Hebriuanɛ 11:7 - ONUGBÙ NYƐNYÃ VUVƆ

⁷ Ganɔ tɛyɛyɛkɛŋa abha Nowa, gɛ betsrɛnɔ denɔ ebui nɛ gɛ ba ka mɔ, nɛ kifu sisi bhubhui mɛ afatɛ kɛniabha opupu sɛ tɛ ebu yɛ bupa. Nɛ yɛ tɛyɛyɛkɛŋa nɛ mɛ ebu kanɔ nɛ mɛ pɔ klɛ ebe dzi balɛ kɛdɔ dzyɔgo nɛ kusi gɛ kɛ ba ganɔ tɛyɛyɛkɛŋa bha.

Hebriuanɛ 11:7 Referans Kwoze

1 Petro 3:20

agɛ adɛ tatɔ kibe dzidze bafla gɛ Kpaya epo nɛ ishunyɛnyɛna mɛ nɛ Noah ewui nɛabha gɛ àfatɛ yɛ otsyokpo. Nɛ ɔlɛ mɛ banɔ bhliyi ko, banɔ petee balɛ tɛɔsɔɛ, balɛ be bhuiayɛkɛ ɔganɔ buni mɛ,

Romanɛ 4:13

Ganɛ sɛ ɔshã abha Abraham anɛ yɛeyialɛ nɛ ba ga pɛ ba yɛkɛ tɛtutrɔ denɔ Kpaya ɔkɔ sɛ aba ŋa kanɔ, pɔ ganɔ tɛnɛna nɛ gɛ ba denɔ tɛyɛyɛkɛŋa mɛ.

Luka 17:26

Anasɛ gɛ kɛza nɛ Noa kiwui nɛ mɛ, kanake kɛ baza nɛ Anɔdzyrame Yi nɛ kiwui nɛ mɛ.

Filipianɛ 3:9

klɛ tɛ ba mɔ mɛ nɛ yɛmɛ, tɛzɛzam dzyɔgo dɛ nu mɛyɛ gɛ kide ɔshã nɛ mɛ, pɔ kide Kristo tɛyɛkɛŋa nɛa bha nɛm— tɛzɛzam dzyɔgo nɛ gɛ de Kpaya ɔkɔ gɛ kɛlɛ nu kɛdzyɔgo denɔ Kpaya kɔ klɛ kide tɛyɛyɛkɛŋa nɛ ɔkɔ.

Galatianɛ 5:5

Pɔ nɛ tɛyɛyɛkɛŋa abha bupo ganɔ Ɔfufɔɛ kɛdzyɔgo bhɛbhɛtɛ kɛlɛ bu didzoenu kɔ.

Hebriuanɛ 5:7

Nɛ Yesu ɛkpã zɛza nɛ kesukpa nɛabha be, ayɛkɔ kpayakuklu anɛ tɛbibisi anɛ ogugu gɛganɛ anɛ ɛwɔ̃mɛ kɔ anɔ nɛ gɛ ebe bu yɛ denɔ butsi mɛ, klɛ be nu lɛ akɔ yɛ alasɛ nɛ́ yɛ́ ishu zhizhinɔ kɛtɔkpuesi kpɛkpɛ so.

Romanɛ 3:22

Tɛnɛna nɛɛ di denɔ Kpaya ɔkɔ kɛɛ ba ganɔ tɛyɛyɛkɛŋa nɛ Yesu Kristom kɔ bagɛ ba yɛkɛaŋa nɛ petee. Ɔtɔgɛga ɔma,

Romanɛ 1:17

Alasɛ nɛ kibuidzyɔgo nɛ mɛ tɛzɛzam dzyɔgo denɔ Kpaya ɔkɔ nɛ bu kasɛ, tɛzɛzamdzyɔgo gɛ ganɔ tɛyɛyɛkɛŋam denɔ kesikpɛkpɛ ɔvɛnɔ obekekɔ, ansɛ gɛ kɛ ŋlɔmɛ li sɛ: “Anɔnɛna aba za ganɔ tɛyɛykɛŋam.”

Mateo 3:7

Pɔ gɛ amɔ Farisianɛ anɛ Sarusianɛ gɛ baa ba ɔkɛlɛ gɛ aakpɛ buni, etsre alɛ asɛ, “Wɔnɔ atagblashã yam banɔ! Anee ye tsre nɔ sɛ no si ɔlɔ butɔ nɛ gɛɛ ba?

2 Petro 3:6

Nɛ benia nɛabha tsyɛ kanɔ nɛ kibelɛlɛ beni nɛ yi agbɛgba klɛ kanɔ ne zi.

