Filipianɛ 3:8 - ONUGBÙ NYƐNYÃ VUVƆ

⁸ Kɛ gɛ kɛ kalɛ dɛana, ɛyɛkɔɛ lɛ sɛ kɛdɔnyɛdɔ lɛla ɔyɛkɔsɔnɔ bugbɛgbla nɛ gɛ flɛdzo nɛ makagbla Kristo Yesu gɛ yɛ so pɛ ɛlɛla kɛdɔnyɛdɔ. Idi lɛ sɛ kinu kibo, sɛ tɛ ɛmɔ Kristo

Filipianɛ 3:8 Referans Kwoze

Romanɛ 8:18

Idi lɛ sɛ bulɔ ɔtsɔ̃ nɛ batɔ́ nɛ ama gɛ ba ba yɛkɔ sɔnɔ ishubhuibhui nɛ gɛ be be bu akasɛ nɛ bulɔ mɛ.

Axwɛwɛwa 20:24

Pɔ, ɛmɔ mɛ ɛkpã nɛ sɛ kedziŋɛŋa kanyaka ma lɛ akɔm, onu gɛ ɛba na odu nɛ bu si beke klɛ mɛ ba beke kɛxwɛ nɛ gɛ Apalete Yesu akɔ mɛ—kɛxwɛ nɛ gɛ ba bu Kpaya ɛyamyuyɔ kibui dzyɔgo nɛ kasɛ.

Filipianɛ 3:7

Pɔ kɛkanyaka gɛ dzi mɛ tɛmumɔtrɔ nɛɛ ɛyɛkɔɛ lɛ ɔtsɔ̃ nɛ sɛ ɛdɛmɔ kɛdɔnyɛdɔ akpɛ Kristo so.

Yohanɛsɛ 17:3

Ɔtsɔ̃ kɛɛ nɛ kɛlɛ nu ɛkpã mabeke: sɛ tɛ be ti wɔ, kɛgba Kpaya terikpo, anɛ Yesu Kristo, gɛ yɛ wɔ kpɛ.

Filipianɛ 3:10

Ɛpɛɛ sɛ tɛ iti Kristo anɛ̀ yɛ tɛnyɛnyɛmɛ kemi anɛ ketsukpɛkpɛ nɛ yɛ butɔ nɛm tɛmɛma, idzi ansɛ yɛ nɛ butsi mɛ, anɛ terikpo bhɛbhɛtɛ anɛ yɛ butɔ yɛyɛkɛ, kɛbadzi anasɛ yɛ anɛ́ yɛ butsi mɛ,

2 Petro 1:3

Kpaya kemi ka kɔ lɔ kɛdɔnyɛdɔ gɛ bu pɛɛ kɔ ɛkpã nɛ kpayamɛ zɛza ganɔ agɛ eklu lɔ nɛ tɛtiti mɛ nɛ́ yɛnahwɛ ishubhubhui anɛ̀ kɛdzyɔgo bhɛbhɛtɛ.

1 Kɔrintioanɛ 2:2

Alasɛ gɛ ɛza wunɔ bha, ɛbhɛtɛ sɛ tɛ ɛdzɛkɛ kibuinyɛbui ɔdɛ Yesu Kristo nɛ yɛ tɛkpɛkplasɔ.

1 Yohanɛsɛ 5:20

Bu ka nyi sɛ Kpaya ye Yi nɛ aba klɛ akɔ lɔ kibuititi, sɛ tɛ bu ti yɛ gɛ enu agbɛagba. Klɛ bulɛ yɛ mɛ gɛ enu anɔɛgbɛagba—nɛ yɛ Yi Yesu Kristo tsyɛ mɛ. Ye nu kɛgbɛagba Kpaya anɛ̀ ɛkpã mabeke mabeke.

