Filipianɛ 2:11 - ONUGBÙ NYƐNYÃ VUVƆ

¹¹ klɛ kɛnɛkɛ kanyaka bu ɖɔ sɛ Yesu Kristo enu Apalete, kɔ Aka Kpaya ishubhubhui.

Filipianɛ 2:11 Referans Kwoze

1 Yohanɛsɛ 4:15

Onugɛ anɔ teli adɛmɛ atrɔ sɛ Yesu enu Kpaya yɛ Yi, Kpaya alɛ yɛ mɛ klɛ alɛ Kpaya mɛ.

Romanɛ 14:11

Ba ŋlɔmɛ elu asɛ: Apalete nɛ asɛ, “ ‘Anasɛ gɛ kɛ lɛ kɛlɛ mɛ sɛ ɛlɛ nɛ ɛkpã,’ ‘kikuisi kanyaka ba zhikpla nɛ mɛ amɛ; kɛnɛkɛ kanyaka ba danɛ ishum kɔ Kpaya.’ ”

Yohanɛsɛ 13:13

“No klu mɛ sɛ, ‘Adɔkasɛ’ anɛ ‘Apalete,’ klɛ kana kɛ lɛ, alasɛ kɛlɛ nu agɛ mɛ nu.

1 Yohanɛsɛ 4:2

Kɛnɛ kɛlɛ ba kɔ nɔ mɔ sɛ Kpaya Ɔfufɔɛ lo nu: Ɔfufɔɛ kanyaka gɛ lɔ dɛmɛ ɔtrɔ sɛ Yesu Kristo aba nɛ Anɔdzyrame tɛzɛzamɛ lɔ de Kpaya ɔkɔ,

Romanɛ 14:9

Nɛ kibui nɛ shu so, Kristo etsi klɛ etsodzi aba ɛkpãm sɛ tɛ ebe dzi Apalete kɔ be tsitsi nɛ belulu.

1 Kɔrintioanɛ 12:3

Kɛlɛ so itsre nɔ sɛ anɔnyanɔ ama gɛ aɖɔaɖɔ ganɔ Kpaya Ɔfufɔɛ abha gɛ aba ɖɔ asɛ, “ba ɖɔɛ bui akpɛ Yesu” klɛ anɔnyanɔ atɛ ba na ɖɔ sɛ, “Yesu enu Apalete, gɛ odu nu sɛ ganɔ Ɔfufɔɛ nɛa bha.”

Yohanɛsɛ 14:13

Klɛ ɛba bhɛtɛ kɛdɔnyɛdɔ gɛ nɔ bisi nɛ mɛ nyi mɛ, sɛ tɛ Eyi amɛna kabhakpɛkpɛ kɔ Aka.

1 Petro 1:21

Ganɔ yɛabha nɔ yɛ kɛ Kpaya abhaŋa, agɛ anyɛmɛ yɛ edenɔ bekpui mɛ klɛ akpɛ yɛ nyi nɛabha klɛ so wũnɔ tɛyɛyɛkɛŋa nɛ yɛ kidzo abha didi lɛ Kpaya mɛ.

1 Kɔrintioanɛ 8:6

pɔ kɔ bulɔ Kpaya terikpo, Aka, gɛ yɛ ɔkɔ kɛdɔnyɛdɔ de klɛ yɛ akɔ lɔ lɛ nɛ ɛkpã, klɛ pɔ Apalete terikpo, Yesu Kristo, ganɔ yɛabha kɛdɔ nɛ petee ba klɛ nɛ yɛ abha bu lɛ nɛ kpã.

Tɛbubukasɛ 3:5

Agɛ ya ŋɛabha, ansɛ balɛ, aba za kɛdɔ fufu mɛ. Ɛtɛ ba tsru yɛ kinyi nɛ bu nɛ ɛkpã keplukpa nɛ mɛ, pɔ ɛba kulu yɛ kinyi nɛ mɛ Aka anɛ yɛ baxwɛdɛ nɛ amɛ.

Mateo 10:32

“Anɔnyanɔ gɛ aabaka mɛ bui nɛ banɔdzyrame amɛ, mɛ tsyɛ ba baka yɛ bui nɛ Maka nɛ gɛ alɛ owũsise nɛ amɛ.

Axwɛwɛwa 10:36

Sɛ no nyi igbe nɛ gɛ Kpaya asɛsɛ Izraɛlanɛ, gɛ ba ɖɔ ishuyuyɔ kibui dzyɔgo nɛ aganɔ Yesu Kristoa bha, gɛ enu Apalete nɛ akɔ anɔnyanɔ.

