Hebriuanɛ 13:17 - ONUGBÙ NYƐNYÃ VUVƆ

¹⁷ Nɔ ta tɔ nɛ bagɛ alɛ nɔ nu tɛ nɔ zhinɔ shu kɔ alɛ kabhaŋɛŋa. Be di nɔabha anasɛ banɔ gɛ ba bebhui nɔ nu. Nɔ ta lɛ batɔ sɛ tɛ same eku balɛ axwɛwuwa, ganɛ tɛ kɛdzi kituku kɔ alɛ, alasɛ kɛtɛ baplɛnɛ nɔ.

Hebriuanɛ 13:17 Referans Kwoze

1 Timotio 5:17

Ɔha Mɛ banɔshishe nɛ ga gbanɔ ɔha nɛ mɔmɔ ba na sɛ tɛ ba trɔ balɛ ɔkɔ didi nɛa bha, ɔyɛkɔdɛ bagɛ balɛ kɛxwɛ nɛ nu kaɖɔ ɖuɖɔ anɛ kɛdɔkɛkasɛ.

Hebriuanɛ 13:7

Nɔ baka wɔnɔ otugbanɔ gɛ aɖɔ Kpaya ebhui nɛ etsre nɔ. No vu awɔ̃hu nɛ balɛ ɛkpã gɛ baza nɛ shu tɛ nɔ kpasɛ balɛ tɛyɛyɛkɛŋa.

1 Petro 5:5

Bayɛ̃sɔ, nɛ kidzolɛlɛ nɛabha nɔ zhinɔ shu kɔ bagɛ benu wɔnɔ beshishie. Wũnɔ petee, nɔ nyumu aglɔ nyɛnyɛna kɛpɔtɛ, alasɛ, Kpaya alɔɛtiti nɛ bagɛ befekɛshu nɛ shu pɔ akɔ ɛyɛmɛyuyɔ bagɛ be nyɛnashu.”

Axwɛwɛwa 20:28

No di wɔnɔ shua bha nɛ ibhoshiha nɛ petee gɛ Ɔfufɔɛ Dzyɔgo nɛ ɔbhɛtɛ nɔ sɛ no di ɛlɛa bha. No dzi bagbɛgbanɔ kɔ Kpaya busɔlɛha, gɛ edzi nɛ yɛnahwɛ dzyosu.

1 Kɔrintioanɛ 16:16

tɛ nɔ zhi nɔ shu kɔ ebui anɛ di klɛ kɔ anɔnyanɔ gɛ eku wunɔɛ shi nɛ kɛxwɛ nɛ mɛ, klɛ tɛ awaɛlɛ.

Filipianɛ 2:12

Kɛlɛso, mɛ ɛbhɛalɛ mumɔanɛ, anasɛ gɛ nɔɔ taatɔ kɛbenyɛbe— ganɛ nɛ mamɛ tite ko, pɔ gelee ɔdɛ nɛ mɛede ɔtsɔ̃ nɛ—nɔ za kɛlɛabha ozo tsyina ahwɛ nɛ wɔnɔ tɛbubu nɛ shu anɛ kifu nɛ tɛshushuku mɛ,

Filipianɛ 2:29

Nɔ yɛkɛ yɛ nɛ Apalete nɛ mɛ anɛ̀ samɛ gbɛgbla, klɛ nɔ yɛkɔ ɔzakɔ kɔ banɔ anasɛ yɛ,

Romanɛ 14:12

So nɛ kɛlɛ mɛ, bulɔmɛayɛ kanyaka ebe bu yɛnahwɛ shu nu kɔ Kpaya.

2 Tɛsolonianɛ 3:14

Onu gɛ anɔ teli adɛ ta batɔ nɛ bulɔɛ bui nɛ keplukpɛa nɛ mɛ, no vu anhũ teli di nɛ yɛ. Nɔ tɛ ga nɛ yɛ, sɛ tɛ kɛwɛ̃ kui.

Hebriuanɛ 13:24

Sɛnɛ bagɛ balɛ nɔ nu petee anɛ Kpaya banɔ petee. Bagɛ de Italia aba ba sɛnɛ nɔ.

Filipianɛ 4:1

Kɛlɛso, madzyalɛ mɔ, wɔnɔ bagɛ ɛdɛmɛnɛnɔ klɛ ɛpɛɛ sɛ tɛ ɛmɔ nɔ, mɛ same anɛ ekusikutu, mɛ ɛbhɛyalɛ mɔ kana kɛlɛ sɛ nɔ za gɛganɛ nɛ́ Apalete nɛ mɛ.

Filipianɛ 3:18

Alasɛ, anasɛ gɛ ɛganɔ tsre nɔ bafla klɛ ɔtsɔ̃ nɛɛ ɛkaa tsre nɔ nɛ ɛwɔ̃mɛ sɛ, be gelee ba lɛ anasɛ balɔ kititi nɛ Kristo butsiosi nɛ shu.

Yakobo 4:7

Klɛalɛ, nɔ bubɔ shu, ɔkɔ Kpaya. Nɔ tɛ yɛkɔ ishu ɔkɔ ɔfufɔɛkpã, klɛ lɔ bɔ shɛ nɛ wɔnɔ ɔbha.

Filipianɛ 1:4

Nɛ mɛ kpayakuklu kanyaka kɔ wɔnɔ petee mɛ, ikulu yɛ kibenyɛbe nɛ same

Luka 16:2

Kɛlɛso eklu yɛ amɛna yɛ ɔbha klɛ ebisi asɛ, ‘Kibuiɖueɖu nɛɛ mɛ nu nɛ wɔ shu? Kɔ mɛ tɛtɛdanɛ nɛ kɛxwɛ nɛ shu, alasɛ ɔtɛɔza axwɛ nɛ nu.’

Filipianɛ 2:16

anasɛ gɛ nɔ nyɛna ɛkpã bui nɛ ovunɔ—sɛ tɛ ɛba fekeshu nɛ Kristo kiwi nɛabha sɛ ɛdɛ ga ɔdɔgɔsɛ ɛwa kɛlɛɛ mɛ kɛxwɛ

Efesoanɛ 5:21

Zhinɔ shu kɔ ɔhaglɔ nɛ Kristo yɛ nyi kpɛkpɛ abha so.