Yohanɛsɛ 17:8

Alasɛ ɛkɔ alɛ ebui gɛ ɔkɔ mɛ klɛ ba yɛkɛ alɛ. Be nyi nɛ kɛgbɛagba sɛ ɛde wɔ kɔ klɛ ba yɛkɛŋa sɛ wɔ kpɛ mɛ

Yohanɛsɛ 14:20

Nɛ kiwui lɛlɛ nɛabha nɔ bɔ nu lɛesi sɛ ɛlɛ mɛ Aka mɛ, klɛ nɔ lɛ mɛ́ mɛ klɛ ɛlɛ nɔ mɛ.

Hebriuanɛ 3:14

Bu ba sɛ tɛ bubhɛtɛ terikpo nɛ Kristo onugɛ bu nyɛna yɛ gɛganɛ ɔdɔtɔnɔ tɛbibeke anɛ tɛyɛyɛkɛŋa gɛ bunyɛna vunɔ denɔ kesikpɛkpɛ.

2 Kɔrintioanɛ 4:6

Alasɛ Kpaya gɛ aɖɔ sɛ, “Kɔ kifu nɛ tã denɔ otumu mɛ,” bhɛtɛ yɛ fu tɛ kɛtã nɛ bulɔ idzyi mɛ tɛ kɛkɔ lɔ kifu buititi nɛ́ Kpaya kabhaŋɛŋa nɛ Kristo amɛ.

Yohanɛsɛ 14:7

Onugɛ nɔ nyi mɛ kɛgbɛagba, nɔ bɔ ti mɛ Aka nɛ tsyɛ. Denɔ ɔtsɔnɛ ɔvɛnɔ, nɔ nyi yɛ klɛ nɔ mɔ yɛ.”

Efesoanɛ 4:13

ɔdɔtɔnɔ kibelɛ gɛ bulɔ petee ba bhɛtɛ terikpo nɛ tɛyɛyɛkɛŋa anɛ Kpaya ye Yianyɛ tɛtiti klɛ tɛ bu ba she, pɛ bu ba mɔ Kristo mɛ zɛza kedzyidzyi nɛna.

2 Petro 3:18

Pɔ nɔ she nɛ kɛdɔkukɔ nɛ̀ kibuititi mɛ nɛ bulɔ Apalete anɛ̀ Ayɛyɛkɛkɔ Yesu Kristo. Kɔ yɛ kɛlɛ nu tɛbhubhui denɔ ɔtsɔnɛ nɛ̀ mabeke! Tɛlɛbɛlɛm.

1 Yohanɛsɛ 1:3

Bu butsre nɔ kɛdɔ nɛ gɛ bu mɔ klɛ bu nu, sɛ tɛ wũnɔ tsyɛ nɔ za terikpo bhɛbhɛtɛmɛ nɛ lɔ. Klɛ bulɔ terikpo bhɛbhɛtɛ nɛ Aka anɛ̀ yɛ Eyianyɛ Yesu Kristo.

2 Timotio 4:6

Alasɛ ba tɛ yɛkɔ mɛ akɔ balɛ ansɛ gɛ ba balɛ bulue si, klɛ mɛ kibe nɛ tɛ na kɔ tɛshɛshɛ.

Yohanɛsɛ 20:28

Toma aɖɔ tsre yɛ asɛ, “Ma Apalete anɛ mɛ Kpaya!”

Yohanɛsɛ 16:3

Ba babhɛtɛ ebuia nɛdi alasɛ beti nyi Aka pɛnɔ mɛ.

1 Yohanɛsɛ 2:19

Ba shɛ nɛ bulɔɛ shi, pɔ ba dɛ nu bulɔ banɔ kɛgbɛagba. Alasɛ onugɛ benu bulɔ banɔ ba ta wɔ bulɔ bha, pɔ balɛ tɛ shɛshɛ̃ nɛ kasɛ sɛ balɛ akanyaka edi nu bulɔ ayɛ.

