Filipianɛ 1:10 - ONUGBÙ NYƐNYÃ VUVƆ

¹⁰ sɛ tɛ nɔ bɔ na kɛdzyɔgo nɛ ɔmɔobu gɛ kɛpɛ dɛ gɛ tɛtsitsrenɔ tɛ ba za ɔdɔtɔnɔ Kristo kiwi nɛa bha,

Filipianɛ 1:10 Referans Kwoze

Romanɛ 12:2

Nɔ tɔɔ yɛkɔ wɔnɔ shu nɛ ɔkpɛ kanɔ nɛ tɛzɛza mɛ ɔtsɔlɛ, pɔ no dzi banɔ gɛ otsyina ganɔ wɔnɔ atɔkpum vuvɔ bhɛbhɛtɛ. Kɛlɛmɛ nɔ bɔ na Kpaya tɛpɛpɛ nu fekedi pɛ nɔ bɔ trɔahwɛ yɛ tɛpɛpɛ nɛa bha—yɛ tɛpɛ̃pɛ, kɛku awɔ̃ klɛ kɛna.

1 Tɛsolonianɛ 3:13

Kɔ yɛ agɛganɛ wɔnɔ idzyi sɛ tɛ kɛpɔ tɛ za nɔ shu tɛ wɔnɔ shu bhui nɛ bulɔ Kpaya anɛ Aka nɛ amɛ kibe lɛ gɛ bulɔ Apalete Yesu aba ba nɛ yɛ banɔ gɛ balɛ shu bhui nɛ petee.

1 Tɛsolonianɛ 5:23

Kɔ Kpaya nahwɛ, ishuyuyɔ Kpaya, adanɛ nɔ shu avɛnɔ etsodzini avɛnɔ. Kɔ wɔnɔ ɔfuɔɛ nɛ petee, kɛtɔwi anɛ ishuidzya nɛ za kɛpɔ maŋa maŋa mɛ nɛ bulɔ Apalete Yesu Kristo tɛbɛba mɛ.

Romanɛ 2:18

onu gɛ onyi yɛ tɛpɛpɛɛ klɛ ɔtrɔ ahwɛ nɛ kɛ gɛ kɛpɛ̃ dɛ nɛa bha, alasɛ ɔshã nɛ ɔkasɛ wɔ kɛgabi so;

Efesoanɛ 5:10

klɛ nɔ pɛɛ kɛdɔnɔ gɛ kɛ ku Apalete nɛ awɔ̃.

1 Yohanɛsɛ 4:1

Ɛbhɛalɛ mumɔa, nɔ tɛ yɛkɛ ɛfufɔɛ ɛkanyaka abhaŋa, pɔ feke ɛfufɔɛ nɛ odi tɛ nɔ mɔ sɛ lɛ de Kpaya kɔ, alasɛ itro batɔnu gelee ba tɛ ga ekoeyi etsoku kanɔ nɛ mɛ.

Filipianɛ 1:6

idzyigɛganɛ alɛ mɛ ahwɛ sɛ, agɛ yakpɛ kɛxwɛ dzyɔgoe nɛesi nɛ wɔnɔ mɛ aba vɛ kɛlɛa bha ɔdɔtɔnɔ kɛlɛ obekekɔ nɛ Kristo Yesu kiwi nɛabha.

1 Tɛsolonianɛ 5:21

No feke kɛdɔnyɛdɔ odi. Nɔ nyɛna kɛdzyɔgo mɛ ovunɔ.

1 Kɔrintioanɛ 1:8

Aba kɔ nɔ za gɛganɛ ɔdɔtɔnɔ tɛbibeke mɛ, sɛ tɛ batɛ mɔ kizizi nɛ wunɔ shu anɛ bulɔ Apalete Yesu Kristo tɛbɛba wui nɛabha.

