Filipianɛ 2:12 - ONUGBÙ NYƐNYÃ VUVƆ

¹² Kɛlɛso, mɛ ɛbhɛalɛ mumɔanɛ, anasɛ gɛ nɔɔ taatɔ kɛbenyɛbe— ganɛ nɛ mamɛ tite ko, pɔ gelee ɔdɛ nɛ mɛede ɔtsɔ̃ nɛ—nɔ za kɛlɛabha ozo tsyina ahwɛ nɛ wɔnɔ tɛbubu nɛ shu anɛ kifu nɛ tɛshushuku mɛ,

Filipianɛ 2:12 Referans Kwoze

1 Kɔrintioanɛ 15:58

Kɛlɛso, mɛ badzya mumɔa, nɔ za nɛ awɔ̃ gɛganɛ. Nɔ tɛkɔ kɛdɛnyɛdɔ ge nɔ. Kibenyɛbe nɔ yɛkɔ wunɔ ishu kɔ bui bhɛbhɛtɛ kɔ Apalete nɛ kɛxwɛ, alasɛ nɔ nyi sɛ wɔnɔ kɛxwɛwɛwa anɛ́ Apalete nɛ mɛ kɛtɛ ba dzi kɛkpɛkpa.

Hebriuanɛ 4:11

Kɛlɛso, nɔ kɔ lɔ kpɛemi gɛganɛ tɛ butsoku bumone lɛlɛ mɛ, sɛ tɛ anɔnyanɔ atɛ ba wɔlɛ nɛ bagɛ bata tatɔ nɛede zɛza ebui bhɛbhɛtɛ shu.

1 Petro 2:11

Ɛbhɛya mumɔa, ɛpɛɛ denɔ wũnɔ kɔ anasɛ befu nɛ ɛma bhlatɔɛ mɛ elete nɛ kanɔ nɛ mɛ, tɛ nɔ zukɔlɔ ebuikpã bhɛbhɛtɛ, gɛ la ta keyu nɛ wɔnɔ atɔwui.

Mateo 11:29

Nɔ yɛkɔ mɛ ɔkpakasi nɛ ɔtrɔ shu tɛ nɔ kpasɛ kɛdɔ denɔ mɛ ɔkɔ, alasɛ ɛyɔ klɛ mɛ dɔfɔ̃ɔ nɛ idzyi mɛ, klɛ nɔ bɔ mɔ omuenekɔ kɔ wɔnɔ atɔwi.

Filipianɛ 1:27

Kibuinyɛbui gɛ kɛ baa, nɔ nyɛna wɔnɔ shu nɛ Kristo kibui dzyɔgo nɛ tɛzɛzam. Kɛlɛede, kɛba dzi sɛ ɛba pɛ ɛba mɔ nɔ ɔdɔgɔsɛ ɛba nu wɔnɔɛ dɔ nɛ mɛede, eba ti sɛ nɔ lɛ gɛganɛ nɛ ɔfufɔɛ torikpo mɛ, ɔwlãnkɛ ansɛ anɔ terikpo kɔ kibui dzyɔgo nɛabha yɛyɛkɛŋa

2 Petro 3:18

Pɔ nɔ she nɛ kɛdɔkukɔ nɛ̀ kibuititi mɛ nɛ bulɔ Apalete anɛ̀ Ayɛyɛkɛkɔ Yesu Kristo. Kɔ yɛ kɛlɛ nu tɛbhubhui denɔ ɔtsɔnɛ nɛ̀ mabeke! Tɛlɛbɛlɛm.

Hebriuanɛ 5:9

klɛ ba za bhɛtɛ yɛ mɔmɔ, ebe dzi anɔ gɛ yɛabha ba ga gɛ ba mɔ tɛbhubhuiɔyɛkɛ mabeke mabeke kɔ balɛ petee gɛ ba ta yɛ atɔ

2 Timotio 2:10

Kɛlɛ so ɛdzrɔ nɛ kibuinyɛbui nu nɛ agɛ be kulu nɛ tɔkpu, sɛ tɛ balɛ tsyɛ ba mɔ tɛbubu nɛ gɛ kpasɛ Kristo Yesu mɛ, ɔplɛnɔ ɔfufɔɛ mɛ ishubhubhui.

Hebriuanɛ 4:1

Kɛlɛso, kidzodidi gɛ akɔ lɔ sɛ tsoku yɛ bumoene mɛ, nɛ ka lɛ, nɔ kɔ lɔ luawɔ̃ mɔmɔ sɛ bulɔ mayɛ kanyaka atɛ da wɔɛ dzo.

Hebriuanɛ 12:1

Kɛlɛso, bebuimɔɖɔ gɛ la kana lɔ anasɛ ɔmunɔ gelee, nɔ kɔ lɔ bu ebui tsyɛtsyanɔ kanyãka anɛ ezizi gɛ la nyɛna lɔ nɛ tɛ̃, klɛ nɔ kɔ lɔ yɛkɔ amɛgɛganɛ kpanisi tɛ lɔ bu tisisi gɛ kɛlɛ kɔlɔ.

