Filipianɛ 4:6 - ONUGBÙ NYƐNYÃ VUVƆ

⁶ Tɛ kɔ wɔnɔ idzyi ahwa nɛ kɛdɔnyɛdɔ shu, pɔ nɛ kibuinyɛbui mɛ, kpayakuklu anɛ tɛbibisi, anɛ ahwɛhuhu, kɔ wɔɛdɔ bibisi vɛ Kpaya kɔ.

Filipianɛ 4:6 Referans Kwoze

1 Petro 5:7

Nɔ yɛkɔ wũnɔ butɔ petee ɔtrɔ yɛ abha alasɛ yɛ di wũnɔ abha.

Mateo 6:8

Nɔ tɛ za ansɛ balɛ, alasɛ wɔnɔ Aka enyi kɛgɛ nɔɔ pɛɛ flogo pɛ nɔ bɔ ɖɔ sɛ obisi yɛ.

Koloseanɛ 4:2

Yɛkɔ kpayakuklu ɔkpɛ kɛxwɛ, awɔ̃zɛza anɛ̀ ahwɛhuhu.

Efesoanɛ 6:18

Klɛ klukpaya nɛ Ɔfufɔɛ nɛ mɛ kibenyɛbe nɛ kpayakuklu kanyakaɛdi anɛ tɛbibisi. Nɛ̀ kɛnɛ nɛ́ tɔkpuimɛ, zanɛ awɔ̃ klɛ kibenyɛbe za kpayakuklu abha kɔ kpaya banɔ.

Koloseanɛ 3:17

Klɛ kɛgɛ nɔ bhɛtɛ, kɛlɛlɛmɛ sɛ kibui ɖɛɖɔɛ mɛ ɔdɔgɔsɛ kɛbhɛbhɛtɛ mɛ, bhɛtɛ lɛ petee nɛ Apalete Yesu nyi mɛ, nɔ hu Kpaya Aka nɛ ahwɛ ɔganɔ yɛabha.

Luka 18:1

Ɔkɛlɛ Yesu akpɛ kɛkpalɛ akɔ badɔkpasɛ na sɛ tɛ baza kpayakuklu abha kibenyɛbe klɛ tɛ ba tɛ kɔɛ tɔkpu.

Luka 12:22

Kɛlɛ Yesu etsre yɛ badɔkpasɛ nɛ sɛ: “Kɛlɛso itsre nɔ sɛ, nɔ tɔ tsishu nɛ wunɔ kpã, kɛ dɔ gɛ nɔ bɔ ŋa, pɛnɔ denɔ wunɔ shuidzya, kɛde gɛ nɔ bɔ nyumu.

Koloseanɛ 3:15

Nɔ kɔ Kristo ishuyuyɔ ŋa kabha nɛ wɔnɔ idzyi mɛ, nɛ kibelɛlɛ alasɛ gɛ nɔ nu ɔha nɛ ishuidzya tirikpo, be klu nɔ kɔ ishuyuyɔ. Klɛ nɔ dzi ahwɛhuhu elete.

Efesoanɛ 5:20

kibenyɛbe zo hu Kpaya Aka nahwɛ kɔ kɛkanyaka, anɛ bulɔ Apalete Yesu Kristo yɛ nyi mɛ.

Luka 10:41

Apalete ebuilɛnu asɛ, “Mata, Mata, otsishu klɛ ɔkpɛ shu tɔ nɛ kɛdɔ bhɛbhɛtɛ gelee shu,

Luka 18:7

Klɛ ɔyɛkɛŋa sɛ Kpaya atɛ bamɛna kebhuikuklu dzyɔgo kɔ yɛ banɔ kuklu, gɛ ba kpɛ ogugu kɔ yɛ kelizɛza anɛ elishi? Aba za eze di alɛ ana ko?

Mateo 10:19

Pɔ onu gɛ bee vu nɔ, nɔ tɛ ga nɛ awɔ̃ nɛ kibui nɔ nɛ gɛ nɔ bɔ ɖɔ ɔdɔgɔsɛ kana gɛ nɔ bɔ ɖɔɛ lɛ. Ɔɖɔ lɛlɛ nɛ mɛ ba ba kɔ nɔ kibui nɔ nɛ gɛ nɔ bɔ ɖɔ,

Luka 12:29

Klɛ tɛyɛkɔ wɔ idzyi ɔtrɔ kɛdɔ gɛ ɔbɔ ŋa pɛnɔ ɛbawɔɛ̃, tɛ tsishu kɔɛ lɛ.

2 Kɔrintioanɛ 1:11

anasɛ gɛ nɔ plɛnɔ lɔ nɛ wunɔ kpayakuklu mɛ. Ɔkɛlɛ be gelee ba be hu ahwɛ nɛ bulɔɛ tɔkpu kɔ tɛpɛplɛnɔ kɛdɔkukɔ gɛ akɔ lɔ nɛ́ ebuiesibubu kɔ be gelee kpayakuklu.

1 Kɔrintioanɛ 7:32

Ɛba pɛɛ kɔ nɔ sɛ nɔ tɔ vɛ kɛtɔkpu mɛ fãã nɛ kanɔmɛ ebui shu. Anyɛ agbalɛgba yɛ tɔkpu mɛ lɛ Apalete nɛ kibui shu—kana gɛ aba kɔ yɛ bui za Apalete nu li.

1 Petro 4:7

Ebui nɛ petee obekekɔ lɛ tsobunɔ. Kɛlɛso kɔ wɔɛ tɔkpu mɛ bhui anɛ̀ ishu-nyɛnyɛna sɛ tɛ nɔ na kpayaklu.

Mateo 13:22

Eyii nɛ gɛ adɔ ewi mɛ alɛ nu anɔ gɛ enu kibui, pɔ ɛkpã nɛ mɛ butɔ nɛ kɛnɔmɛdɔ anɔwuwɔɛ eshe ada yɛ so kibui nɛ dɛ yu eyuyu nɛ yɛ mɛ.

1 Kɔrintioanɛ 7:21

Anɔ dzidzi wɔ dzi flogo gɛ be klu wɔ? Tɛ kɔɛ lɛ kpɛ wɔ bunuhu—kɛlɛlɛmɛ onugɛ ɔbɔ na kidzo mɔ sɛ tɛ ɔza ishuahwɛ, bhɛtɛ lɛ.

Mateo 6:34

So tɛ ganɛ awɔ̃ nɛ kivu shu, alasɛ kivu nahwɛ ba ganɛ kɛlɛ shu awɔ̃. Kiwinyɛɛwi kɛ lɛ nɛ kɛlɛ nahwɛ tibui.

1 Timotio 2:1

Istre nɔ, kɛlɛ putɔnɔ, sɛ tibibisi, kpayakuklu, ibuevuvu anɛ ahwɛhuhu, ba bhɛtɛ lɛ akɔ anɔnyanɔ—

1 Timotio 5:5

Adzɛ gɛ etsianyɛ nɔɔ nɛ gɛ alɛ kɔ kɛdɔ kukɔ kɛgbɛagba flogo pɛ ba shɛ̃nahwɛ yɛ terikpo shue lu pɛ ayɛkɔ yɛ kidzoenudidi nɛ atrɔ Kpaya bha klɛ avɛlɛa bha elishi anɛ kemuze anɛ kpayakuklu tɛ ebisi Kpaya tɛpɛplɛnɔ.