Filipianɛ 1:26 - ONUGBÙ NYƐNYÃ VUVƆ

²⁶ sɛ tɛ ganɔ mɛ wɔnɔ bha zɛza bubhla nɛɛ wɔnɔ same nɛ́ Kristo Yesu mɛ nɛ ba yukugbɛgba akpɛ mɛ so.

Filipianɛ 1:26 Referans Kwoze

2 Kɔrintioanɛ 1:14

anasɛ gɛ nɔ tɛ nu bulɔ esi nɛ kapɛ, nɔ bɔ ba bonu lɛesi petee sɛ nɔ bɔ na ishufeke nɛ bulɔ shu anasɛ gɛ bulɔ tsyɛ bu ba fekeshu nɛ wunɔ tɔkpu nɛ Apalete Yesu kiwui nɛabha.

2 Kɔrintioanɛ 5:12

Butɛ wlãnkɛ kpɛ bulɔshu nɛ otugba kɔ nɔ bubhla, pɔ bu yɛ̀kɔ kidzoenɛ kɔ nɔ tɛ nɔ fekeshu nɛ bulɔ abha, sɛ tɛ nɔ bɔ na ishunubu kɔ bagɛ befeke shu nɛ ebui mumɔɛ mɛ dɛ agɛ alɛ idzyi nɛ mɛ.

Filipianɛ 4:4

Nɔ mɔ same nɛ́ Apalete nɛ mɛ kibenyɛbe. Ɛka baɖɔ lɛ sɛ: Nɔ mɔ same!

Filipianɛ 3:3

Alasɛ bulɔ nu bunyɛnyɛ bhubhui, bulɔ gɛ nu bunyɛnyɛ bhubhui, bulɔ bagɛ kpɛtɔkpuesi kɔ Kpaya Ɔfufɔɛ, gɛ bu kpasɛ Kristo Yesu ishubhubhui nɛ mɛ, klɛ bulɔ idzyigɛganɛ ama ishuidzya nɛ mɛ—

Filipianɛ 4:10

Ɛmɔ same gelee nɛ Apalete nɛ mɛ sɛ kɛ gɔgɔɛ nɔ kasɛ sɛ nɔ yɛkɔ kibui tili nɛ mɛ buiɛ mɛ. Kɛgbɛagba, nɔ yɛkɔ kibui nɛ mɛ kibui mɛ, pɔ nɔ dɛ mɔ kɛdzo tɛ nɔ builɛ ɔkasɛ.

Filipianɛ 3:1

Gɔgɔɛ nɛɛ, madzyalɛ mɔ, nɔ mɔ same nɛ Apalete nɛ mɛ! Ganɛ butɔ lɛ nu kɔ mɛ sɛ tɛ ɛfla ŋlɔmɛ kɛdɔɛ lɛlɛ nɛ ke kɔ nɔ, alasɛ kɛ nu ishupupo kɔ nɔ.

2 Kɔrintioanɛ 7:6

Pɔ Kpaya, gɛ ayɔ bagɛ ba lɛ idzyi awɔlɛ, ayɔ lɔ dzyi nɛ Tito yɛ tɛbɛba nɛ mɛ,

Yohanɛsɛ 16:24

Ɔdɔtɔnɔ ɔtsɔnɛ nɔ kɔ bisi kɛdɔnyɛdɔ nɛ mɛ nyi mɛ. Nɔ bisi klɛ nɔ bɔ yɛkɛ, klɛ wunɔ same aba na.

Yohanɛsɛ 16:22

Kanake wunɔ tsyɛ nɔ lɛ: Ɔtsɔnɛ wunɔ be lɛ nu sɛ nɔ bɔ mɔ butɔ, pɔ ɛzɛa mɔ nɔ klɛ nɔ bɔ tsodzi ɔmɔ same gɛ anɔnyanɔ atɛ ba yɛkɛ wunɔ same mumɔ.

2 Kɔrintioanɛ 7:4

Ɛyɛkɛ wunɔ abhaŋa gelee, ɛda trɔ wunɔ abha gelee. Idzyi alɛ mahwɛ gɛganɛ, bulɔ tɛ tɛtɔ nɛ mɛ petee mɛ same tɛ nyi bubo.

2 Kɔrintioanɛ 7:14

Ifekeshu kɔ yɛ nɛ wunɔ shu, klɛ nɔ dɛ kpɛ mɛ wuiɛ̃. Pɔ anasɛ kibuinyɛbui gɛ bu ɖɔ tsre nɔ kɛ nu kɛgbɛagba, so bulɔ ishufifeke denɔ wunɔ shu kɔ Tito kɛkasɛ mɔmɔ sɛ kɛgbɛagba lɛ nu.

Galatianɛ 6:4

Anɔnyanɔ eluawɔ̃di yɛ ebui bhɛbhɛtɛ. Kɛlɛ abana ishu efeke, gɛ atɛba yɛkɔ ɛshu asɔnɔ anɔbhlatɔ ebui bhɛbhɛtɛ,