Filipianɛ 4:1

Kɛlɛso, madzyalɛ mɔ, wɔnɔ bagɛ ɛdɛmɛnɛnɔ klɛ ɛpɛɛ sɛ tɛ ɛmɔ nɔ, mɛ same anɛ ekusikutu, mɛ ɛbhɛyalɛ mɔ kana kɛlɛ sɛ nɔ za gɛganɛ nɛ́ Apalete nɛ mɛ.

Romanɛ 2:7

Banɔ nɛ gɛ ganɔ tɛyɛyɛkɔ trɔshu nɛ kɛdzyɔgo bhɛbhɛtɛ mɛ pɛ ba pɛɛ ishubhubhui, kabha kpɛkpɛ anɛ ɛkpãzɛza, aba kɔ ɛkpã mabeke mabeke.

1 Tɛsolonianɛ 1:3

Bu lɛ kɛlɛa bha baka nɔ nɛ bulɔ Kpaya anɛ Aka nɛ amɛ wɔnɔ kɛxwɛwɛwa nɛ gɛ tɛyɛyɛkɛŋa bhɛtɛ, wɔnɔ kɛxwɛwɛwa nɛ gɛ tɛɖuɖɔ mɛna, anɛ wɔnɔ kanyɛtsitsi nɛ gɛ ka ba denɔ kidzoenudidi mɛ anɛ bulɔ Apalete Yesu Kristo mɛ.

Filipianɛ 1:29

Alasɛ ba tɛ trɔ ahwɛ nɛ lɛabha kɔ nɔ nɛ Kristoe nyi mɛ ganɛ sɛ tɛ nɔ yɛkɛ yɛabhaŋa tite ko pɔ tɛ nɔ mɔ butɔ nɛ yɛ tɔkpu,

2 Kɔrintioanɛ 7:15

Klɛ yɛ tɛdɛdɛmɛnɔ kɛlɛ petee ba tridɛ kibelɛlɛ gɛ abaka sɛ wunɔ petee nɔ dzi batɔ tɛta elete, nɔ yɛkɛ yɛ nɛ kifusisi anɛ tɛshushuku.

1 Kɔrintioanɛ 2:3

Ɛba nɔ kɔ nɛ butɔ anɛ kifu, anɛ tɛshushuku gelee.

Efesoanɛ 6:5

Banɔdzidzi, nɔ tatɔ nɛ wunɔ kesukpɛabha bapalete anɛ̀ kɛtɔkpuesi kpɛkpɛ anɛ kifu, anɛ idzyimɛ gbɛagba bui, anasɛ gɛ ɔbɔ ta tɔ nɛ Kristo.

Mateo 11:12

Denɔ Yohanɛsɛ Enikpɛ nɛ kibe ɔbɔ nanɔ ɔtsɔ̃ nɛɛ, owũsise bukusiɔŋakɔ nɛ yɛkɔ amɛgɛganɛ vɛ otugba, klɛ banɔ amɛgɛganɛ ba nyɛna bulɛ evunɔ.

Filipianɛ 1:5

alasɛ nɛ wɔnɔ terikpo bhɛbhɛtɛ anɛ kibui dzyɔgo denɔ kiwui tɛtɔpu ɔbɔ nanɔ ɔtsɔ̃,

Axwɛwɛwa 9:6

“Ɔtsɔ̃ nɛɛ lɔ tɛ ɔvɛ ɔmagbla nɛm, klɛ be be tsre wɔ kɛdɔnɔ nɛ gɛ alasɛ tɛ ɔbhɛtɛ.”

Filipianɛ 2:19

Idi kidzoenu nɛ Apalete Yesu mɛ sɛ tɛ ɛsɛsɛ nɔ Timotio zia, sɛ tɛ kɛ kpɛ mɛ same onu gɛ inu kibui denɔ wɔnɔ shu.

1 Kɔrintioanɛ 4:14

Ɛtɛɛ ŋlɔmɛ kɛ dɔɛnɛ tɛ ɛyɛkɔ kpɛ nɔɛwɔɛ nɔ, pɔ tɛ ɛyɛkɔ tsrenɛ nɔ anasɛ me yialɛ.

Filipianɛ 4:15

Ɔyɛkɔdɛana, anasɛ wunɔ Filipianɛ nɔ nyi, nɛ ewui tɛtɔpu nɛ mɛ gɛ nɔ ti kibui dzyɔgo, gɛ ɛshɛ nɛ Makedonia, busɔlɛha torikpo tsyɛ dɛ bhɛtɛ kɛdɔkukɔ nɛ kɛdɔyɛyɛkɔ nɛ kibui nɛ mɛ ɔyɛkɔ dɛ wɔ ko,

Axwɛwɛwa 16:29

Agɛ akpɛa lɛ buvu nɛ kulu asɛ ba kɔ yɛ kifu, klɛ esi ede tu klɛ ada wɔlɛ adɔ nɛ Paolo anɛ Silas otugba nɛ tɛ shushuku gbagbagbam.

Filipianɛ 1:6

idzyigɛganɛ alɛ mɛ ahwɛ sɛ, agɛ yakpɛ kɛxwɛ dzyɔgoe nɛesi nɛ wɔnɔ mɛ aba vɛ kɛlɛa bha ɔdɔtɔnɔ kɛlɛ obekekɔ nɛ Kristo Yesu kiwi nɛabha.