Filipianɛ 3:10 - ONUGBÙ NYƐNYÃ VUVƆ

¹⁰ Ɛpɛɛ sɛ tɛ iti Kristo anɛ̀ yɛ tɛnyɛnyɛmɛ kemi anɛ ketsukpɛkpɛ nɛ yɛ butɔ nɛm tɛmɛma, idzi ansɛ yɛ nɛ butsi mɛ, anɛ terikpo bhɛbhɛtɛ anɛ yɛ butɔ yɛyɛkɛ, kɛbadzi anasɛ yɛ anɛ́ yɛ butsi mɛ,

Filipianɛ 3:10 Referans Kwoze

Galatianɛ 2:20

Bulɔ anɛ́ Kristo la kplasɔ klɛ ɛva ma nɛ kpã, pɔ Kristo alɛ nɛ ɛkpã nɛ mɛ mɛ. Ɛkpã nɛ gɛ ɛlɛ nɛ ishuidzya mɛ, ɛlɛ nɛ ɛkpã nɛ Kpaya yɛ Eyi tɛyɛyɛkɛŋa abha gɛ adɛmɛ mɛ klɛ ayɛkɔ yɛnahwɛ akɔ nɛ mɛ tɔkpu.

Romanɛ 8:17

Ɔtsɔ̃ nɛɛ, onu gɛ buu nu banuvɔ, klɛa lɛ bu nu beyi gɛ aba ŋa Kpaya ɔzakɔ, Kpaya ɔŋakɔeyi anɛ ɔŋakɔeyi plɛnɔ Kristo, onu gɛ kɛɛ lɛ lɛm sɛ bu plɛnɔ nɛ yɛ batɔ́ nɛ mɛ sɛ tɛ bulɔ tsyɛ ba za yɛ ishu bhuibhui nɛ mɛ plɛnɔ yɛ.

Filipianɛ 3:8

Kɛ gɛ kɛ kalɛ dɛana, ɛyɛkɔɛ lɛ sɛ kɛdɔnyɛdɔ lɛla ɔyɛkɔsɔnɔ bugbɛgbla nɛ gɛ flɛdzo nɛ makagbla Kristo Yesu gɛ yɛ so pɛ ɛlɛla kɛdɔnyɛdɔ. Idi lɛ sɛ kinu kibo, sɛ tɛ ɛmɔ Kristo

1 Yohanɛsɛ 2:3

Bu nyi sɛ bu ba sɛ tɛ bu ti yɛ onugɛ bu bhɛtɛ trɔ yɛ ɛshã nɛabha.

Koloseanɛ 3:1

Nɛ kibelɛlɛ gɛ ba nyɛmɛ wɔ̃nɔ nɛ Kristo, nɔ trɔ wɔnɔ idzyi nɛ atrɔ kabha ebui nɛabha, ɔkɛlɛ Kristo edziesi nɛ Kpaya kɛŋa mɛ

Koloseanɛ 1:24

Ɔtsɔ̃nɛ ɛmɔ same nɛ́ butɔ gɛ ɛtɔ kɔ nɔ, klɛ iti nɛ mɛ ishuidzya mɛ gɛ kɛ ka gbaede kɔ Kristo yɛ butɔ mumɔ kɔ yɛ shudzya, gɛ kɛ nu busɔlɛɔha.

2 Kɔrintioanɛ 1:5

Alasɛ anasɛ gɛ Kristo butɔ nɛ kpɛ ku bulɔ ɛkpã mɛ, kanake ganɔ Kristo abha bulɔ ɛyamyuyɔ yukugbɛgba.

1 Petro 1:3

Kabhakpɛkpɛ kɔ Kpaya anɛ Aka bulɔ Apalete Yesu Kristo! Nɛ yɛ eshutukubuididi gbɛgbla mɛ akɔ lɔ tɛmumɔ vuvɔ akpɛ nɛ ɛkpã kɛdzoenudidi mɛ ganɔ Yesu Kristo tɛnyɛnyɛmɛ denɔ bekpui mɛ,

2 Kɔrintioanɛ 13:4

Tɛ nɔ yɛkɛ lɛabhaŋa, bakplɛasɔ nɛ osi shu nɛ tɛbubotso mɛ, pɔ nɛ Kpaya kemi abha aza nɛkpã.