Tɛbubukasɛ 2:2

Inyi wɔ ebuibhɛbhɛtɛ, wɔ kɛxwɛwɛwa gɛganɛɛ anɛ wɔ kanyɛtsitsi. Inyi sɛ ɔtɛ bɔ kɔ atɔkpum gɛganɛelete nɛ amɛ, klɛ ɔtɛ feke bagɛ asɛ be nu banɔkpɛkpɛ pɔ pɛ be di nu nɛ odi, klɛ ɔtɛ mɔ sɛ be nu betroni.

Efesoanɛ 5:27

klɛ tɛ ayɛkɔ yɛ akɔ yɛnahwɛ anasɛ busɔlɛɔha gɛ ɔpudi, gɛ kibo ɔdɔgɔsɛ tɛlɛlayɛ ɔdɔgɔsɛ kɛpɔ bubu kɔ anɔ bhlatɔ kanyaka shu, pɔ ishubhui anɛ kɛpɔ maŋa maŋa.

Yohanɛsɛ 1:47

Gɛ Yesu amɔ Nataniɛl gɛ etsoaba, aɖɔ nɛ yɛ shu asɛ, “Yɛ nu Izraɛl eyi gbɛagba, kibinyɛbi ma yɛ shu.”

Mateo 16:23

Yesu etsyina klɛ etsre Petro asɛ, “Fla nɛ mɔ bha, Satana! Onu kɛklãgbu gɛ ɔkpatanɛ mɛ; Kpaya ebui nɛ ama wɔ kɛtɔkpu mɛ, banɔdzyrame ayɛ ala lɛ.”

2 Kɔrintioanɛ 1:12

Ɔtsɔ̃nɛ kɛnɛ kɛlɛ nu bulɔ ishufifeke: Bulɔ tɔkpuimɛ tsre lɔ sɛ bu nyɛna shu nɛ kanɔ nɛ mɛ, klɛ ɔyɛkɔdɛana terikpo bhɛbhɛtɛ nɛ nɔ, nɛ tɛbhubhui anɛ kibui gbɛgbla bhɛbhɛtɛ gɛ kide Kpaya kɔ. Bu bhɛtɛ kibui nɛ ana ganɛ nɛ kanɔmɛ kibuinyinyi shu pɔ nɛ Kpaya kɛdɔkukɔ shu.

Romanɛ 12:9

Tɛɖuɖɔ́ alasɛ tɛ kɛtsa. Tɛ dɛmɛ kɛdɔnɔ nɛ gɛ mɛtã; nyɛna kɛgɛ bɔ nɛm ovunɔ.

Romanɛ 8:7

Anɔ gɛ abhɛtɛ buzizi nɛ tɔkpu mɛ nu kititilulɔ nɛ Kpaya shu. Kɛ tɛɛ kpɛ kɛtɔkpuesi kɔ Kpaya ɔshã, ɔdɔgɔsɛ kɛ ba naa bhɛtɛ ana.

Mateo 26:33

Petro asɛ, “Onu gɛ banɔ petee hle nɛ wɔ shu tsyɛ mɛ ɛtɛ ba shɛ.”

Filipianɛ 1:16

Ba gugɔɛ ba bhɛtɛ lɛ nɛ tɛdɛdɛmɛ mɛ, gɛ benyi sɛ be lu mɛ nɛ ɔkɛnɛ sɛ tɛ ɛwlãnkɛ kibui dzyɔgo nɛ tɔkpu.

Efesoanɛ 6:24

Ɛyamyuyɔ kɔ nɔ petee gɛ nɔ dɛmɛ nɛ bulɔ Apalete Yesu Kristo plɛnɔ tɛdɛdɛmɛnɔ gɛ kɛ tɛ ba tsi di.

Efesoanɛ 4:15

Kɛlɛmazɛlɛ mɛ, kɛgbɛagba tɛɖɔɖɔ anɛ tɛdɛdɛmɛnɔm, bulɔ nɛ kɛbuinyɛbui mɛ bu ba she nɛ yɛ mɛ gɛ enu Kɛtɔkpu, yɛ nu Kristo.

