Efesoanɛ 4:22 - ONUGBÙ NYƐNYÃ VUVƆ

²² Bakasɛ ɛkpã kuku gɛ nɔ za bafla tɛ nɔshɛnahwɛ ɛkuku nɛ shu, gɛ butsutsɔmɔ wɔɛ nɔ kpɛ buzizi mɛ,

Efesoanɛ 4:22 Referans Kwoze

Romanɛ 6:6

Alasɛ bunyi sɛ ba tɛ kpla bulɔ ɛkpãkuku nɛ asɔ plɛnɔ yɛ sɛ tɛ buzizi ishuidzya nɛ beke, sɛ tɛ bu taa ba dzi anɔdzidzi kɔ buzizi,

Hebriuanɛ 12:1

Kɛlɛso, bebuimɔɖɔ gɛ la kana lɔ anasɛ ɔmunɔ gelee, nɔ kɔ lɔ bu ebui tsyɛtsyanɔ kanyãka anɛ ezizi gɛ la nyɛna lɔ nɛ tɛ̃, klɛ nɔ kɔ lɔ yɛkɔ amɛgɛganɛ kpanisi tɛ lɔ bu tisisi gɛ kɛlɛ kɔlɔ.

Yakobo 1:21

Klɛso, nɔ shɛnahwɛ ɛkpã dudɔɛbo nɛ petee shu anɛ butsutsɔmɔ nɛ gɛ gbla yuku nɛ kanɔ mɛ tɛ nɛ ishuzhizhinɔesi mɛ ɔyɛkɛ kibui nɛ gɛ ba ɖa kpɛ wɔ mɛ, gɛ kɛ ba bu wɔ.

Hebriuanɛ 3:13

Pɔ nɔ kpɛ ɛhaglɔ kemi kibenyɛbe, anasɛ gɛ be klu alɛ Obonɛ, so tɛ kizizi tɛ wɔɛ nɔ wɔnɔmɛayɛ kanyaka.

Titusɛ 3:3

Nɛ kibe tili mɛ, bulɔ tsyɛ bu tɛ dɔ gã, bu dɛ taa tɔ, ba wɛɛ lɔ klɛ la bhɛtɛ lɔ banɔdzidzi ganɔ tɛpɛpɛɛ kanyaka di mɛ anɛ ba same mumɔm. Bu za nɛ atɔkpumkpã anɛ kawɔ̃kpɛ, ba dɛ pɛɛ bulɔɛ bui klɛ bulɔ tsyɛ dɛ pɛɛ ɔhayɛ bui.

Efesoanɛ 4:25

Kɛlɛso anɔnyanɔ alasɛ tɛ nɔ yulɔ ɛkpã zizi nɛ di za klɛ tɛ nɔ ɖɔ ebui gbɛagba etsre yɛ ɔhaglɔ, alasɛ bulɔ petee bunu banɔɛza tirikpo.

1 Petro 4:3

Alasɛ no ti zi be gelee bafla ba bhɛtɛ kɛgɛ ibuidielete ba pɛɛ sɛ tɛ ba bhɛtɛ—ɛkpãzizi zɛza, ishu mɛ zɛzandzyɛ, bulububuku, ɔhakpɛkpɛ kɛdɔ gbɛgbla ŋɛŋa, anɛ tɛtsutsɔmɔ obudi busɔlɛ.

Efesoanɛ 4:17

So itsre nɔ kibui nɛ, klɛ ɛkatrɔ kɛlɛabha sɛ nɛ Apalete nɛ mɛ, sɛ nɔ tɔ za nɛkpã anasɛ bagɛ bɛdinu Yuɖanɛ na za, nɛ balɛ kibuiesi manumanu.

2 Petro 2:13

Ba be tsodzi abuya kɛbhɛ nɛ̀ butɔ kɔ butɔ ebui nɛ gɛ babhɛtɛ. Balɛ ɛkpãŋɛŋa kɛlɛ nu sɛ tɛ babhɛtɛ kibuinyɛbui nɛ kemuze gbadagbada. Be tuturu klɛ kɛwɛ̃ lɛ balɛ shu, be buakasɛ nɛ balɛ ɛkpãŋɛŋa kibelɛ gɛ ba ŋaɛdɔ nɛ nɔ.

1 Petro 1:18

Alasɛ nɔ nyi sɛ ganɛ nɛ́ kɛdɔzizi anasɛ sɛkafrɛrɛ pɛnɔ sɛkadzɛdzã gɛ ba yɛkɔ ayɛkɛ nɔ nɛ́ kɛdzo kpɛkpa ɛkpã gɛ ba shɛnahwɛ elu kɔ nɔ denɔ wũnɔ bakashishe be.

Koloseanɛ 2:11

Nɛ yɛ mɛ wɔnɔ tsyɛ be bhui bunyɛnyɛ kɔ nɔ, nɛ sɛ tɛ be bu buzizi bhɛbhɛtɛ nɛ atɛ̃, anɛ bunyɛnyɛ bhubhui nɛ banɔ ahwɛ pɔ nɛ bunyɛnyɛ̃ bhubhui gɛ Kristo abhɛtɛ,

Efesoanɛ 2:3

Bulɔ petee tsyɛ bu tɛza balɛ shi nɛ kibe tili, klɛ bu kpɛ bulɔ buzizi ɛkpã tɛpɛpɛɛ nɛabha klɛ bu lɛ kɛlɛ tɛpɛpɛede nɛ bulɔ atɔkpuimɛ. Anasɛ bagugɔɛ, nɛ tɛmumɔe mɛ bulɛ kɔ butɔ.

2 Petro 2:7

klɛ onugɛ ebhui Lɔt ayɛkɛ, anɔ dzyɔgo, gɛ adɛ mɔ same nɛ́ ɛkpã tutru gɛ banɔ gɛ bama ɔshãesi nɛ alɛ

Galatianɛ 1:13

Alasɛ nɔ tɛ nu mɛ ɛkpã gɛ lɛ ɛza mahwɛ bafla nɛ dɔ nɛ́ Yuɖasɔlɛ nɛ mɛ, kana gɛ ɛkpatɔnɔ Kpaya busɔlɛɔha gɛganɛ klɛ ɛwlãkɛ sɛ tɛ ɛzi ɔlɛ.

Romanɛ 7:11

Alasɛ buzizi, bu mɔ kidzo ganɔ ɔshã nɛa bha, bu wɛɛm, klɛ ganɔ ɔshã nɛ mɛ klɛ bu yim.

Yakobo 1:26

Onu gɛ anɔ teli edi shu asɛ asɔlɛ tsyɛ pɛɛ adɛ kpaka yɛ kɛnɛkɛ nɛ gɛganɛ nɛɛ, awɛɛ shu klɛ kedziŋɛŋa kanyaka ma yɛ busɔlɛ nɛ shu.

2 Kɔrintioanɛ 11:3

Pɔ isifu sɛ anasɛ gɛ eblidzya bushɛ wuwa wɔɛ Eva, wunɔ tɔkpuimɛ kɛba na tsyina lɛla denɔ wunɔ kɛmumɔ nɛ kɛdzyɔgo kɔ Kristo.

Efesoanɛ 4:31

No bu ishu mɛ pupɔɛ petee, budugudugu anɛ oblo, kadapɛkpɛ anɛ anɔ shu zizi, ɔyɛkɔ plɛnɔ buzizi nyɛzizi.