Filipianɛ 4:3 - ONUGBÙ NYƐNYÃ VUVƆ

³ Ee, klɛ ibisi wɔ, mɛ abhla mumɔa, plɛnɔ badzɛ nɛ gɛ ba wa xwɛ nɛ́ mɛ kɔ kibui dzyɔgo tɛ ɖɛɖɔ, nɛ Klɛmɛt anɛ mɛ baxwɛwa gugɔɛ, gɛ balɛ enyi akpasɛ ɛkpãe plukpa nɛ mɛ.

Filipianɛ 4:3 Referans Kwoze

Tɛbubukasɛ 13:8

Banɔ nɛ petee ga lɛ kesukpa nɛabha na ba kpɛ kɛtɔkpuesi kɔ agavuga— banɔ nɛ petee enyi nɛ gɛ ba dɛ ŋlɔmɛ akpɛ ɛkpã keplukpa nɛ gɛ enu Obhoshieyi nɛa yɛ gɛ be yi denɔ kanɔ nɛ tɛbhɛbhɛtɛ be nɛ mɛ.

Tɛbubukasɛ 3:5

Agɛ ya ŋɛabha, ansɛ balɛ, aba za kɛdɔ fufu mɛ. Ɛtɛ ba tsru yɛ kinyi nɛ bu nɛ ɛkpã keplukpa nɛ mɛ, pɔ ɛba kulu yɛ kinyi nɛ mɛ Aka anɛ yɛ baxwɛdɛ nɛ amɛ.

Luka 10:20

Pɔ, nɔ tɛ mɔ same sɛ ɛfufɔɛ nɛ kɔ nɔɛ tɔkpu, pɔ nɔ mɔ same sɛ ba ŋlɔmmɛ wunɔ enyi nɛ owũsise.”

Filipianɛ 1:27

Kibuinyɛbui gɛ kɛ baa, nɔ nyɛna wɔnɔ shu nɛ Kristo kibui dzyɔgo nɛ tɛzɛzam. Kɛlɛede, kɛba dzi sɛ ɛba pɛ ɛba mɔ nɔ ɔdɔgɔsɛ ɛba nu wɔnɔɛ dɔ nɛ mɛede, eba ti sɛ nɔ lɛ gɛganɛ nɛ ɔfufɔɛ torikpo mɛ, ɔwlãnkɛ ansɛ anɔ terikpo kɔ kibui dzyɔgo nɛabha yɛyɛkɛŋa

Tɛbubukasɛ 21:27

Kɛdɔnyɛdɔ gɛ dɔɛbo nɛ tɛ ba tsoku ɔlɛm di, ɔdɔgɔsɛ anɔnyanɔ gɛ abhɛtɛ awɛ̃ɛbui pɛ awɛanɔ, pɔ bagɛ balɛ enyi la ŋlɔmɛ akpɛ Obhoshieyi nɛ ɛkpãeplukpa nɛm ko.

Tɛbubukasɛ 17:8

Agavuga nɛ gɛ ɔmɔ, atɛ za di, ɔtsɔ̃ ama, klɛ ebe de Ogloboglobokɔ ekoeyi klɛ aba vɛ kɔ le zi. Kesukpa nɛabha banɔ gɛ balɛ enyi la dɛ ŋlɔmɛ akpɛ ɛkpãeplukpa nɛ mɛ denɔ kanɔ nɛ tɛbhɛbhɛtɛ be, kɛ ba bhɛtɛ alɛ bi onu gɛ bamɔ agavuga, alasɛ atɛ za edi, ɔtsɔ̃ ama, klɛ otsi aba ba.

Filipianɛ 4:2

Ɛkpɛtɔpuesi kɔ nɔ Ewudia klɛ ɛkpɛtɔkpuesi kɔ Sintitsyi tɛ nɔ dɛmɛ nɛ ɔhaglɔ anɛ́ Apalete nɛ mɛ.

Romanɛ 16:12

Ɛsɛnɔ Traɛfena anɛ Traɛfosa, badzɛ alɛ nɛ gɛ awa kɛxwɛ gɛganɛɛ nɛ Apalete nɛ mɛ. Ɛsɛnɔ mɔbhɛa dzyɔgo Pɛsisɛ, enu adzɛ teli tsyɛ gɛ awa kɛxwɛ gɛganɛɛ nɛ Apalete nɛ mɛ.

Romanɛ 16:9

Ɛsɛnɔ Yubanusɛ, bulɔ ɔhayɛ axwɛwa nɛ Kristo mɛ, anɛ mɔbhɛa dzyɔgo Statsyisɛ.

Romanɛ 12:1

Klɛso nɛɛ, badzya mɔ, itsre nɔ sɛ, nɛ Kpaya eshutukubui didi mɛ, tɛ ayɛkɔ wɔnɔ shuidzya ansɛ ishuyɛyɛkɔ tsye gɛ lɛ nɛ ɛkpã, gɛ ɛlɛshubhui klɛ kɛku Kpaya awɔ̃, kɛlɛ nu wɔnɔ ɔfufɔɛ mɛzɛza kɛtɔkpuesi kpɛkpɛ.

Tɛbubukasɛ 20:12

Klɛ mɛ mɔ betsitsi, bagbɛgbla anɛ bebhliyi, gɛ be li kititi nɛ kegbu nɛ amɛ, klɛ ba danɛ buplukpa. Ba za danɛ keplukpa bhlatɔ, gɛ ke nu ɛkpã keplukpa. Be kulu kebhui nɛ betsitsi nɛ ebui nɛ gɛ ba bhɛtɛ nɛ nu ansɛ gɛ ba ŋlɔmɛ akpɛ buplukpa nɛ mɛ.

Koloseanɛ 1:7

Nɔ kpasɛ lɛ denɔ Epafrasɛ, bulɔ ɔhayɛ axwɛdɛ, gɛ enu Kristo axwɛwa gɛ ayɛkɛaŋa nɛ bulɔ nu,

Tɛbubukasɛ 20:15

Onu gɛ ba dɛ mɔ anɔ teli kinyi nɛ ɛkpã keplukpa nɛ mɛ, ba ba yɛkɔ yɛ atɛ̃ akpɛ kifuivɔ nɛ mɛ.

Filipianɛ 1:5

alasɛ nɛ wɔnɔ terikpo bhɛbhɛtɛ anɛ kibui dzyɔgo denɔ kiwui tɛtɔpu ɔbɔ nanɔ ɔtsɔ̃,

Filipianɛ 1:7

Kɛ na kɔ mɛ sɛ tɛ ɛmɔɛlɛ ana nɛ wɔnɔ petee shu, alasɛ nɔ kpasɛ mɛ idzyim; alasɛ onugɛ bakpɛ mɛ buɖɛ ɔdɔgɔsɛ ɛwlãnkɛ klɛ mɛ trɔahwɛ nɛ kibui dzyɔgo nɛa bha, wɔnɔ petee nɔ bɔ mɔ Kpaya ɛyamyuyɔ nɛ́ mɛ.

Filipianɛ 1:12

Ɔtsɔ̃ nɛɛ badzya mɔ, ɛpɛɛ sɛ tɛ no ti sɛ kibui nɛ gɛ ba mɛabha nɛ kpɛ kibui dzyɔgo nɛ otugba.

Filipianɛ 1:16

Ba gugɔɛ ba bhɛtɛ lɛ nɛ tɛdɛdɛmɛ mɛ, gɛ benyi sɛ be lu mɛ nɛ ɔkɛnɛ sɛ tɛ ɛwlãnkɛ kibui dzyɔgo nɛ tɔkpu.