Filipianɛ 1:5 - ONUGBÙ NYƐNYÃ VUVƆ

⁵ alasɛ nɛ wɔnɔ terikpo bhɛbhɛtɛ anɛ kibui dzyɔgo denɔ kiwui tɛtɔpu ɔbɔ nanɔ ɔtsɔ̃,

Filipianɛ 1:5 Referans Kwoze

Hebriuanɛ 3:14

Bu ba sɛ tɛ bubhɛtɛ terikpo nɛ Kristo onugɛ bu nyɛna yɛ gɛganɛ ɔdɔtɔnɔ tɛbibeke anɛ tɛyɛyɛkɛŋa gɛ bunyɛna vunɔ denɔ kesikpɛkpɛ.

Filimɔnɛ 1:17

So onu gɛ odim ansɛ wɔabhla ana, klɛ yɛkɛ yɛ ansɛ gɛ ɔbɔ yɛkɛ mɛ.

Filipianɛ 1:7

Kɛ na kɔ mɛ sɛ tɛ ɛmɔɛlɛ ana nɛ wɔnɔ petee shu, alasɛ nɔ kpasɛ mɛ idzyim; alasɛ onugɛ bakpɛ mɛ buɖɛ ɔdɔgɔsɛ ɛwlãnkɛ klɛ mɛ trɔahwɛ nɛ kibui dzyɔgo nɛa bha, wɔnɔ petee nɔ bɔ mɔ Kpaya ɛyamyuyɔ nɛ́ mɛ.

1 Yohanɛsɛ 1:3

Bu butsre nɔ kɛdɔ nɛ gɛ bu mɔ klɛ bu nu, sɛ tɛ wũnɔ tsyɛ nɔ za terikpo bhɛbhɛtɛmɛ nɛ lɔ. Klɛ bulɔ terikpo bhɛbhɛtɛ nɛ Aka anɛ̀ yɛ Eyianyɛ Yesu Kristo.

Efesoanɛ 3:6

Kibui kpukpuinɛ kɛlɛ nu sɛ ganɔ kibui dzyɔgoe nɛ mɛ ba gɛ be di nu Yuɖanɛ tsyɛ ba baŋa kidedɔ nɛ̀ Izraɛlanɛ, ɔhamanɛ xuxogo tirikpo, klɛ bɛ xogonɛ ishuidzya nɛ mɛ ayɛkɛ kɛ gɛ aɖɔlu nɛ Kristo Yesu mɛ.

2 Kɔrintioanɛ 8:1

Klɛ ɔtsɔ̃nɛ, badzya mɔ, bu pɛɛ sɛ tɛ nɔ ti kibui denɔ kɛdɔkukɔ gɛ Kpaya akɔ Makedonia busɔlɛha.

Romanɛ 15:26

Alasɛ kiku Makedonia anɛ Atsyaia busɔlɛha nɛ awɔ̃ sɛ tɛ ba kɔ tɛpɛplɛnɔ betsyutsyuini nɛ gɛ akpasɛ Kpaya banɔnɛna nɛ shi nɛ Yerusalɛm.

1 Yohanɛsɛ 1:7

Pɔ onugɛ bu ga nɛ obhubhuikɔ, anasɛ gɛ alɛ nɛ obhubhuikɔ, bu yɛkɛ terikpo bhɛbhɛtɛ nɛ ɔhaglɔ, klɛ ye Yianyɛ Yesu dzyosu, eplu buzizi petee bu nɛ bulɔ shu.

2 Petro 1:1

Mɛ Simɔn Petro, Yesu Kristo axwɛdɛ anɛ̀ anɔkpɛkpɛ, Ɛŋlɔmɛ keplukpa anɛ akɔ bagɛ ɔganɔ kɛdzyɔgo bhɛbhɛtɛ bulɔ Kpaya anɛ Yesu Kristo gɛ ebhulɔayɛkɛ atɛ mɔ tɛyɛyɛkɛŋa ŋɛŋaedzi anasɛ bulɔ yɛ.

