Filipianɛ 3:12 - ONUGBÙ NYƐNYÃ VUVƆ

¹² Gnɛ sɛ ɛtɛ mɔ kɛdɔɛnɛ petee, ɔdɔgɔsɛ ba tɛ bhɛtɛ mɛ mɔmɔ, pɔ itsri liabha fɔɔ̃ sɛ tɛ ɛnyɛna lɛ vunɔ kɔ kana gɛ Kristo Yesu anyɛna mɛ evunɔ.

Filipianɛ 3:12 Referans Kwoze

2 Kɔrintioanɛ 7:1

Mɛ ɛbhɛalɛ, Nɛ kibelɛlɛ gɛ atɔnu alɛ bulɔ ahwɛ, mɛ ɔbhɛya lɛ mumɔa, nɔ kɔ lɔ plu bulɔnahwɛshu denɔ kɛdɔnyɛdɔ gɛ kɛba tutru lɔ shuidzya anɛ ɔfufɔɛ, sɛ tɛ bu za amɛ bhubhui mɛ kɔ Kpaya.

Hebriuanɛ 13:21

akɔ nɔ kɛdɔ dzyɔgo nyɛdɔdzyɔgo kɔ yɛ tɛpɛpɛɛ, klɛ tɛ awaɛxwɛ nɛ bulɔ mɛ kɛgɛ ku yɛ awɔ̃, ɔganɔ Yesu Kristo abha, kɔ yɛ ishubhubhui mɛ denɔ mabeke ɔvɛnɔ mabeke mɛ. Tɛlɛbɛlɛmɛ.

Efesoanɛ 1:4

Alasɛ eklu lɔ nɛ yɛ mɛ flogo gɛ babhɛtɛ kanɔ sɛ tɛ bulɔ shu bhui klɛ tɛ buzizi tɛza lɔ shu nɛ yɛ amɛ. Nɛ tɛdɛdɛmɛ mɛ

Filipianɛ 3:16

Nɔ kɔ lɔ za liabha ko kɔ kɛgɛ bu tɛ za tsã.

2 Petro 3:18

Pɔ nɔ she nɛ kɛdɔkukɔ nɛ̀ kibuititi mɛ nɛ bulɔ Apalete anɛ̀ Ayɛyɛkɛkɔ Yesu Kristo. Kɔ yɛ kɛlɛ nu tɛbhubhui denɔ ɔtsɔnɛ nɛ̀ mabeke! Tɛlɛbɛlɛm.

Yakobo 3:2

Bulɔ petee bu kpatanɔ kɛdɔ nɛ edzo geleea bha. Onu gɛ anɔnyanɔ aka bhɛtɛ kito nɛ yɛ kibui nɛ gɛ aɖɔ nɛ mɛɛ, enu anɔ gɛ ana, aba na yɛ ishu nɛ peteea bha di.

Hebriuanɛ 12:14

Nɔ kpɛemi tɛ nɔ za ishuyuyɔɛmɛ nɛ banɔ petee nɛ tɛ wɔnɔ shubhui, ishu bhuibhui mazɛlɛ mɛ anɔnyanɔ atɛ ba mɔ Apalete.

Galatianɛ 5:17

Alasɛ anɔdzyrame tɛzɛzamɛ ebui kpã pɛpɛɛ la lɔ kititi nɛ Ɔfufɔɛ nɛ shu, klɛ Ɔfufɔɛ mɛ yɛ na lɔ kititi nɛ tɛzɛza ebui kpã nɛ shu. La lɔɛtiti nɛ agblɔ shu, so tɛ nɔ tɛ bhɛtɛ kɛgɛ ɔpɛɛ sɛ tɛ ɔbhɛtɛ.

1 Petro 5:10

Klɛ ɛyamyuyɔ petee Kpaya, gɛ eklu nɔ avɛnɔ yɛ mabekemabeke ishubhubhui nɛ́ Kristoe mɛ, nɛ kɛlɛede gɛ nɔ mɔ butɔ nɛ kibe bhliyi mɛ, yɛnahwɛ ebe tsodzi wũnɔ dzu kititi klɛ aba kɔ nɔ gɛganɛ, mɔmɔ klɛ nɔ bɔ dzu ishuesi.

2 Tɛsolonianɛ 2:13

Pɔ alasɛ tɛ kibenyɛbe buhu Kpaya ahwɛ nɛ nɔɛ tɔkpu, badzya gɛ Apalete nɛ aɖɔ, alasɛ denɔ kesikpɛkpɛ Kpaya ekulu nɔ sɛ tɛ be bu nɔ ganɔ Ɔfufɔɛ nɛ kɛxwɛ shu dɛdanɛ nɛ ganɔ kɛgba nɛa bha yɛyɛkɛŋa mɛ.

Efesoanɛ 4:12

tɛ ewũse Kpaya banɔ kɔ kɛxwɔɛ gɛ ba bawa, so tɛ ba bhɔ trɔ Kristo Ishuidzya ebui nɛabha

2 Kɔrintioanɛ 13:9

Same ku lɔ kibenyɛbe gɛ bu botso pɔ wunɔ xũ nɛ nɔ gɛganɛ, klɛ bulɔ kpayakuklu ki nu kɔ wunɔ tɛpɛpɛ̃.

