Filipianɛ 3:11 - ONUGBÙ NYƐNYÃ VUVƆ

¹¹ klɛ so, kɛlɛmɛ sɛ, tɛ ɛbamɔ tɛnyɛnyɛmɛ denɔ bekpui mɛ.

Filipianɛ 3:11 Referans Kwoze

Tɛbubukasɛ 20:5

(Betsitsi gɔgɔɛ nɛ be di tsodzi aba ɛkpã mɛ ɔdɔnanɔ kibe lɛ gɛ agɔ akpã nɛ ebeke.) Kɛlɛ nu tɛnyɛnyɛmɛ denɔ bekpu mɛ tutɔpu.

Axwɛwɛwa 26:7

Kɛlɛ nu kidzoenu didi gɛ kɛlɛ bulɔ amadi lɔfɔntɛabha nɛ be po sɛ tɛ la bɛɛlɛm ansɛ gɛ ba kpɛ kɛtɔkpuesi kɔ Kpaya kelim anɛ elishim. O Ekusi, kidzoe nɛe nu gɛ idi nɛ so pɛ Yuɖanɛ na yɛkɔɛ kibui nɛ mɛ.

Axwɛwɛwa 23:6

Ɔkɛlɛ nɛɛ Paolo, gɛ enyi asɛ banɔ nɛ teli benu Sarusianɛ klɛ bagɔgɔɛ nɛ enu Farisianɛ so nɛɛ, akpɛ onugbu klɛ eklu edenɔ Bebhuiklu nɛ mɛ asɛ, “Madzyalɛ mɔ, mɛ nɛ Farisieyi mɛ ɛnu, Farisieyi ya mɔ mɛ. Ili kititi kɔ kebhui kuklu nɛ mɛ alasɛ ɛyɛkɛ ŋa sɛ tɛ lɔlɔ lɛ nɛ butsie de.”

Hebriuanɛ 11:35

Badzɛ bayɛkɛ balɛ betsitsi, gɛ baza ba nyɛmɛ alɛ amɛna kanɔ mɛ. Beteli ba kpalɛ butɔ klɛ ba dɛ dɛmɛ sɛ tɛ ba shɛ̃nahwɛ balɛ shu sɛ tɛ ba bamɔ tɛnyɛnyɛmɛ.

2 Tɛsolonianɛ 2:3

Nɔ tɛ kɔ anɔnyanɔ awɛ nɔ nɛ kidzonyɛdzoa bha, alasɛ kiwi lɛlɛ nɛ tɛ baa ba odi nu sɛ kititilulɔ bɛ lɛ mɛ klɛ be bu anɔ gɛ ama ɔshã kanyaka mɛ nɛ akasɛ, anɔ nɛ gɛ atɛ wɔlɛ eku butsyrɔ mɛ.

1 Tɛsolonianɛ 3:5

Kibui nɛ so, gɛ ɛtɛa na kɛlɛ nu za, ɛkpɛ odu sɛsɛ sɛ tɛ iti kibui denɔ wɔnɔ tɛyɛyɛkɛŋa nɛ shu. Ɛganɔ awɔ̃ sɛ nɛ kidzo tilia bha Satana eti be feke nɔ edi klɛ bulɔ tɛ tɛbhɛbhɛtɛ nɛ tɛa ba za kibuinyɛbui mɛ.

2 Kɔrintioanɛ 11:3

Pɔ isifu sɛ anasɛ gɛ eblidzya bushɛ wuwa wɔɛ Eva, wunɔ tɔkpuimɛ kɛba na tsyina lɛla denɔ wunɔ kɛmumɔ nɛ kɛdzyɔgo kɔ Kristo.

1 Kɔrintioanɛ 9:27

Oo ɛtu mɛ shuidzya klɛ ɛbhɛtɛ lɛ mɛ anɔdzidzi sɛ tɛ nɛ kɛlɛede ɛɖɔ kibui dzyɔgo kɔ ba bhlatɔ, mɛnahwɛ be ti be tsodikpɛ mɛ abha ŋɛŋa mɛ.

1 Kɔrintioanɛ 9:22

Kɔ bagɛ ba gblɔdzɔ ɛba gblɔdzɔ́, sɛ tɛ ibu bagɛ ba gblɔdzɔ. Ɛba dzi kɛdɔ nɛ petee kɔ banɔ nɛ petee sɛ tɛ ganɔ kidzonyɛdzo abha tɛ ɛyɛkɛkɔ be teli.

Romanɛ 11:14

nɛ kidzoenu didi mɛ sɛ ɛba nyɛmɛ mɛnahwɛ manɔalɛ sɛ tɛ kɛ dza awɔ̃ sɛ tɛ ibu balɛ beteli.

Yohanɛsɛ 11:24

Mata ebuilɛnu sɛ, “Inyi sɛ aba tsodzi alɔ nɛ kiwui gugɔɛ nɛabha gɛ banɔ tsitsi petee ba ba nyɛmɛ.”

Luka 14:14

klɛ ba ba yula wɔ. Kɛlɛlɛmɛɛ sɛ ba tɛ ba tsodzi abuya kɛbhɛ akɔ wɔ, wɔɛ bhɛ bubuya lɛ kɔ wɔ nɛ banɔ dzyɔgo tɛlɛlɔɛ wui nɛabha.”

Axwɛwɛwa 27:12

Gɛ kenia bha ɔdzrɔkɔ nɛ ɔmɛtã kɔ bublɔɛbem so nɛɛ, banɔ gele aba trɔ ahwɛ asɛ ba ba vɛ kidzo gɛga nɛa bha, nɛ kidzoenu didi sɛ be be ti ku Foenisia nɛ bublɔ nɛm nɛ ɔkɛlɛ. Ɔkɛlɛ onu kenia bha ɔdzrɔkɔ nɛ Krete, gɛ ɔkɛlɛ obuamɛ ɔkpɛ ozhizhi kɛbɛtɛkpɛm nɛ owuwu kɛbɛtɛkpɛm.

1 Kɔrintioanɛ 15:23

Pɔ anɔnyanɔ nɛ yɛ kibe, Kristo eyuyu tɛtɔpu, kɛlɛede, kibenɔ nɛ gɛ aba ba, aba gbanɔ ba gɛ benu yɛ ayalɛ.

2 Timotio 4:8

Ɔtsɔ̃ nɛɛ tɛzɛzamnɛna kikutu nɛ lɛ kɛdɔ ɔbalakɔ kɔ mɛ, gɛ Apalete, ebhuiklu nɛna, nɛ aba yɛkɔ akɔ mɛ nɛ kiwi lɛ nɛa bha—klɛ ganɛ kɔ mɛ tite, pɔ kɔ banɔ nɛ petee gɛ bee di kidzoenu kɔ yɛ tɛwɛ̃wɛ̃ nɛ tsyɛ.