Efesoanɛ 6:19 - ONUGBÙ NYƐNYÃ VUVƆ

¹⁹ Klukpaya nɛ mɛ tsyɛ tɔkpu, tɛ kibenɔ nɛ gɛ ɛdanɛ mɛ onugbu, ba bakɔ mɛ ebui sɛ tɛ nɛ kifu mazɛlɛmɛ tɛ ɛkɔ ale tii kibui dzyɔgo anɛ̀ ebuikpukpu,

Efesoanɛ 6:19 Referans Kwoze

Koloseanɛ 4:3

Klɛ nɔ klukpaya nɛ bulɔ tsyɛ, tɔkpu, sɛ tɛ Kpaya adanɛ opupu kɔ bulɔ ebui ɖɛɖɔ, tɛ bɔɖɔ Kristo ebui kpukpu, alasɛ kɛlɛ so gɛ ba kpɛ mɛ buɖɛ.

Axwɛwɛwa 4:29

Ɔtsɔ̃ nɛɛ, Apalete, di balɛ kifu nɛ gɛ baa kpɛ alɛ tɛ ɔkɔ sɛ wɔ baxwɛdɛ nɛ ba ɖɔ wɔɛ bui nɛ kitekpɛkpɛ gbla.

2 Tɛsolonianɛ 3:1

Gɔgɔɛ nɛɛ, Badzya mɔ, no kulukpaya nɛ bulɔɛ tɔkpu sɛ tɛ Apalete nɛ bui nɛ kaka zia tɛ ba kpɛ kutɔkuesi akɔɛ lɛ, ansɛ gɛ kɛ za nɛ nɔ.

1 Tɛsolonianɛ 5:25

Badzya mɔ, no klukpaya ɔkɔ lɔ.

Hebriuanɛ 13:18

Nɔ klukpaya nɛ bulɔɛ tɔkpu. Bu yɛkɛŋa sɛ bulɔɛ tɔkpui mɛ bhui klɛ bu pɛɛ sɛ tɛ bu za nɛ ɛkpã dzyɔgo nɛ kidzonyɛdzoe mɛ.

Axwɛwɛwa 4:31

Gɛ be klu Kpaya beke, ɔkɛlɛ gɛ be xogo nɛ ɔhwa. Klɛ balɛ petee yuku nɛ Ɔfufɔɛ Dzyɔgo klɛ be bu Kpaya kibui nɛ aɖɔ nɛ kifu masimasi.

1 Tɛsolonianɛ 2:2

Bu tɛ tɔ bafla klɛ ba tɛ kula lɔ nɛ Filipi, ansɛ gɛ no nyi, pɔ nɛ bulɔ Kpaya nɛ tɛpɛplɛnɔ so bu dzu amɛ nɛ yɛ kibuidzyɔgo sɛ tɛ bu ɖɔɛ lɛ tsre nɔ nɛ kititilulɔ gɛganɛ mɛ tysɛ.

2 Kɔrintioanɛ 8:7

Pɔ anasɛ gɛ buna nɛ kɛkanyaka mɛ—nɛ tɛyɛyɛkɛŋa mɛ, nɛ kaɖɔɖuɖɔ mɛ, nɛ kibuititi mɛ, nɛ kemi gbɛagba kpɛkpɛmɛ anɛ̀ wunɔ tɛdɛdɛmɛ nɛ lɔ—nɔ di sɛ wunɔnɔ tsyɛ nɔ na nɛ kɛdɔkukɔɛ nɛ mɛ kɔ kɛkukɔ.

Efesoanɛ 1:9

Klɛ akɔ lɔ ti yɛ tɛpɛpɛɛ ebuikpukpu anɛ yɛ tɛpɛpɛɛ dzyɔgo gɛ abhɛtɛlu nɛ Kristo mɛ,

1 Kɔrintioanɛ 4:1

Kɛlɛ so, alasɛ banɔ ba yɛkɔ lɔ anasɛ Kristo baxwɛdɛ klɛ sɛ tɛ ba yɛkɔ Kpaya ebui kpukpu akpɛ alɛ ahwɛ.

