Filipianɛ 2:6 - ONUGBÙ NYƐNYÃ VUVƆ

⁶ Ane, gɛ yɛ tɛzɛza mɛ nu Kpaya, adɛ di ishu yɛyɛkɔ sɔnɔ Kpaya ki nu kɛdɔ gɛ be be vu,

Filipianɛ 2:6 Referans Kwoze

Yohanɛsɛ 5:18

Kibui nɛ so gɛ Yuɖanɛ ba pɛɛ kidzo gɛganɛ dɛ sɛ tɛ be yi yɛ, anɛ gɛ ata Tɛmumoene ɔshã nɛesi so, pɔ tsyɛ eze ke klu Kpaya sɛ yɛ nahwɛ yɛ Aka, klɛ abhɛtɛ shu asɔnɔ Kpaya.

2 Kɔrintioanɛ 4:4

Kanɔanɛ mɛ kpaya nɛ epu aŋuhu kɔ bagɛ badɛ yɛkɛaŋa, so tɛ batɛ mɔ kibui dzyɔgo nɛ futɛtã gɛ kɛnu Kristo kabhaŋɛŋa gɛ alɛ Kpaya tɛzɛzɛmɛ.

Hebriuanɛ 1:3

Eyi yɛ nu kɛfutɛtã kɔ Kpaya otugbavɛvɛ klɛ ayɛkɔ Kpaya tɛzɛzɛmɛ, abhɛtɛ kɛdɔnyɛdɔ nɛ yɛ bupu kibui ɖuɖɔɛ mɛ. Gɛ akɔ ebuizizi tipuplu beke, ada za Ɔgbɛgblakɔ kɛŋamɛ nɛ owũsise.

Yohanɛsɛ 17:5

Klɛ ɔtsɔ̃ nɛ̃ nɛɛ, Aka, kpɛ mɛ nɛa bha nɛ wɔ ɔzakɔ anɛ kabhakpɛkpɛ nɛ ga za mɛ ahwɛ plɛnɔ wɔ flogo pɛ kanɔ na kakpɛe si.

Tɛbubukasɛ 21:6

Aɖɔ etsrem asɛ: “Kɛ tɛ bhɛtɛ beke. Mɛ nu Alfa anɛ Omega, Kesikpɛkpɛ anɛ Obekekɔ. Aanɔ nɛ gɛ oniwɛ̃ ɔɔta yɛ ɛba kɔ yɛ awɛ̃ buni edenɔ ɛkpãni nɛ gɛ de tisi mɛ kɛbhɛ mabuya mabuya.

Yohanɛsɛ 10:30

Mɛ nɛ Aka bunu anɔ terikpo.”

Hebriuanɛ 13:8

Yesu Kristo terikpo alɛ nɛ ko enu kivu gɛ ba fla anɛ kibenyɛbe.

Yohanɛsɛ 10:33

Yuɖanɛ ba ɖɔ sɛ, “Bu tɛ hu wɔ aklãgbu nɛ ebuanɛ shu,” “pɔ wɔ ebuisobui so alasɛ anɔ ko wɔ nu, ɔbhɛtɛ ishu anasɛ Kpaya.”

Romanɛ 9:5

Balɛ yɛ kɛlɛ nu banɔshishe, klɛ denɔ balɛ mɛ Kristo ansɛ anɔdzyrame ana la ba mɔ yɛ bakakuku, gɛ enu Kpaya kɔ anɔnyanɔ, gɛ ba kpɛ nɛa bha! Tɛ kɛbɛlɛm.

1 Timotio 3:16

Nɛ ebui bibisi nɛ petee de, kpayamzɛza kibuikpukpu nɛ kitri: Awɛ̃ nɛ ishuidzya mɛ, Ɔfufɔɛ nɛ obu yɛ butsya, kpayaxwɛdɛ nɛ ba mɔɛ, ba ɖɔ yɛ bui nɛ amadi nɛ mɛ, ba yɛkɛ yɛa bha ŋa nɛ kanɔ nɛ mɛ, ba feke yɛ ashɛnɔ nɛ ishubhubhui mɛ.

Yohanɛsɛ 20:28

Toma aɖɔ tsre yɛ asɛ, “Ma Apalete anɛ mɛ Kpaya!”