2 Petro 2:5

onugɛ adɛ yɛkɔ etsye kanɔ mɛ bekuku kibelɛlɛ gɛ amɛna buniyiyi nɛ́ banɔ nɛ gɛ be dinu kpayayɛ, pɔ akpɛ buka kana Noah, ebuidzyɔgo aɖɛɖɔ, nɛ̀ tɛegene gugɔɛ,

2 Petro 1:1

Mɛ Simɔn Petro, Yesu Kristo axwɛdɛ anɛ̀ anɔkpɛkpɛ, Ɛŋlɔmɛ keplukpa anɛ akɔ bagɛ ɔganɔ kɛdzyɔgo bhɛbhɛtɛ bulɔ Kpaya anɛ Yesu Kristo gɛ ebhulɔayɛkɛ atɛ mɔ tɛyɛyɛkɛŋa ŋɛŋaedzi anasɛ bulɔ yɛ.

Hebriuanɛ 11:1

Ɔtsɔ̃nɛ tɛyɛyɛkɛŋa kɛlɛ nu sɛ yɛkɛɔŋa sɛ kɛgɛ ɔtɔ mɔ tsyɛ pɛ kidzoenu didi lɛ wɔ ahwɔ sɛ kɛ ba ba.

Romanɛ 10:6

Pɔ tɛnɛnamɛzɛza nɛ gɛ de tɛyɛyɛkɛŋa mɛ nɛ ɖɔ sɛ: “Tɛ ɖɔ nɛ wɔ idzyim ɔsɛ, ‘Anee gɛ ebe wu avɛ owũsise?’ ” (kɛlɛ nu sɛ, tɛ ozhinɔ Kristo ɔmɛna kesi)

Romanɛ 4:11

Klɛ ayɛkɛ kɛdɔmumɔ bunyɛnyɛ bhubhui shu, tɛnɛna adɛda gɛ ayɛkɛ ganɔ tɛyɛyɛkɛŋam nɛ kibe lɛ gɛ eke bhui bunyɛnyɛ. So nɛɛ, yɛ enu aka kɔ bagɛ ba yɛkɛ aŋa nɛ petee pɔ pɛ be ke bhui bunyɛnyɛ, sɛ tɛ ba ba yɛkɔ tɛnɛna kɔa lɛ.

Mateo 24:38

Alasɛ flogo tɛ kesukpa nɛa bha ka ba yɛkɛ buni, banɔa za ŋɛdɔ klɛ ba wɛ̃ dɔ, baa gbanɔ adzɛ klɛ baa yɛkɔ adzɛ akɔ sɛ ba gbanɔ, ɔdɔ nanɔ kibe lɛ gɛ Nowa etsoku otsyokpo nɛ mɛ;

Mateo 24:25

Di, ɛtɛ tsre nɔ kpɛ otugba.

Romanɛ 9:30

Kide lɔ ba ɖɔ ɔtsɔ̃? Sɛ Bagɛ be di nu Yuɖanɛ, gɛ ba dɛ nyɛna tɛnɛnamɛzɛza evunɔ, na tɛ yɛkɛ lɛ, tɛnɛnamɛzɛza ganɔ tɛyɛyɛkɛŋɛa bha;

Mateo 24:15

“Kɛlɛ so onu gɛ no li ɔzakɔ bhubhui pɛ nɔ mɔ ‘ebusobui nɛ gɛ akɔ butsyrɔ,’ gɛ alɛ bui la ɖɔ ganɔ atɔnu Daniɛlɛa bha nɛɛ—kɔ adɔkla nɛ enu klɛesi—

Mateo 2:12

Klɛ gɛ beti bu akasɛ alɛ nɛ bulɛla mɛ sɛ be tee tsodzi avɛ Heroɖesɛ ɔkɔ so, ba da ga kidzo bhlatɔ avɛ balɛe pi.

Hebriuanɛ 8:5

Kɛ xwɛ gɛ bawa nɛ kagba nɛ mɛ kɛ nu kɛdɔ gɛ kiyi dɔ nɛ kɛtɔwui nɛ gɛ kɛ lɛ owũsise. Kɛlɛ so gɛ Mose asɛ dzu kagba, ba kpɛ yɛ ɔshã sɛ: “Di sɛ ɔbhɛtɛ kɛkanyaka kɛsɔnɔ kɛgɛ bakasɛ wɔ nɛ butu nɛabha.”

Hebriuanɛ 12:25

Nɔ di lɛ ɔkɔ sɛ nɔ tɛshɛnahwɛ agɛ aɖɔaɖɔ nɛ shu. Onugɛ be di si ashɛ̃ nɛ kɛbelɛlɛ gɛ be gbe anɔ nɛ gɛ etsrenɛ alɛ nɛ kesukpa nɛabha, kɛlɛ bu ba zhiesi, onugɛ bulɔ tsyɛ bu shɛ̃ lɔ anɔ nɛ gɛ etsrenɔ lɔ denɔ owũsise?