Biblia Todo Logo
Bib sou entènèt

- Piblisite -




Hebriuanɛ 12:28 - ONUGBÙ NYƐNYÃ VUVƆ

28 Kɛlɛso gɛ kɛ nu sɛ bu yɛkɔ bukusiɔŋakɔ gɛ batɛ ba hwanɔ, nɔ kɔ lɔ huahwɛ, klɛ so nɔ kpɛ kɛtɔkpuesi kɔ Kpaya nɛ tɛdɛdɛmɛ mɛ nɛ kifusisi nɛ awɔ̃gɔganɔ,

Gade chapit la Kopi




Hebriuanɛ 12:28
32 Referans Kwoze  

Kɛlɛso, ga Yesu abha, tɛ bu kɔ Kpaya kɛdɔ gɛ nu kɛdɔ pupɔɛ kɔ yɛabhaŋɛŋa—eyuyu ɛnugbu nɛ gɛ lɛ bu yɛ kinyi nɛ akasɛ.


Nɔ kɔlɔ yɛ kɔ kemikpɛkpɛ tsobunɔ ɛyɛmɛyuyɔ bukusi, sɛ tɛ bu yɛkɛ eshutukubui didi nɛ tɛ bupɛɛ ɛyɛmɛyuyɔ tɛ kɛplɛnɔ lɔ nɛ kibe gɛ bupɛɛ nɛ mɛ.


wũnɔ tsyɛ anasɛ ɛkpã aklaŋgbu, ba yɛ kɔ nɔ edzu akpɛ ɔfufɔɛ buvu sɛ tɛ bu dzi kpayazakɔanɔ kɛxwɛwɛwa, ɔfufɔɛmɛ dɔ gɛ bakɔ kɔ bugu gɛ kɛku Kpaya aŋɔ ɔganɔ Yesu Kristo abha.


klɛ abhɛtɛ lɔ sɛ tɛ bu dzi bukusiɔŋakɔ anɛ kpayabanɔ tɛ bu kpɛ kɛtɔkpuesi kɔ yɛ Kpaya anɛ Aka—yɛ ishubhuibhui anɛ kemi ka lɛ ɔyɛkɔ vɛnɔ mabeke mabeke mɛ! Tɛlɛbɛlɛm.


Kɛbɛlɛmɛ gɛ nɔ klu Aka gɛ eklubhui nɛ̀ anɔnyanɔ yɛ kɛxwɛwɛwa amɛ madimadi, nɔ za nɛ kpã anasɛ befu nɛ ɔkɛnɛ nɛ́ kifusisi mɛ.


Yɛkɔɛ lɛ sɛ kɛ bɛɛ lɛm ana. Pɔ be dzyini lɛ atɛɛ̃ akpɛ mayɛkɛ mayɛkɛŋa so, klɛ oli titi nɛ tɛyɛyɛkɛŋɛa bha. Tɛ za ɔwɔ̃dzu mɛ, pɔ za kifusisi mɛ.


Ane gɛ eti be si wɔɛ fu, O Apalete, pɛ ata mɛna wɔɛ nyi nɛ kabhakpɛkpɛ? Alasɛ wɔ tite ko shu ɛlɛ bhui. Amadi nɛ petee aba ba klɛ la ba kpɛ kɛtɔkpuesi nɛ wɔa mɛ, alasɛ wɔ tɛnɛnamɛzɛza ebui bhɛbhɛtɛ nɛ eti bu akasɛ.”


Pɔ kɛ dzyɔgo ɖuweɖu lɛ ba dzi kɔ wɔ onugɛ ɔbhɛtɛ kɛdɔzizi klɛ be tu wɔ pɛ ɔza kɛlɛ nu? Pɔ onugɛ ɔmɔ butɔ nɛ kibui dzyɔgo bhɛbhɛtɛ mɛ klɛ ɔza kɛlɛ nu, Kpaya tɛdɛdɛmɛ lɛ nu.


Ɔbhɛtɛ balɛ sɛ tɛ be dzi bukusiɔŋakɔ nɛ kpayanɔ sɛ tɛ ba dɛ kɛxwɛ kɔ bulɔ Kpaya, klɛ la ba ŋa bukusi nɛ kesukpa nɛa bha.”


Kɛlɛso, madzyalɛ mɔ, denɔ kibe gɛ kɛ kpɛ lɔemi sɛ bu tsoku Obhubhui Kɔ Ɖɛɖamadɛ nɛ Yesu dzyosu nɛ mɛ,


Pɔ Yesu abhɛtɛ atrɔ ebui nɛabha anasɛ Kpaya yɛ yi nɛ yɛ bupa nɛ mɛ. Bulɔ nu yɛ bupa, onugɛ bu yɛkɔ ishu trɔ yɛabha klɛ budi yɛ dzoenu nɛ tɛyɛyɛkɛŋa.


“Ɔkɛlɛ Ekusi nɛ ebe tsre ɛgɛ li kɛŋa nɛ mɛ asɛ, ‘Nɔ ba, wɔnɔ bagɛ mɛ Aka nɛ atɛ yula, nɔ yɛkɔ wɔnɔ ɔŋakɔ, gɛ bukusiɔŋakɔ nɛ gɛ ba bala lu kɔ nɔ denɔ kanɔ nɛ kesikpɛkpɛ.


Nɛ Yesu ɛkpã zɛza nɛ kesukpa nɛabha be, ayɛkɔ kpayakuklu anɛ tɛbibisi anɛ ogugu gɛganɛ anɛ ɛwɔ̃mɛ kɔ anɔ nɛ gɛ ebe bu yɛ denɔ butsi mɛ, klɛ be nu lɛ akɔ yɛ alasɛ nɛ́ yɛ́ ishu zhizhinɔ kɛtɔkpuesi kpɛkpɛ so.


Ɛtɛ yɛkɛ kɛbhɛbubuya nɛna, klɛ ɔyɛkɔdɛ kuratsyɛ, ɔtsɔ̃nɛ gɛ ɛtɛ yɛkɔ dɔ gɛ nɔ sɛsɛ mɛ denɔ Epafroditu abha. Kɛdɔ nɛ nu anasɛ buŋa nɛ tã gɛ ku Kpaya awɔ̃.


klɛ nɔ pɛɛ kɛdɔnɔ gɛ kɛ ku Apalete nɛ awɔ̃.


tɛ bu kpɛ yɛ ishubhubhui ɛyɛmɛyuyɔ, gɛ ashɛnahwɛ akɔ lɔ bububɔɛ nɛ yɛ Yi gɛ adɛmɛ yɛ bui.


klɛ aba ŋa bukusi nɛ Yakobo bupa nɛabha vɛnɔ mabeke mabeke mɛ, yɛ bukusiɔŋakɔ nɛ ɔtɛ bo beke di. ”


akɔ nɔ kɛdɔ dzyɔgo nyɛdɔdzyɔgo kɔ yɛ tɛpɛpɛɛ, klɛ tɛ awaɛxwɛ nɛ bulɔ mɛ kɛgɛ ku yɛ awɔ̃, ɔganɔ Yesu Kristo abha, kɔ yɛ ishubhubhui mɛ denɔ mabeke ɔvɛnɔ mabeke mɛ. Tɛlɛbɛlɛmɛ.


Swiv nou:

Piblisite


Piblisite