1 Kɔrintioanɛ 13:10

pɔ kibenɔ nɛ gɛ kɛdzyɔgo ba, kizizi nɛ nu ba fla.

1 Tɛsolonianɛ 5:15

No di kɛlɛ ɔkɔ sɛ anɔnyanɔ adɛ buya butsutsɔmɔ kɛbhɛ akɔ butsutsɔmɔ, pɔ nɔ yɛkɔ ɔtrɔ shu tɛ nɔ pɛ̃ ɛyam nɛ ɔhaglɔ anɛ anɔnyanɔɛ di.

1 Timotio 6:19

Ganɔ kidzoe nɛa bha la ba bala kɛdɔ kɔshu ansɛ kesikpɛkpɛ gɛganɛ kɔ kibe nɛ gɛ ba, sɛ tɛ ɛkpã nɛ gɛ nu ɛkpã gbɛagba nɛ ku balɛ ahwɛ.

Axwɛwɛwa 9:15

Pɔ Apalete nɛ etsre Ananiasɛ asɛ, “Vɛ! anya nɛɛ enu mɛ kɛɖaŋudɔ gɛ eklu sɛ tɛ aba yɛkɔ mɛ kinyi nɛ avɛnɔ bagɛ ede nu Yuɖanɛ anɛ balɛ bekusi anɛ Izraɛlanɛ.

1 Timotio 5:10

klɛ be nyi yɛ mɔmɔ nɛ yɛ ebui dzyɔgo shu, ansɛ beyi nyunyunɔ, anɔkɔdidi, butsrukpɔ puplu kɔ banɔnɛna, tɛpɛplɛnɔ kukɔ bagɛ be ku butɔ mɛ klɛ ayɛkɔ yɛ shu akpɛ ebui dzyɔgo kanyaka tɛbhɛbhɛtɛ mɛ.

Hebriuanɛ 12:23

kɔ beyi tɛtɔpu busɔlɛɔha, gɛ balɛ enyi ba ŋlɔmɛ lu owũsise. Nɔ ba Kpaya kɔ, gɛ enu ebhuiklu kɔ banɔ petee, kɔ banɔ dzyɔgo nɛ ɔfufɔɛ gɛ bana,

Mateo 5:48

Nɔ za nɛ tɛnɛna mɛ, ansɛ gɛ wɔnɔ Owũsise Aka nɛ alɛ nɛ tɛnɛna mɛ.

Romanɛ 8:39

buɖɛɖama ɔdɔgɔsɛ budzudzu o, ɔdɔgɔsɛ kɛdɔnyɛdɔɛdi nɛ kanɔa nɛm petee, kɛlɛ ba na lɔ pɔ nɛ Kpaya tɛɖuɖɔ nɛ gɛ kpasɛ Kristo Yesu bulɔ Apalete nɛm kɔ lɔ.

1 Kɔrintioanɛ 9:24

Nɔ ti nyi sɛ nɛ ɛtsrɛmɛ obukɔ banɔ nɛ petee gɛ be be si nɛ ba kpɛsi, pɔ anɔ terikpo ko yɛ aŋa kabha? No bu tɛtsrɛmɛ nɛ kidzo tili lɛabha sɛ tɛ nɔ yɛkɛ kabha ŋɛŋa.

1 Kɔrintioanɛ 13:12

Ɔtsɔ̃nɛ bu mɔ pɔ tɛ mumɔ mabhui mabhui anasɛ azhuzhwɛ̃ mɛ dɔ, kɛlɛede bu ba mɔ amɛ nɛ amɛ. Ɔtsɔ̃nɛ ɛnyi kegunu, nɛ kɛlɛede ɛba ti mɔmɔ, anasɛ gɛ ɛtɛ ti tsyɛ.

Filipianɛ 1:1

Mɛ Paolo anɛ Timotio, Kristo Yesu baxwɛwa. Kɔ Kpayabanɔ nɛ petee gɛ balɛ Kristo Yesu mɛ nɛ́ Filipi, ɔyɛkɔ plɛnɔ bagɛ be di axwɛ nɛa bha anɛ baxwɛwa:

Filipianɛ 3:3

Alasɛ bulɔ nu bunyɛnyɛ bhubhui, bulɔ gɛ nu bunyɛnyɛ bhubhui, bulɔ bagɛ kpɛtɔkpuesi kɔ Kpaya Ɔfufɔɛ, gɛ bu kpasɛ Kristo Yesu ishubhubhui nɛ mɛ, klɛ bulɔ idzyigɛganɛ ama ishuidzya nɛ mɛ—

Filipianɛ 3:8

Kɛ gɛ kɛ kalɛ dɛana, ɛyɛkɔɛ lɛ sɛ kɛdɔnyɛdɔ lɛla ɔyɛkɔsɔnɔ bugbɛgbla nɛ gɛ flɛdzo nɛ makagbla Kristo Yesu gɛ yɛ so pɛ ɛlɛla kɛdɔnyɛdɔ. Idi lɛ sɛ kinu kibo, sɛ tɛ ɛmɔ Kristo