Axwɛwɛwa 2:36

“Kɛlɛso kɔ Izraɛl petee aza kidzoenu didi mɛ sɛ, Kpaya atɛ bhɛtɛ Yesua nɛ, gɛ nɔ kplasɔ, nɛ Apalete anɛ Kristo.”

Yohanɛsɛ 9:22

Yɛ ni nɛ ye aka ba ɖɔana alasɛ be sifu nɛ Yuɖanɛ, alasɛ Yuɖanɛ ba tɛ nya lu asɛ anɔnyanɔ gɛ aba dɛmɛ atrɔ sɛ Yesu enu Kristo ba be bui yɛ nɛ oxogokɔvu nɛ mɛ.

Yohanɛsɛ 5:23

sɛ tɛ balɛ petee bakpɛ Eyianyɛ nɛ tɔkpu nɛabha anasɛ gɛ ba kpɛ Aka nɛ tɔkpu nɛabha. Anɔ nɛ gɛ adɛ kpɛ Eyianyɛ nɛ tɔkpu nɛabha, adɛ kpɛ Aka nɛ gɛ akpɛ yɛ kɛtɔkpu nɛabha.

2 Yohanɛsɛ 1:7

Banɔ awuwɔɛ gelee, gɛ ba dɛdɛmɛ atrɔ Yesu Kristo anasɛ gɛ aba nɛ ishuidzya mɛ, ba tɛ koeyi ɛtsoku kanɔ nɛ mɛ. Anɔ alɛ nɛdi enu agɛ awɔɛ anɔ anɛ̀ otrokristo.

1 Kɔrintioanɛ 15:47

Anɔ tɛtɔpu kesukpaɛ tisi kɛlɛ ba yɛkɔ abhɔ yɛ nɔ, anɔ bhla ede owũsise.

Romanɛ 15:9

sɛ tɛ bagɛ ba dɛ yɛkɛaŋa nɛ ba danɛ Kpaya shu kɔ yɛ eshutukubui didi, ansɛ gɛ ba ŋlɔmɛ elu asɛ: “Klɛso ɛba kpɛ wɔ nɛa bha anɛ bagɛ ba dɛ yɛkɛaŋa nɛ shi; ɛba zha kabhakpɛkpɛ ɛdzɛ kɔ wɔ kinyi.”

Yohanɛsɛ 20:28

Toma aɖɔ tsre yɛ asɛ, “Ma Apalete anɛ mɛ Kpaya!”

Yohanɛsɛ 17:1

Gɛ Yesu aɖɔ kibui nɛ beke, ebu amɛ akpɛ owũsise klɛ eklukpaya: “Aka, kɛbe nɛ na. Kpɛ Wɔ Eyi nɛa bha, sɛ tɛ wɔ Eyi tsyɛ akpɛ wɔ nɛa bha.

Yohanɛsɛ 12:42

Nɛ kibe lɛlɛ mɛ be gelee tsyɛ nɛ bagbɛgbanɔ nɛ mɛ ba yɛkɛ yɛ abhaŋa. Pɔ alasɛ Farisianɛ nɛ so ba dɛ bu ba lɛ tɛyɛyɛkɛŋa na kasɛ, alasɛ bɛ sifu sɛ ba be bu alɛ nɛ oxogokɔvu nɛ mɛ,

Luka 2:11

Obo nɛ Daviti ɔma nɛ mɛ bamɔ Ayɛyɛkɛkɔ kɔ nɔ, yɛ nu Kristo Apalete.

Yohanɛsɛ 14:23

Yesu ebuilɛnu asɛ, “Onugɛ anɔ teli adɛmɛnɔ nɛ mɛ, aba bhɛtɛ atrɔ mɛ kɛdɔkɛkasɛ nɛabha. Mɛ Aka aba dɛmɛnɔ nɛ yɛ, klɛ bu ba ba yɛ ɔkɔ klɛ bu ba yɛ kɔ ɔkɛlɛ bhɛtɛ bulɔ kepi.

Yohanɛsɛ 13:14

Ɔtsɔnɛ gɛ mɛ, wunɔ Apalete anɛ̀ Adɔkasɛ, ipulu nɔ butsurukpɔ, wunɔ tsyɛ nɔ plu wunɔ haglɔ butsrɛkpɔ.