aza plɛnɔ wɔnɔ petee. Tɛkɛbɛlɛm.

2 Tɛsolonianɛ 3:16

Ɔtsɔ̃ nɛɛ, ishuyuyɔ Apalete nɛ nahwɛ akɔ nɔ ishuyuyɔ nɛ kibenyɛbe mɛ anɛ kidzonyɛdzoa bha. Apalete nɛ aza plɛnɔ nɔ petee.

Yohanɛsɛ 10:14

“Mɛ nu ibhoshi agbɛgbanɔ dzyɔgo, inyi mɛ ibhoshi klɛ mɛ ibhoshi nɛ nyi mɛ—

Axwɛwɛwa 2:24

Pɔ Kpaya anyɛmɛ yɛ edenɔ butsi mɛ, klɛ ebule yɛ edenɔ butsi butɔ ahwɛmɛ, alasɛ kɛdɛ bhɛtɛ sɛ tɛ butsi nyɛna yɛ kpɛ bulɛ ahwɛmɛ.

1 Petro 2:25

Alasɛ nɔ dzi anasɛ Ibhoshi gɛ lɛ lɛlaɛdzo, pɔ ɔtsɔ̃nɛ nɔ tsodziɔba Agbɛgbanɛ nɔ kɔ Kpayaɔzakɔanɔ gɛ edi wɔnɔ atɔwui abha,

Axwɛwɛwa 3:15

No yi anɔ nɛ gɛ akɔ ɛkpã, pɔ Kpaya ebu yɛ edenɔ be tsitsi nɛ kishi. Bulɔ nahwɛ dzi bebuimɔɖɔ kɔɛ lɛ.

1 Petro 1:21

Ganɔ yɛabha nɔ yɛ kɛ Kpaya abhaŋa, agɛ anyɛmɛ yɛ edenɔ bekpui mɛ klɛ akpɛ yɛ nyi nɛabha klɛ so wũnɔ tɛyɛyɛkɛŋa nɛ yɛ kidzo abha didi lɛ Kpaya mɛ.

1 Tɛsolonianɛ 1:10

tɛ no po Yɛeyi nɛ gɛ ede owũsise, gɛ anyɛmɛ edenɔ bekpu mɛ—Yesu, nɛ gɛ ebe bu lɔ edenɔ obulo nɛ gɛ ɔba nɛ mɛ.

Koloseanɛ 2:12

gɛ batɛ vubɔ nɔ nɛ̀ yɛ anɛ́ bunikpɛkpɛ mɛ klɛ ba nyɛmɛ nɔ nɛ yɛ ɔganɔ wɔnɔ tɛyɛyɛkɛŋa anɛ́ Kpaya kemi, agɛ anyɛmɛ yɛ edenɔ bekpui mɛ.

1 Petro 5:4

Klɛ kibenɔ gɛ Agbɛgbanɔ Ekusi ebe koɛyi, nɔ bɔ yɛ kɛ kabhaŋɛŋa kikutu gɛ kɛtɛ ba klo.

Hebriuanɛ 10:29

Kɛlɛ lɛ nu anɔ teli etiti ɔtsɛrɛ nɛ Kpaya yɛ Yi abha, gɛ amɔ onugbunyɛnya dzyosu gɛ lɔ plu yɛ shu anasɛ kɛdɔ gɛ kɛlɛ shu dɛbhui, gɛ akula ɛyɛmɛyuyɔ anɔ Ɔfufɔɛ kideso gɛ bata tɛta yɛ batɔ gɛganɛ?

Hebriuanɛ 9:20

Aɖɔ sɛ, “Kɛnɛ kɛlɛ nu onugbunyɛnya dzyosu, gɛ Kpaya akpɛ kɔ nɔ na nɛ tɛ nɔyɛkɛ.”

1 Tɛsolonianɛ 5:23

Kɔ Kpaya nahwɛ, ishuyuyɔ Kpaya, adanɛ nɔ shu avɛnɔ etsodzini avɛnɔ. Kɔ wɔnɔ ɔfuɔɛ nɛ petee, kɛtɔwi anɛ ishuidzya nɛ za kɛpɔ maŋa maŋa mɛ nɛ bulɔ Apalete Yesu Kristo tɛbɛba mɛ.

Filipianɛ 4:9

Kɛdɔnyɛdɔ gɛ ɔtɛ kpasɛ ɔdɔgɔsɛ ɔyɛkɛ ɔdɔgɔsɛ onu denɔ mɛ ɔkɔ, ɔdɔgɔsɛ ɔmɔ nɛ mɛmɛ--yɛkɔ kɛlɛ ɔkpɛ tɛbhɛbhɛtɛ mɛ. Klɛ ishuyuyɔ Kpaya aba za plɛnɔ nɔ.

Romanɛ 8:11

Klɛ onu gɛ agɛ ebu Yesu edenɔ bekpu mɛ nɛ Ɔfufɔɛ ɔlɛ lɛ wɔnɔ mɛ, klɛ agɛ ebu Kristo edenɔ bekpu mɛ tsyɛ aba kɔ wɔnɔ ishuidzya nɛ ɛkpã ganɔ yɛ Ɔfufɔɛ nɛ gɛ ɔlɛ nɔ mɛ.

Axwɛwɛwa 5:30

Bulɔa kalɛ Kpaya nɛ feke Yesu ebu nɛ bekpui shi, anɔ nɛ gɛ no yi ganɔ yɛ tɛkpɛkplasɔ nɛ osi shu.