Filipianɛ 2:12

Kɛlɛso, mɛ ɛbhɛalɛ mumɔanɛ, anasɛ gɛ nɔɔ taatɔ kɛbenyɛbe— ganɛ nɛ mamɛ tite ko, pɔ gelee ɔdɛ nɛ mɛede ɔtsɔ̃ nɛ—nɔ za kɛlɛabha ozo tsyina ahwɛ nɛ wɔnɔ tɛbubu nɛ shu anɛ kifu nɛ tɛshushuku mɛ,

1 Kɔrintioanɛ 1:9

Kpaya, gɛ eklu nɔ abhɛtɛ terikpo nɛ ye Yi Yesu Kristo bulɔ Apalete, enu anɔ yɛyɛkɛŋa.

Romanɛ 11:17

Onu gɛ ɛshɛ nɛ tili idzyini tɛɛ̃, klɛ wɔ, oozo dzi olivɛ ɔshɛ tɛta koeyi tsyɛ, gɛ ba yɛkɔ anyata ɛbhlatɔ klɛ ɛlɛ petee ŋa kɛdɔ denɔ igu nɛ mɛ,

Axwɛwɛwa 2:42

Ba yɛkɔ balɛ ishu akɔ Banɔkpɛkpɛ anɛ kɛdɔ kɛkasɛ nɛ ketsukpɛkpɛ, kɔ kɛdɔŋɛŋa nɛ kɔ kpayakuklu.

Romanɛ 12:13

Shɛ̃nahwɛ kɛdɔ shu ɔkɔ Kpaya banɔ nɛ gɛ ba pɛ dɔ. Yɛkɔ ɛyamyuyɔ ɔkpɛ tɛbhɛbhɛtɛm.

Filipianɛ 1:12

Ɔtsɔ̃ nɛɛ badzya mɔ, ɛpɛɛ sɛ tɛ no ti sɛ kibui nɛ gɛ ba mɛabha nɛ kpɛ kibui dzyɔgo nɛ otugba.

Filipianɛ 1:16

Ba gugɔɛ ba bhɛtɛ lɛ nɛ tɛdɛdɛmɛ mɛ, gɛ benyi sɛ be lu mɛ nɛ ɔkɛnɛ sɛ tɛ ɛwlãnkɛ kibui dzyɔgo nɛ tɔkpu.

Filipianɛ 1:27

Kibuinyɛbui gɛ kɛ baa, nɔ nyɛna wɔnɔ shu nɛ Kristo kibui dzyɔgo nɛ tɛzɛzam. Kɛlɛede, kɛba dzi sɛ ɛba pɛ ɛba mɔ nɔ ɔdɔgɔsɛ ɛba nu wɔnɔɛ dɔ nɛ mɛede, eba ti sɛ nɔ lɛ gɛganɛ nɛ ɔfufɔɛ torikpo mɛ, ɔwlãnkɛ ansɛ anɔ terikpo kɔ kibui dzyɔgo nɛabha yɛyɛkɛŋa

Filipianɛ 2:22

Pɔ nɔ nyi sɛ Timotio atɛ kasɛ yɛshu, alasɛ anasɛ eyi kɔ yɛaka nɛɛ aplɛnɔ mɛ lɔ wa kɛxwɛ nɛ̀ kibui dzyɔgo nɛ shu.

Filipianɛ 4:3

Ee, klɛ ibisi wɔ, mɛ abhla mumɔa, plɛnɔ badzɛ nɛ gɛ ba wa xwɛ nɛ́ mɛ kɔ kibui dzyɔgo tɛ ɖɛɖɔ, nɛ Klɛmɛt anɛ mɛ baxwɛwa gugɔɛ, gɛ balɛ enyi akpasɛ ɛkpãe plukpa nɛ mɛ.