Yohanɛsɛ 10:38

Pɔ onugɛ ɛbhɛtɛ lɛ, tsyɛ kɛlɛmɛ nɔ dɛ yɛkɛ mɛabhaŋa, nɔ yɛkɛ ebuiyinɔanɔ nɛabhaŋa, sɛ tɛ nɔ bɔ ti tɛ nɔ nu kilɛesi sɛ Aka na lɛ mɛ mɛ klɛ mɛ lɛ Aka nɛ mɛ.”

Hebriuanɛ 1:6

Klɛ ɔyɛkɔ plɛnɔ, gɛ Kpaya amɛna yɛyi tɛtɔpu nɛ kanɔ nɛ mɛ, aɖɔ sɛ, “Nɔ kɔ Kpaya baxwɛdɛ petee ba dɛ axwɛ kɔ yɛ.”

Titusɛ 2:13

nɛ kibe lɛ gɛ bu dzi zi po kidzoenudidi yuyula, nɛ bulɔ Kpaya gbla anɛ Yesu Kristo Agɛ ayɛkɛ kɔ lɔ, nɛ tɛwɛwɛ̃,

Mateo 1:23

“Kebite nɛ kebe munɔ ɛya klɛ ka ba mɔ eyianyɛ, klɛ le be kulu yɛ asɛ Yimanuɛlɛ” gɛ kɛlɛesi nu sɛ, “Kpaya alɛ plɛnɔ lɔ.”

Yohanɛsɛ 14:9

Yesu ebuilɛnu asɛ, “Oti nyi mɛ, Filipo, kibe dzidze nɛ gɛ ɛlɛ wunɔ ɔbhɛa tsye? Anɔnyanɔ gɛ amɔ mɛ amɔ Aka. Kide so gɛ ɔbɔ ɖɔ sɛ, ‘Kasɛ lɔ Aka’?

Hebriuanɛ 1:8

Pɔ denɔ yɛ Yi nɛ shu aɖɔ sɛ, “Wɔ bukusiɔŋakɔ, O Kpaya, bu ba za mabeke nɛ mabeke, klɛ kɛdzyɔgo bhɛbhɛtɛ ba dzi osivuvu nɛ wɔ bukusiɔŋakɔ.

Yohanɛsɛ 5:23

sɛ tɛ balɛ petee bakpɛ Eyianyɛ nɛ tɔkpu nɛabha anasɛ gɛ ba kpɛ Aka nɛ tɔkpu nɛabha. Anɔ nɛ gɛ adɛ kpɛ Eyianyɛ nɛ tɔkpu nɛabha, adɛ kpɛ Aka nɛ gɛ akpɛ yɛ kɛtɔkpu nɛabha.

Yohanɛsɛ 14:28

“Nɔ nu gɛ ɛɖɔ sɛ, ‘Ikoeyi ɛshɛ̃ klɛ itsodzi ɛba wunɔ bha.’ Onugɛ nɔ dɛmɛnɔ nɛ mɛ, samɛ ebe ku nɔ sɛ ɛvɛ Aka nɛ ɔbha, alasɛ Aka nɛ eze nu agbɛgbladɛ mɛ.

Yohanɛsɛ 1:18

Anɔnyanɔ aka mɔ Kpaya edi, pɔ Kpaya Eyi nɛ̀ Terikpo, gɛ alɛ Aka nɛ wã, ye abhɛtɛ sɛ bu ti yɛ.

1 Timotio 1:17

Ɔtsɔ̃, kɔ ɔfufɔɛ mɛ Ekusi, gɛ eti tsi, gɛ ataa wɛ̃, yɛ ko yɛ enu Kpaya, gɛ kabhakpɛkpɛ nɛ ishubhubhui lɛ kɔ ɔyɛkɔ vɛnɔ mabeke mabeke mɛ. Tɛlɛbɛlɛm.

2 Kɔrintioanɛ 8:9

Alasɛ nɔ nyi bulɔ Apalete Yesu Kristo kɛdɔkukɔ, sɛ nɛlɛmɛ aba mɔ ehueyi, pɔ nɛ bulɔɛ tɔkpu ebe dzi kitsyutsyuikpɛ̃, so tɛ ganɔ yɛ butsyutsyuikpɛ̃ mɛ nɔ bɔ dzi ehueyilete.