Filipianɛ 4:9 - ONUGBÙ NYƐNYÃ VUVƆ

⁹ Kɛdɔnyɛdɔ gɛ ɔtɛ kpasɛ ɔdɔgɔsɛ ɔyɛkɛ ɔdɔgɔsɛ onu denɔ mɛ ɔkɔ, ɔdɔgɔsɛ ɔmɔ nɛ mɛmɛ--yɛkɔ kɛlɛ ɔkpɛ tɛbhɛbhɛtɛ mɛ. Klɛ ishuyuyɔ Kpaya aba za plɛnɔ nɔ.

Filipianɛ 4:9 Referans Kwoze

Yakobo 1:22

Nɔ tɛ ta batɔ nɛ kibui nɛ tite ko, sɛ tɛ nɔ wɛɛ shu. Nɔ bhɛtɛ kɛgɛ kibui nɛɛ ɖɔ.

Filipianɛ 3:17

Madzyalɛ, nɔ plɛnɔ bagugɔɛ tɛ nɔ za mɛ ebui bhɛbhɛtɛkasɛ nɛede, nɔ kpɛ susu ba gɛ balɛ nɛ kpã anasɛ tɛzɛza nɛ gɛ bu kɔ nɔ.

2 Petro 1:10

Kɛlɛso, madzyalɛ mɔ, nɔ wlãkɛ dɛana tɛ nɔ bhɛtɛ wɔnɔ tɛkuklu nɛ tɛbubu ba pɛɛ̃. Alasɛ onugɛ nɔ bhɛtɛ ebuianɛ, nɔtɛ bɔ dɔ oboe,

Yohanɛsɛ 13:17

Ɔtsyɔnɛ gɛ nɔ nyi ebuia nɛ, nɔ bɔ yɛkɛ tɛyuyula onugɛ nɔ bhɛtɛ alɛ.

Filipianɛ 4:7

Klɛ Kpaya ishuyuyɔ, gɛ kɛdɔfla ebuiesinunu petee, kɛ ba po wɔnɔ idzyi anɛ wɔnɔ atɔkpu mɛ nɛ́ Kristo Yesu mɛ.

Romanɛ 16:20

Eti be dze ishuyuyɔ Kpaya nɛ aba yɛɛ Satana akpɛ wɔnɔ butsrukpɔesi. Apalete Yesu eshutukubui didi aza plɛnɔ nɔ.

2 Kɔrintioanɛ 13:11

Gugɔɛ, badzya, nɔ za mɔ. Nɔ za ɛkpã dzyɔgo, nɔ nu mɛ ebui nɛ gɛ ɛkpɛ nɔ kɔ, nɔ za nɛ kɛtɔkpui mɛ terikpo, nɔ za nɛ ishuyuyɔ mɛ. Klɛ Kpaya tɛdɛdɛmɛnɔ anɛ ishuyuyɔ lɛ ba za plɛnɛ nɔ.

Luka 6:46

“Kɛde so gɛ nɔ klu mɛ sɛ, ‘Apalete, Apalete,’ klɛ nɔ tɔ bhɛtɛ kibui nɛ gɛ ɛɖɔ?

Mateo 28:20

klɛ tɛ nɔ kasɛ dɔ sɛ anɔnyanɔ abhɛtɛ ansɛ gɛ ɛtrɔ kɔ nɔ. Klɛ kɛlɛ kɛlɛm sɛ ɛlɛ plɛnɔ nɔ kibenyɛbe, ɔkɔ dɔ nanɔ kanɔ nɛ tibibeke.”

Mateo 7:21

“Ganɛ anɔnyanɔ gɛ eekulu mɛ asɛ, ‘Apalete, Apalete,’ yɛ ebe tsoku bukusi ɔŋakɔ nɛ owũsise, pɔ aanɔ nɛ gɛ aabhɛtɛ atrɔ mɛ Aka nɛ gɛ alɛ owũsise nɛ tɛpɛpɛa bha.

2 Tɛsolonianɛ 3:4

Kabha yɛyɛkɛŋa lɛ bulɔa hwɛ nɛ Apalete nɛ mɛ sɛ nɔ bhɛtɛ klɛ nɔ bɔ vɛ kɛlɛa bha ɔzɔ bhɛtɛ ebui nɛ gɛ bu ɖɔ.

