Efesoanɛ 5:14 - ONUGBÙ NYƐNYÃ VUVƆ

¹⁴ alasɛ kifu kɛlɛ kɔ kɛdɔnyɛdɔ kɛ wɔɛ̃. Kana so gɛ kɛ ɖɔ sɛ: “Nyɛmɛ, O anɔ gɛ adɔ tra, lɔ koeyi nɛ betsitsi nɛ shi, klɛ Kristo aba tã atrɔ wɔa bha.”

Efesoanɛ 5:14 Referans Kwoze

1 Tɛsolonianɛ 5:6

Kɛlɛ so, nɔ tɛ kɔ lɔ za ansɛ banɔ gɔgɔɛ, gɛ bedzi adɔ tra, pɔ nɔ kɔ lɔ za nɛ awɔ̃ nɛ ishuabhaŋɛŋa.

2 Kɔrintioanɛ 4:6

Alasɛ Kpaya gɛ aɖɔ sɛ, “Kɔ kifu nɛ tã denɔ otumu mɛ,” bhɛtɛ yɛ fu tɛ kɛtã nɛ bulɔ idzyi mɛ tɛ kɛkɔ lɔ kifu buititi nɛ́ Kpaya kabhaŋɛŋa nɛ Kristo amɛ.

Koloseanɛ 3:1

Nɛ kibelɛlɛ gɛ ba nyɛmɛ wɔ̃nɔ nɛ Kristo, nɔ trɔ wɔnɔ idzyi nɛ atrɔ kabha ebui nɛabha, ɔkɛlɛ Kristo edziesi nɛ Kpaya kɛŋa mɛ

Romanɛ 6:13

Nɔ tɛ yɛkɔ wɔnɔ ishu nɛ bupɛ nɛ ɔkɔ buzizi, ansɛ kɛtɔkpum gɛganɛ kɛxwɛwadɔ, pɔ nɔ yɛkɔ wɔnɔ ishu ɔkɔ Kpaya, ansɛ banɔ gɛ be bu edenɔ butsi mɛ amɛna ɛkpãm, tɛ nɔ yɛkɔ wɔnɔ ishu nɛ bupɛ ɔkɔ yɛ ansɛ tɛnɛnamɛzɛza kɛxwɛwadɔ.

Yohanɛsɛ 9:5

Gɛ ɛlɛ kanɔ nɛ mɛ, inu kanɔ nɛ kifu.”

Yohanɛsɛ 8:12

Gɛ Yesu aza ɖɔaɖɔ etsre banɔ nɛ, aɖɔsɛ, “Mɛ nu kifu kɔ kanɔ. Anɔ gɛ aza mɛede atɛ ba ga otumui mɛ, pɔ kifu ɛkpã ba za yɛ ahwɛ.”

Efesoanɛ 2:5

abhɛtɛ lɔ bu lɛ nɛ ɛkpã nɛ̀ Kristo nɛ kibe lɛ mɛ gɛ bu tsi nɛ bulɔ buzizi nɛ mɛ tsyɛ—ganɔ ɛyamyuyɔ mɛ le bu nɔ.

1 Kɔrintioanɛ 15:34

Nɔ tsodzi ɔvɛ ishui mɛ tɛ nɔ zukɔlɔ ebui kpã bhɛbhɛtɛ, alasɛ beteli alɛ gɛ be tinyi Kpaya—ɛɖɔ kibui nɛ kɔ nɔ tɛ kwɔ̃ɛ ku nɔ.

2 Timotio 1:10

pɔ ɔtsɔ̃, be be bu kɛlɛ akasɛ ganɔ Ayɛyɛkɛkɔlɔ, Kristo Yesu tɛwɛ̃wɛ̃ nɛ mɛ, gɛ ebe zi butsi klɛ ayɛkɔ ɛkpã anɛ matsimatsi amɛna ɔtɔ ganɔ kibuidzyɔgo nɛ mɛ.

2 Timotio 2:26

klɛ sɛ tɛ ba ba kpa kibui ti klɛ le be si ashɛ nɛ ɔufɔɛkpã nɛ kɛgba shu, agɛ eti vua lɛ anya sɛ tɛ ba bhɛtɛ yɛ tɛpɛpɛɛ.

Axwɛwɛwa 13:47

Alasɛ kana Apalete nɛ atrɔ kɔ lɔ sɛ bu bhɛtɛ: “ ‘Ɛtɛ bhɛtɛ nɔ kanɛgbɛ kɔ bagɛ edi nu Yuɖanɛ, sɛ tɛ nɔ bɔ mɛna tɛyɛyɛkɔ ɔdɔ nanɔ kesukpa nɛ ibekekɔ.’

Luka 1:78

alasɛ nɛ bulɔ Kpaya eshutukubui didi anɔ so, ganɔ kɛlɛabha kiwui yɛyɛ ba ba kɔ lɔ denɔ owũsise

Luka 15:24

Alasɛ mɛ yia nɛ ɛtsi, klɛ akalɛ nɛ ɛkpã, alɛla klɛ bumɔ yɛ.’ So ba kpɛ same mumɔesi.

Efesoanɛ 2:1

Wɔnɔ xwũ nɛɛ, nɔti tsi nɛ wɔnɔ buzizi nɛ ebuikpã bhɛbhɛtɛ mɛ,