Filipianɛ 1:9 - ONUGBÙ NYƐNYÃ VUVƆ

⁹ Klɛ kɛnɛ kɛlɛ nu mɛ kpayakuklu: sɛ wɔnɔ tɛɖuɖɔ nɛ yuku gbɛgba tsodzini gbɛgba anɛ́ kɛbuititi anɛ̀ ishumdzudzu vɛvɛ,

Filipianɛ 1:9 Referans Kwoze

1 Tɛsolonianɛ 3:12

Kɔ Apalete nɛ abhɛtɛ wɔnɔ tɛɖuɖɔ tɛ lɛ vɛa bha tɛ ki yuku gbɛgba kɔ wɔnɔmayɛ kanyaka nɛ kɔ anɔnyanɔ tsyɛ, ansɛ gɛ bulɔayɛ nɛ abhɛtɛ kɔ nɔ.

Koloseanɛ 1:9

Kibui nɛ so, denɔ kiwuili gɛ bu nu wɔɛ dɔ, bu ka zukɔlɔ kpayaklu nɛ́ wɔɛ tɔkpu sɛ Kpaya ebe yuku wɔ nɛ yɛ tɛpɛpɛɛ ganɔ ɔfufɔɛ mɛ kibuinyinyi anɛ kibuiesi nunu.

Filimɔnɛ 1:6

Ikulu kpaya sɛ tɛ ɔza kɛxwɛwɛwa mɛ nɛ wɔ tɛyɛyɛkɛŋa anɛ ketsukpɛkpɛ, sɛ tɛ kibuiesi nunu nɛna za wɔ ahwɛ kɔ kibui dzyɔgo kanyaka di gɛ lɛ bulɔ ahwɛ nɛ Kristo mɛ.

Koloseanɛ 3:10

klɛ nɔ kpɛ bu vuvɔ pi, gɛ nɔ tsrakɛ nɛ kibuititi mɛ nɛ Adɔbhɛtɛ nɛ tɛ zɛza mɛ.

1 Petro 1:22

Ɔtsɔnɛ gɛ nɔ tɛ plu shu ɔganɔ batɔ tɛta kɔ kibui gbɛagba sɛ tɛ nɔ yɛkɛ tɛdɛdɛmɛnɔ mumɔ kɔ wũnɔ adzyalɛ, tɛdɛdɛmɛnɔ nɛ ɔhaglɔ globoo, denɔ idzyi nɛ mɛ.

2 Kɔrintioanɛ 8:7

Pɔ anasɛ gɛ buna nɛ kɛkanyaka mɛ—nɛ tɛyɛyɛkɛŋa mɛ, nɛ kaɖɔɖuɖɔ mɛ, nɛ kibuititi mɛ, nɛ kemi gbɛagba kpɛkpɛmɛ anɛ̀ wunɔ tɛdɛdɛmɛ nɛ lɔ—nɔ di sɛ wunɔnɔ tsyɛ nɔ na nɛ kɛdɔkukɔɛ nɛ mɛ kɔ kɛkukɔ.

1 Kɔrintioanɛ 14:20

Badzya mɔ, nɔ zukɔlɔ ebui bhɛtɛ anasɛ banuvɔ. Nɔ dzi anuvɔ nɛ ebui zizi bhɛbhɛtɛ mɛ, pɔ nɛ wunɔ kibuesi nunu nɔ dzi banɔ shishe.

2 Tɛsolonianɛ 1:3

Alasɛ kibenyɛbe tɛ bu zɛ hu Kpaya ahwɛ nɛ wɔnɔɛ tɔkpu, badzya mɔ, klɛ kana kɛ lɛ, alasɛ wɔnɔ tɛyɛyɛkɛŋa nɛ kii she trɔ, klɛ tɛɖuɖɔ nɛ gɛ lɛ anɔnyanɔa hwɛ kɔ yɛɔhayɛ nɛɛ she trɔ.

2 Petro 3:18

Pɔ nɔ she nɛ kɛdɔkukɔ nɛ̀ kibuititi mɛ nɛ bulɔ Apalete anɛ̀ Ayɛyɛkɛkɔ Yesu Kristo. Kɔ yɛ kɛlɛ nu tɛbhubhui denɔ ɔtsɔnɛ nɛ̀ mabeke! Tɛlɛbɛlɛm.

Hebriuanɛ 5:14

Pɔ kɛŋɛŋa gɛganɛ lɛ kɔ beshishe, nɛ kɛlɛ tɛyɛŋa mɛ babhɛtɛ shu asɛ tɛ be ti ɔtɔgɛga nɛ kɛdyɔgo nɛ kizizi.

Efesoanɛ 5:17

Kɛlɛso nɔ tɔ dɔ gã, pɔ nɔ nu kibui nɛesi gɛ Apalete tɛpɛpɛɛ nɛ lɛ.

1 Tɛsolonianɛ 4:1

Gɔgɔɛ nɛɛ, badzya mɔ, bu kasɛ nɔ kana gɛ nɔ bɔ za sɛ tɛ no ku Kpaya awɔ̃, ansɛ gɛ nɔ lɛ nɛ kɛgbɛagba mɛ. Ɔtsɔ̃ nɛɛ bu bisi denɔ nɔ kɔ klɛ bu tsre nɔ nɛ Apalete Yesu mɛ sɛ nɔ bhɛtɛ ana otsodzini ɔzɔ bhɛtɛ.