Axwɛwɛwa 28:31

Ganɔ kitekpɛkpɛ anɛ kide madimadi mɛ aɖɔ kaɖɔ edenɔ Kpaya bukusi ɔŋakɔ nɛ shu klɛ akasɛ kɛdɔ denɔ Apalete Yesu Kristo shu.

Axwɛwɛwa 19:8

Paolo ebe tsoku oxogokɔvu nɛ mɛ klɛ aɖɔ kaɖɔ nɛ bugɛganɛ mɛ nɛ ɔkɛlɛ wele tɛata, atsya ebui mɛ ebu nɛ Kpaya bukusiɔŋakɔ nɛ shu.

Axwɛwɛwa 13:46

Ɔkɛlɛ Paolo anɛ Banabasɛ ebu etsrea lɛ nɛ kifu masimasim asɛ: “Alasɛ tɛ bu ɖɔ Kpaya kibui nɛ tsre nɔ putɔnɔ. Gɛ no ti gbe lɛ klɛ nɔ dɛ mɔ nɔ shu sɛ nɔ na kɔ ɛkpã mabeke mabeke nɛɛ, ɔtsɔ̃ nɛɛ bu tsyina tɔ bagɛ edi nu Yuɖanɛ.

Filimɔnɛ 1:22

Klɛ kibui tirikpo ka gɔ: Bala ɔyakɔ kɔ mɛ, alasɛ ididzoenu sɛ ɛba tsodzi ba wɔ bha nɛ kibisi nɛ gɛ obisi nɛ nu nɛ wɔ kpayakukulu mɛ.

Koloseanɛ 2:2

Mɛ tɛbhɛtɛ kɛ lɛ nu sɛ tɛ ba kpɛ balɛ idzyi kemi nɛ̀ tɛ ba kpɛ alɛ ketsu nɛ́ tɛdɛdɛmɛ mɛ, sɛ tɛ ba yɛkɛ ehueyi mumɔ gelee nɛ kibuiesi nunu nɛna, nɛ kɛlɛmɛ tɛ ba beti Kpaya ebukpukpu, be klu sɛ Kristo,

2 Kɔrintioanɛ 3:12

Kɛlɛso, gɛ kidzoe nɛ di lɛ bulɔ ahwɛ, bu lɛ nɛ̀ amɛgɛganɛ.

1 Kɔrintioanɛ 1:5

Alasɛ nɛ yɛ mɛ nɔ bɔ dzi ehoeyielete nɛ kidzonyɛdzo abha—nɛ kɛlɛ petee mɛ wunɔ kaɖɔɖuɖɔ nɛ kɛlɛmɛ petee nɛ kibuititi—

Axwɛwɛwa 14:3

So Paolo anɛ Banabas be zi kibe gelee nɛ ɔkɛlɛ, klɛ ba ɖɔ kaɖɔ nɛ kitekpɛkpɛ kɔ Apalete, gɛ atrɔ kɛklãgbu nɛ yɛ ɛyamyuyɔ kibui nɛa bha ganɔ balɛ kɛdɔmumɔ anɛ ebuiyiyinɔ anɔ kɛdɔmumɔ nɛ gɛ ba bhɛtɛ nɛm.

Axwɛwɛwa 9:27

Pɔ Banabasɛ agbanɛ yɛ klɛ ayɛkɔ vɛnɔ banɔkpɛkpɛ nɛ ɔkɔ. Etsre alɛ kana gɛ Saolo aaga kidzo nɛ pɛ amɔ Apalete klɛ Apalete nɛ aɖɔ kaɖɔ etsre yɛ, nɛ kana gɛ ada ɖɔ Kpaya kibui nɛ Damaskosɛ nɛ kifu masimasim nɛ Yesu kinyim

1 Timotio 3:16

Nɛ ebui bibisi nɛ petee de, kpayamzɛza kibuikpukpu nɛ kitri: Awɛ̃ nɛ ishuidzya mɛ, Ɔfufɔɛ nɛ obu yɛ butsya, kpayaxwɛdɛ nɛ ba mɔɛ, ba ɖɔ yɛ bui nɛ amadi nɛ mɛ, ba yɛkɛ yɛa bha ŋa nɛ kanɔ nɛ mɛ, ba feke yɛ ashɛnɔ nɛ ishubhubhui mɛ.

