Efesoanɛ 4:19 - ONUGBÙ NYƐNYÃ VUVƆ

¹⁹ Gɛ balɛla balɛ kɛwɔɛ̃ bui titi beke, bakɔ balɛ nahwɛ ebuikpã bhɛbhɛtɛ, so sɛ tɛ babhɛtɛ kizizinyɛzizi, nɛ kɛlɛabha betsri gɛ be zi atrɔ.

Efesoanɛ 4:19 Referans Kwoze

1 Timotio 4:2

Kɛdɔkɛkasɛ nɛɛ di nɛ de anɛkɛtabha betroni nɛ ɔkɔ, gɛ balɛ idzyi nɛ mɛ edzi ansɛ ba pɔɛ yɛ nɛ ɔɖakpɛkpɛ.

Koloseanɛ 3:5

Pɔ kɔ butsi, kɛdɛnyɛdɔ gɛ kɛ nu wunɔ kesukpaɛ dɔ: ɔmamɛdɛdɛ, ɛkpãzizi zɛza, kɛdɔ kukuanɔli, ebuizizi bhɛbhɛtɛ anɛ kɛdɔ gbɛgbla pɛpɛɛ gɛ kɛ nu obudi busɔlɛsɔlɛ.

Yuɖa 1:11

Butɔ kɔ alɛ! Ba tɛ yɛkɔ Kayɛ̃ dzo; be ti si akɔ ɔŋa mumɔ nɛ Balaam kito ebui nɛ gɛ abhɛtɛ nɛ mɛ; be ti zi alɛ nɛ Kɔra kititilulɔ nɛɛ di mɛ.

Tɛbubukasɛ 18:3

Alasɛ amadi nɛ petee atɛ wɛ̃ adzɛ nɛ azhuzhɔlɛbui obulo bulu. Kesukpa nɛa bha bekusi na tɛ bhɛtɛ aglɔbui nɛ adzɛ, klɛ kesukpa nɛa bha bedziniga nɛ she nɛ ehoeyi mɛ denɔ yɛ aprɔ nɛ mɛ gelee.”

2 Petro 2:22

Nɛ balɛ kapɛ mɛ akpalɛ nɛ nu ebui gbɛagba: “Kakudzɔgɛ tsodzi avɛ ada ŋa kalɛ oyukuku,” klɛ “Ahɛ gɛ bewlunɔ etsodzi avɛ ada wũsɔ aputɔ mɛ.”

1 Petro 4:3

Alasɛ no ti zi be gelee bafla ba bhɛtɛ kɛgɛ ibuidielete ba pɛɛ sɛ tɛ ba bhɛtɛ—ɛkpãzizi zɛza, ishu mɛ zɛzandzyɛ, bulububuku, ɔhakpɛkpɛ kɛdɔ gbɛgbla ŋɛŋa, anɛ tɛtsutsɔmɔ obudi busɔlɛ.

Efesoanɛ 4:17

So itsre nɔ kibui nɛ, klɛ ɛkatrɔ kɛlɛabha sɛ nɛ Apalete nɛ mɛ, sɛ nɔ tɔ za nɛkpã anasɛ bagɛ bɛdinu Yuɖanɛ na za, nɛ balɛ kibuiesi manumanu.

Marko 7:22

kɛdɔgbla pɛpɛ kɔshu, ɔhayɛ shu zizi, anɔ wɛwɛɛ, bu mabhui mabhui, kawɔ̃kpɛ, anɔshu zizi, buwɔ̃dzu anɛ buzizi.