1 Petro 2:7

Ɔtsɔ̃ nɛ kɔ wɔnɔagɛ ɔyɛkɛŋa, sɛ kɛklãgbui nɛ ŋɛedzi. Pɔ kɔ bagɛ ba dɛ yɛkɛŋa, “kɛklãgbu nɛ gɛ bevudzu na dɛ yɛkɛ kɛ badzi ɔxãkɔɛ kɛklãgbu,”

Galatianɛ 1:16

sɛ tɛ ebu yɛ Eyianyɛ nɛ akasɛ nɛ̀ mɛmɛ sɛ tɛ ɛba ɖɔ yɛ bui nɛ bagɛ be dinu Yuɖanɛ shi, ɛdɛ da bisi anɔnyanɔ nu,

2 Kɔrintioanɛ 4:4

Kanɔanɛ mɛ kpaya nɛ epu aŋuhu kɔ bagɛ badɛ yɛkɛaŋa, so tɛ batɛ mɔ kibui dzyɔgo nɛ futɛtã gɛ kɛnu Kristo kabhaŋɛŋa gɛ alɛ Kpaya tɛzɛzɛmɛ.

1 Kɔrintioanɛ 9:10

Kɛgbɛagba aɖɔ kibui nɛ akɔ lɔ, sɛ aɖɔ? Ee, bulɔ aŋlɔmɛ kibui nɛ akɔ, alasɛ ayadɛ yɛ adɛ buya klɛ agɛ apuɔɛ dɔ apuɔɛ lɛ alasɛ tɛ ba bhɛtɛ lɛ ana nɛ kidzoenudidi sɛ ba ba mɔ balɛ yɛ nɛ kɛdɔ bubu nɛ mɛ.

Yohanɛsɛ 20:13

Be bisi yɛ asɛ, “Adzɛ, kɛdɛso gɛ obiyo?” Aɖɔ sɛ, “Bayɛkɔ mɛ Apalete nɛ ashɛ̃nɔ, klɛ ɛtinyi ɔkɔ nɔ gɛ be de lu yɛ.”

Luka 11:20

Pɔ onugɛ ɛ́kɛka ɛfufɔɛkpã nɛ Kpaya wɔɛ, kɛlɛalɛ Kpaya kusi bu tɛ́ ba kɔ nɔ.

Luka 1:43

Pɔ kɛdeso gɛ tɛpɛplɛnɔ ba kɔ mɛ ana, sɛ mɛ Apalete yɛ eni aba ba mɛ ɔkɔ?

Romanɛ 8:39

buɖɛɖama ɔdɔgɔsɛ budzudzu o, ɔdɔgɔsɛ kɛdɔnyɛdɔɛdi nɛ kanɔa nɛm petee, kɛlɛ ba na lɔ pɔ nɛ Kpaya tɛɖuɖɔ nɛ gɛ kpasɛ Kristo Yesu bulɔ Apalete nɛm kɔ lɔ.

Filipianɛ 1:1

Mɛ Paolo anɛ Timotio, Kristo Yesu baxwɛwa. Kɔ Kpayabanɔ nɛ petee gɛ balɛ Kristo Yesu mɛ nɛ́ Filipi, ɔyɛkɔ plɛnɔ bagɛ be di axwɛ nɛa bha anɛ baxwɛwa:

Filipianɛ 3:12

Gnɛ sɛ ɛtɛ mɔ kɛdɔɛnɛ petee, ɔdɔgɔsɛ ba tɛ bhɛtɛ mɛ mɔmɔ, pɔ itsri liabha fɔɔ̃ sɛ tɛ ɛnyɛna lɛ vunɔ kɔ kana gɛ Kristo Yesu anyɛna mɛ evunɔ.

2 Petro 1:2

Ɛyamyuyɔ anɛ̀ ishuyuyɔ dzi wũnɔɛyɛ nɛ́ tɛkpikpe mɛ ganɔ Kpaya anɛ̀ Yesu bulɔ Apalete kibuititi abha.

2 Petro 1:8

Alasɛ onugɛ ebuianɛ lalɛ wũnɔ ahwɛ nɛ alɛ tɛkpikpe mɛ, la ba nyɛna nɔ evunɔ sɛ no ti bo dzi banɔ gɛ nɔ tɛ bɔ za kibuinyɛbuim klɛ nɔ tɛ bɔ na kɛdɔnyɛdɔ bhɛtɛ nɛ wɔnɔ Apalete Yesu Kristo nɛ tɛtiti mɛ.