Galatianɛ 5:11

Madzyalɛ, onugɛ ɛka ɖɔ bunyɛnyɛ bhubhui bui, kideso gɛ ba ka kpatɔnɔ mɛ? Nɛ kɛlɛmɛ buzizi bhɛbhɛtɛ nɛ butsiosi shu ba zukɔlɔ.

2 Kɔrintioanɛ 8:8

Ɛtɛ kpɛ nɔ shã, pɔ ɛpɛɛ sɛ tɛ ifekedi wunɔ tɛdɛdɛmɛ nɛ anɔ gbɛagba sɛ tɛ ɛyɛkɔ sɔnɔ banɔ bhlatɔ tɛnɛna.

2 Kɔrintioanɛ 6:3

Budɛ bhuidzo kɔ anɔnyanɔ, sɛ tɛ bulɔ xwɛwuwa nɛ tɛ ba tɛ yɛkɛ bulɔabhaŋa.

2 Kɔrintioanɛ 2:17

Bulɔ bu tɛ dzi anasɛ banɔ gelee, bu tɛ yɛkɔ Kpaya buiɖɛɖɔ akpɛ anasɛ kedzigɛga sɛ tɛ bu mɔ trɔ. Kɛlɛlɛ nɛede, nɛ Kristoe mɛ bu ɖɔaɖɔ nɛ Kpaya amɛ anɛ kɛdzyɔgo bhɛbhɛtɛ, anasɛ banɔ gɛ ba kpɛ denɔ Kpaya kɔ.

1 Kɔrintioanɛ 10:32

Tɛ kɔ sɛ anɔnyanɔ akpatanɛ dɔ, edzi Yuɖa eyi ɔdɔgɔsɛ Grikianɛ ɔdɔgɔsɛ Kpaya busɔlɛha—

1 Kɔrintioanɛ 8:13

Kɛlɛso, onugɛ kɛdɔnɔ gɛ ɛŋa gɛ kɛ bakɔ sɛ madzya aba wɔlɛ ku kibui zizi mɛ, ɛtɛa vla ŋa lɛ, sɛ tɛ kɛtɛ bakɔ yɛ awɔlɛ.

Romanɛ 16:17

Badzya mɔ, itsre nɔ, no vu anhũ nɛ bagɛ balɛ amɛna tɛpupɔɛhle klɛ baa yɛkɔ kɛgɛ ba kpatanɔ nɔ nɛ elu wɔnɔɛ dzo mɛ gɛ enu agɛ alɔɛ titi nɛ kɛdɔkɛkasɛ nɛ gɛ nɔ tɛ kpasɛ nɛ shu. Nɔ za odzidzekɔ nɛ balɛ ɔbha.

Romanɛ 7:22

Alasɛ nɛ mɛ ishu mɛ ɛmɔ same nɛ Kpaya ɔshã nɛ mɛ,

Romanɛ 7:16

Klɛ onu gɛ ɛbhɛtɛ kɛgɛ ɛtɛɛ pɛɛ sɛ tɛ ɛbhɛtɛ, ɛdɛmɛ sɛ ɔshã nɛ ɔbɔ.

Axwɛwɛwa 24:16

Klɛso nɛ kibenyɛbe nɛɛ ɛlɛ nɛ kitem dɛdanɛ nɛ Kpaya anɛ Anɔdzyrame amɛ.

Yohanɛsɛ 3:20

Anɔnyanɔ gɛ abhɛtɛ kibui zizi adɛ dɛmɛ kifui bui, klɛ atɛ ba ba obhubhui kɔ alasɛ esi kifu sɛ aba wɔɛ̃.

Filipianɛ 2:16

anasɛ gɛ nɔ nyɛna ɛkpã bui nɛ ovunɔ—sɛ tɛ ɛba fekeshu nɛ Kristo kiwi nɛabha sɛ ɛdɛ ga ɔdɔgɔsɛ ɛwa kɛlɛɛ mɛ kɛxwɛ