Efesoanɛ 4:15 - ONUGBÙ NYƐNYÃ VUVƆ

¹⁵ Kɛlɛmazɛlɛ mɛ, kɛgbɛagba tɛɖɔɖɔ anɛ tɛdɛdɛmɛnɔm, bulɔ nɛ kɛbuinyɛbui mɛ bu ba she nɛ yɛ mɛ gɛ enu Kɛtɔkpu, yɛ nu Kristo.

Efesoanɛ 4:15 Referans Kwoze

1 Yohanɛsɛ 3:18

Banuvɔ mumɔa, nɔ tɛ kɔ lɔ tɛdɛdɛmɛnɔ anɔ nɛ ebuiɖuɖɔ ɔdɔgɔsɛ kɛnɛkɛ titee pɔ kɛ za tɛbhɛbhɛtɛ anɛ kɛgba mɛ.

Efesoanɛ 4:25

Kɛlɛso anɔnyanɔ alasɛ tɛ nɔ yulɔ ɛkpã zizi nɛ di za klɛ tɛ nɔ ɖɔ ebui gbɛagba etsre yɛ ɔhaglɔ, alasɛ bulɔ petee bunu banɔɛza tirikpo.

1 Petro 1:22

Ɔtsɔnɛ gɛ nɔ tɛ plu shu ɔganɔ batɔ tɛta kɔ kibui gbɛagba sɛ tɛ nɔ yɛkɛ tɛdɛdɛmɛnɔ mumɔ kɔ wũnɔ adzyalɛ, tɛdɛdɛmɛnɔ nɛ ɔhaglɔ globoo, denɔ idzyi nɛ mɛ.

2 Petro 3:18

Pɔ nɔ she nɛ kɛdɔkukɔ nɛ̀ kibuititi mɛ nɛ bulɔ Apalete anɛ̀ Ayɛyɛkɛkɔ Yesu Kristo. Kɔ yɛ kɛlɛ nu tɛbhubhui denɔ ɔtsɔnɛ nɛ̀ mabeke! Tɛlɛbɛlɛm.

Efesoanɛ 2:21

Nɛ yɛ mɛ bedzu buvu nɛ petee atsya klɛ befeke lɛ tɛ bu badzi bubhubhui busɔlɛvu nɛ Apalete nɛ mɛ.

Efesoanɛ 1:22

Klɛ Kpaya ayɛkɔ kɛdɔnyɛd ɔ akpɛ yɛesi klɛ ebui yɛ asɛ tɛ edzi kɛtɔkpu kɔ kɛdɔnyɛdɔ kɔ busɔlɛha,

1 Petro 2:2

Anasɛ beyi mumɔvuvɔ, bu ku alɛ li kɔ ɔfufɔɛ mɛ bumɔni dzyɔgo, sɛ tɛ ganɔ bu lɛ abha nɔ bɔna she nɛ wunɔ tɛyɛyɛkɛkɔ,

Romanɛ 12:9

Tɛɖuɖɔ́ alasɛ tɛ kɛtsa. Tɛ dɛmɛ kɛdɔnɔ nɛ gɛ mɛtã; nyɛna kɛgɛ bɔ nɛm ovunɔ.

Yohanɛsɛ 1:47

Gɛ Yesu amɔ Nataniɛl gɛ etsoaba, aɖɔ nɛ yɛ shu asɛ, “Yɛ nu Izraɛl eyi gbɛagba, kibinyɛbi ma yɛ shu.”

Efesoanɛ 5:23

Alasɛ adzɛenyine yɛ nu kɛtɔkpu kɔ yɛedzini anasɛ gɛ Kristo enu kɛtɔkpu kɔ busɔlɛɔha, yɛ ishuidzya, gɛ enu Ebhubhuiayɛkɛ.

2 Kɔrintioanɛ 4:2

Nɛlɛede bu shɛnahwɛ ebui kpukpu anɛ̀ kɛwɔɛ̃ edzo nɛ shu lu, bu tɛyɛkɔ anɔ wuwɔɛ ebui, ɔdɔgɔsɛ bu tsyina Kpaya bui. Kɛlɛmaza, ganɔ kɛgbɛagba kɛkasɛ wee bulɔnahwɛ bu trɔ ahwɛ kɔ anɔnyanɔ bui bhɛbhɛtɛ nɛ Kpaya amɛ.

2 Kɔrintioanɛ 8:8

Ɛtɛ kpɛ nɔ shã, pɔ ɛpɛɛ sɛ tɛ ifekedi wunɔ tɛdɛdɛmɛ nɛ anɔ gbɛagba sɛ tɛ ɛyɛkɔ sɔnɔ banɔ bhlatɔ tɛnɛna.

1 Kɔrintioanɛ 11:3

Ɔtsɔ̃nɛ ɛpɛɛ sɛ nɔ ti sɛ tɔkpu kɔ anyɛnyanyɛ yɛ enu Kristo, klɛ tɔkpu kɔ adzɛ yɛ enu anyɛ, klɛ kɛtɔkpu kɔ Kristo yɛ enu Kpaya.

Efesoanɛ 1:4

Alasɛ eklu lɔ nɛ yɛ mɛ flogo gɛ babhɛtɛ kanɔ sɛ tɛ bulɔ shu bhui klɛ tɛ buzizi tɛza lɔ shu nɛ yɛ amɛ. Nɛ tɛdɛdɛmɛ mɛ