Mateo 26:28

Mɛ dzyosu nɛ naa nɛ onugbunyɛnya mɛ nɛ wɔnɔ, gɛ ba yɛkɔ balɛ esi kɔ banɔ gelee kɔ balɛ buzizi tɛyɛyɛkɔ tsye.

Efesoanɛ 1:20

gɛ ayɛkɔ kpɛ Kristo mɛ nɛ kibelɛlɛ gɛ anyɛmɛ yɛ edenɔ betsitsi nɛ shi klɛ akɔ yɛ edzu kesi nɛ yɛ kɛŋa kapɛ nɛ mɛ nɛ owũsise kanɔ mɛ

Galatianɛ 1:1

Mɛ Paulo anɔkpɛkpɛ, ganɛ denɔ banɔ kɔ ɔdɔgɔsɛ anɔ ɔkɔ, pɔ Yesu Kristo anɛ Aka Kpaya, gɛ anyɛmɛ yɛ denɔ betsitsi nɛ shi—

2 Kɔrintioanɛ 13:11

Gugɔɛ, badzya, nɔ za mɔ. Nɔ za ɛkpã dzyɔgo, nɔ nu mɛ ebui nɛ gɛ ɛkpɛ nɔ kɔ, nɔ za nɛ kɛtɔkpui mɛ terikpo, nɔ za nɛ ishuyuyɔ mɛ. Klɛ Kpaya tɛdɛdɛmɛnɔ anɛ ishuyuyɔ lɛ ba za plɛnɛ nɔ.

2 Kɔrintioanɛ 4:14

alasɛ bu nyi sɛ anɔ nɛ gɛ anyɛmɛ Apalete Yesu denɔ bekpui mɛ, aba nyɛmɛ bulɔ tsyɛ nɛ Yesu klɛ aba yɛkɔ lɔ nɛ wunɔ akɔ nɛ yɛ amɛ.

1 Kɔrintioanɛ 15:15

Ɔyɛkɔ dɛa na, ba ba mɔ lɔ asɛ bu nu otro bebuimɔɖɔ denɔ Kpaya shu, alasɛ bu tɛ bu ɖɔ denɔ Kpaya shu sɛ anyɛmɛ Kristo denɔ bekpu mɛ. Pɔ adɛ nyɛmɛ yɛ onu gɛ ki nu kɛgbɛagba sɛ ba taa nyɛmɛ be tsitsi.

1 Kɔrintioanɛ 14:33

Alasɛ Kpaya edi nu agadzyidzye Kpaya pɔ alɛ kɔ ishuyuyɔ. Anasɛ gɛ kɛlɛ nɛ banɔnɛna oxogokɔ,

1 Kɔrintioanɛ 6:14

Kpaya anyɛmɛ Apalete nɛ bekpui mɛ klɛ aba nyimɛ lɔ tsyɛ.

Axwɛwɛwa 17:31

Alasɛ atɛ trɔ kiwi nɔ nɛ gɛ ebe klu kebhui nɛ kanɔ nɛ kɛgbam ganɔ anɔ nɛ gɛ eti bu nɛa bha. Atɛ trɔ kɛklãgbu nɛ ebuia nɛa bha kɔ banɔ nyanɔ ganɔ yɛ tɛfifeke denɔ butsi mɛ.”

Axwɛwɛwa 13:30

Pɔ Kpaya efeke yɛ ebu nɛ betsitsi nɛ shi,

Axwɛwɛwa 2:32

Kpaya eti feke Yesua nɛ amɛna ɛkpãm, klɛ bulɔ petee bu nu bebuimɔɖɔ kɔ kɛlɛ gba.

Luka 22:20

Nɛ kidzoe lɛlɛ nɛabha ke, nɛ ɔwlago kɛdɔŋɛŋa nɛe de, ayɛkɔ kantse, klɛ aɖɔsɛ, “Kantsea nɛɛ kalɛ enu mɛ onugbu nyɛnya vuvɔ nɛ mɛ dzyosu mɛ, gɛ ba balɛ elu kɔ nɔ.

Marko 14:24

Etsre alɛ asɛ, “Mɛ onugbu nyɛnya dzyosu nɛ naa, gɛ be bu abalɛ lu kɔ banɔ gelee.”

Romanɛ 16:20

Eti be dze ishuyuyɔ Kpaya nɛ aba yɛɛ Satana akpɛ wɔnɔ butsrukpɔesi. Apalete Yesu eshutukubui didi aza plɛnɔ nɔ.

Romanɛ 1:4

klɛ yɛ ganɔ ishubhubhui Ɔfufɔɛ mɛ be bu yɛ akasɛ nɛ kemi sɛ ebe dzi Kpaya Yɛeyi ganɔ yɛ tɛnyɛnyɛmɛ denɔ bekpum: Yɛ enu bulɔ Apalete Yesu Kristo.

Axwɛwɛwa 4:10

klɛalɛ no ti kibui, wɔnɔ nɛ Izraɛlanɛ nɛ petee ɔsɛ, Yesu Kristo Nazarɛtɛ eyi, gɛ nɔ kplasɔ flogo pɛ Kpaya aba nyɛmɛ yɛ edenɔ betsitsi nɛ shi, yɛ kinyim anyɛa nɛ gɛ eli wɔnɔ amɛ nɛ aga pɛ eebeke banya.

Romanɛ 10:7

“ɔdɔgɔsɛ ‘Anee gɛ ebe zhi avɛ odzudzukɔ?’ ” (kɛlɛ nu sɛ, tɛ obu Kristo nɛ bekpum ɔmɛna kabha).