1 Yohanɛsɛ 2:5

Pɔ onugɛ anɔ teli ata yɛ ebui nɛ atɔ, Kpaya tɛdɛdɛmɛnɔ kɛgbɛagba petee lɛ yɛ mɛ. Kɛnɛ kɛlɛ kɔ sɛ bu nyi sɛ bu lɛ yɛ mɛ:

Yohanɛsɛ 17:3

Ɔtsɔ̃ kɛɛ nɛ kɛlɛ nu ɛkpã mabeke: sɛ tɛ be ti wɔ, kɛgba Kpaya terikpo, anɛ Yesu Kristo, gɛ yɛ wɔ kpɛ.

Romanɛ 8:29

Alasɛ banɔ nɛ gɛ Kpaya enyi putɔnɔ atɛ bhɛtɛ alɛ sɛ tɛ ba za Yɛeyi nɛ tɛzɛzam, sɛ tɛ ebe dzi amumɔtutɔpu nɛ badzya gelee shi.

Tɛbubukasɛ 1:18

Mɛ nu Agɛ alɛ nɛ Ɛkpã, Iti tsi, klɛ no di ɛlɛ nɛ ɛkpã ɔyɛkɔ vɛnɔ! Klɛ ivunɔ butsi anɛ bekpu mɛ kedunuaɖɛ.

Koloseanɛ 2:13

Kibenɔ gɛ nɔ tsi nɛ wɔnɔ ebuizizi mɛ klɛ nɛ́ bunyɛnyɛ mabhuimabhui nɛ́ wɔnɔ ebuizizi bhɛbhɛtɛ, Kpaya abhɛtɛ nɔ lɛ nɛ ɛkpã anɛ̀ Kristo. Yɛ ya yɛkɔ bulɔ ebuizizi petee etsye,

Efesoanɛ 4:13

ɔdɔtɔnɔ kibelɛ gɛ bulɔ petee ba bhɛtɛ terikpo nɛ tɛyɛyɛkɛŋa anɛ Kpaya ye Yianyɛ tɛtiti klɛ tɛ bu ba she, pɛ bu ba mɔ Kristo mɛ zɛza kedzyidzyi nɛna.

2 Kɔrintioanɛ 1:10

Ebhui lɔ ayɛkɛ denɔ butsi tsutsɔmɔ nɛ di mɛ, klɛ aza be bhui lɔ ayɛkɛ. Nɛ yɛ abha bu yɛ kɔ bulɔɛ dzoenudidi nɛ trɔ sɛ aba za lɛabha aza be bhui lɔ ayɛkɛ,

Yohanɛsɛ 10:18

Anɔnyanɔ adɛ yɛkɛ ɛkpã nɛ mahwɛ, pɔ mɛ nahwɛ mɛ dɛmɛ ashɛ̃nahwɛ lɛ shu. Kabhaŋɛŋa lɛ mahwɛ sɛ tɛ ɛshɛnahwɛ ɛlɛ shu klɛ kabhaŋɛŋa lɛ sɛ tɛ ɛtsodzi yɛ kɔɛ lɛ. Ɔshãa nɛ mɛ yɛkɛ denɔ mɛ Aka nɔ kɔ.”

Mateo 20:23

Yesu etsre alɛ asɛ, “Nɔ bɔ na kantse nu wɛ̃ kɛgba, pɔ mɛ kɛŋa mɛ anɛ kɛbɛtɛkpɛ mɛ zɛza ganɛ mɛ ba kɔ kɛlɛ. Ɛzakɔɛ lɛ nɛ lɛ kɔ bagɛ mɛ Aka abala elu kɔ ɔklɛ.”

Romanɛ 8:36

Ansɛ gɛ ba ŋlɔmɛ elu asɛ: “Akpɛ wɔnɔ so bu dzu amɛ nɛ butsi nɛ ewia nɛ mɛ nyɔ̃ɔ; ba mɔ bulɔ ansɛ ibhoshi gɛ lɛ kɔ tɛbhubhui.”

Galatianɛ 6:17

Gugɔɛ, anɔnyanɔ atɛ kpɛ mɛ butɔ, alasɛ kibi nɛ gɛ kɛlɛ mɛ shu kɛ nu Yesu yɛ.

2 Petro 1:13

Kɛ bamɛ tɔkpuimɛ gbɛagba sɛ ɛdanɛ nɔ kɛtɔkpu mɛ anasɛ gɛ ɛka lɛ nɛ ɛkpã nɛ́ ishuidzya kagba nɛ mɛ,