1 Tɛsolonianɛ 1:6

No bo dzi banɔ gɛ no di bulɔ anɛ Apalete nɛ pɛ nɔɔ bhɛtɛ; nɛ butɔ gɛganɛɛ mɛ tsyɛ, nɔ yɛkɛ kibui nɛ gɛ ba mɛna nɔ nɛ same ganɔ Ɔfufɔɛ Dzyɔgo nɛ ɔkɔ.

1 Tɛsolonianɛ 5:23

Kɔ Kpaya nahwɛ, ishuyuyɔ Kpaya, adanɛ nɔ shu avɛnɔ etsodzini avɛnɔ. Kɔ wɔnɔ ɔfuɔɛ nɛ petee, kɛtɔwi anɛ ishuidzya nɛ za kɛpɔ maŋa maŋa mɛ nɛ bulɔ Apalete Yesu Kristo tɛbɛba mɛ.

Romanɛ 15:33

Ishuyuyɔ Kpaya aza plɛnɔ wɔnɔ petee. Tɛkɛbɛlɛm.

Yohanɛsɛ 2:5

Yɛ eni etsre baxwɛdɛ nɛ asɛ, “Nɔ bhɛtɛ ɔtrɔ kibui nɔ nɛ gɛ ebe tsre nɔ nɛabhaa.”

Luka 8:21

Ebuilɛnu asɛ, “Meni nɛ mɛ adzyalɛ ba lɛ nu bagɛ benu Kpaya bui klɛ ba bhɛtɛ atrɔ kɛlɛabha.”

1 Tɛsolonianɛ 2:14

Wɔnɔ, madzyalɛ mɔ, no bo dzi banɔ gɛ no di Kpaya basɔlɛha nɛ Yuɖia, gɛ ba kpasɛ Kristo Yesu mɛ: Nɔ tɔ denɔ wɔnɔ nahwɛ ɔkɔayɛ nɛ ahwɛ mɛ, ebuianɛ nɛ di mɛ basɔlɛha nɛ tsyɛ ba mɔ nɛ Yuɖanɛ nɛ ahwɛ mɛ,

1 Kɔrintioanɛ 10:31

So kɛbɛlɛmɛ sɛ ɔŋa o, ɔwɔɛ̃ ɔdɔgɔsɛ kɛdɔnyɛdɔ wɔ ɔbhɛtɛ, bhɛtɛ lɛ petee ɔkɔ Kpaya yɛ kabhakpɛkpɛ.

Axwɛwɛwa 9:6

“Ɔtsɔ̃ nɛɛ lɔ tɛ ɔvɛ ɔmagbla nɛm, klɛ be be tsre wɔ kɛdɔnɔ nɛ gɛ alasɛ tɛ ɔbhɛtɛ.”

2 Timotio 4:22

Apalete nɛ aza plɛnɔ wɔ ɔfufɔɛ. Ɛyamyuyɔ za plɛnɔ wɔ.

1 Kɔrintioanɛ 14:33

Alasɛ Kpaya edi nu agadzyidzye Kpaya pɔ alɛ kɔ ishuyuyɔ. Anasɛ gɛ kɛlɛ nɛ banɔnɛna oxogokɔ,

Yohanɛsɛ 15:14

Nɔ nu mɛ ɛbhɛya onugɛ nɔ bhɛtɛ trɔ ɛshã gɛ ɛkɔ nɔ nɛabha.

1 Yohanɛsɛ 3:22

klɛ bu yɛkɛ kɛdɔnyɛdɔ gɛ bu bisi, alasɛ bu tatɔ yɛ ɛshã klɛ bu bhɛtɛ kɛgɛ apɛɛ.

Mateo 1:23

“Kebite nɛ kebe munɔ ɛya klɛ ka ba mɔ eyianyɛ, klɛ le be kulu yɛ asɛ Yimanuɛlɛ” gɛ kɛlɛesi nu sɛ, “Kpaya alɛ plɛnɔ lɔ.”

1 Kɔrintioanɛ 4:16

Kɛlɛ so ɛ̀pɛɛ sɛ tɛ nɔ kpasɛ mɛ.