2 Kɔrintioanɛ 7:4

Ɛyɛkɛ wunɔ abhaŋa gelee, ɛda trɔ wunɔ abha gelee. Idzyi alɛ mahwɛ gɛganɛ, bulɔ tɛ tɛtɔ nɛ mɛ petee mɛ same tɛ nyi bubo.

2 Kɔrintioanɛ 1:11

anasɛ gɛ nɔ plɛnɔ lɔ nɛ wunɔ kpayakuklu mɛ. Ɔkɛlɛ be gelee ba be hu ahwɛ nɛ bulɔɛ tɔkpu kɔ tɛpɛplɛnɔ kɛdɔkukɔ gɛ akɔ lɔ nɛ́ ebuiesibubu kɔ be gelee kpayakuklu.

1 Kɔrintioanɛ 2:7

Ao, bu ɖɔ Kpaya kibuinyinyi kpukpu, kibuinyinyi gɛ ayɛkɔ ekpu klɛ Kpaya abhɛtɛ kɔ bulɔ kabhaŋɛŋa flogo gɛ abhɛtɛ kanɔ.

Romanɛ 15:30

Madzyalɛ mɔ, itsre nɔ sɛ, ganɔ bulɔ Apalete Yesu Kristo nɛ Ɔfufɔɛ nɛ anɔɖuɖɔ nɛa bha sɛ, nɔ taplɛnɔ mɛ nɛ mɛ tɛwɛwlãkɛ nɛm ganɔ Kpaya kuklum ɔkɔ mɛ.

Axwɛwɛwa 18:26

Aba kpa kaɖɔ ɖɔ nɛ kifu masi masim nɛ oxogokɔvu nɛm. Gɛ Prisilla anɛ Akuila enu yɛ kɛdɔkɛkasɛ nɛɛ, be klu yɛ amɛna balɛ bupa mɛ klɛ be ze bu Kpaya kidzo nɛesi akɔɛ adɛ kana.

Axwɛwɛwa 4:13

Gɛ banɔ na mɔ kemi nɛ di ga kpasɛ Petro anɛ Yohanɛsɛ mɛ klɛ be vu awɔ̃hũ sɛ ba dɛ dɛ́ adɛdɛ kanyaka tsyɛ, benu banɔ tite ko nɛɛ kɛbhɛtɛ balɛ bi klɛ ba kpɛ balɛ kɛxawũ sɛ benu banɔ gɛ ba za nɛ Yesu.

Axwɛwɛwa 2:4

Balɛ petee be yuku nɛ Ɔfufɔɛ Dzyɔgo klɛ la kpa kaɖɔɔ ɖɔ nɛ benuhu bhlatɔ mɛ ansɛ gɛ Ɔfufɔɛ nɛ oyɛkɔalɛ.

Axwɛwɛwa 9:29

Aaɖɔ kaɖɔ klɛ ebu ebuim nɛ Griki Yuɖanɛ, pɔ baa pɛɛ kidzo sɛ tɛ be yi yɛ.

Romanɛ 16:25

Ɔtsɔ̃, kɔ anɔ nɛ gɛ yɛ ana wɔnɔesi dzu ganɔ mɛ kibui dzyɔgo nɛ Yesu Kristo kibui nɛ tɛbubuɖɔ, anɛ ebuikpukpu tɛbubukasɛ gɛ ekpu agɔagɔ gɛ atɛ ba fla nɛ nu,

2 Kɔrintioanɛ 6:11

Bu yɛkɔ bulɔ shuimɛ ɖɔaɖɔ kɔ nɔ, Kɔrɛntianɛ, klɛ bu danɛ bulɔ idzyi kɔ nɔ wee.

Efesoanɛ 3:9

klɛ tɛ akɔ anianɔ amɔ wee kibui kpukpuɛnɛ bhɛbhɛtɛ, kɔ kibe gɛ kɛ bafla gɛ bekpu nɛ Kpaya mɛ, agɛ abhɛtɛ kɛdɔ nɛ petee.