Efesoanɛ 2:12 - ONUGBÙ NYƐNYÃ VUVƆ

¹² bakasɛ kibelɛlɛ nɔza ɔtɔ nɛ Kristo shu, ba dɛ kla nɔ kpɛ Izraɛlanɛ nɛ shi anɛ befu kɔ onugbu nyɛnya kibuiɖɔlu, nɛ kidzoenudidi mazamaza, anɛ Kpaya kanɔa nɛ mɛ mazamaza.

Efesoanɛ 2:12 Referans Kwoze

Galatianɛ 4:8

Kibe gɛ bafla, gɛ nɔ dɛ ti Kpaya, nɔ dzi banɔdzidzi kɔ bagɛ nɛ ɔdzyɔkɔ bedinu bakpaya.

Koloseanɛ 1:21

Nɛ kibe tili gɛ nɔ za odzidze kɔ denɔ Kpaya ɔbha klɛ nɔ dzi banɔ gɛ ba dɛ pɛɛ yɛ bui nɛ wɔnɔ atɔkpu mɛ alasɛ wɔnɔ ebuikpã bhɛbhɛtɛ so.

1 Petro 1:3

Kabhakpɛkpɛ kɔ Kpaya anɛ Aka bulɔ Apalete Yesu Kristo! Nɛ yɛ eshutukubuididi gbɛgbla mɛ akɔ lɔ tɛmumɔ vuvɔ akpɛ nɛ ɛkpã kɛdzoenudidi mɛ ganɔ Yesu Kristo tɛnyɛnyɛmɛ denɔ bekpui mɛ,

1 Tɛsolonianɛ 4:13

Badzya mɔ, bu dɛ pɛɛ sɛ tɛ no titi kibuinyɛbui odenɔ bagɛ be ti tsi nɛ shu, ɔdɔgɔsɛ tɛ no tsishu ansɛ banɔ gɔgɔɛ, gɛ kidzoenudidi ma kɔa lɛ.

Efesoanɛ 4:18

Balɛ kibuiesi nunu dɔ otumu klɛ be bu ɔtɔ denɔ Kpaya tɛzɛza shu alasɛ kibui matimati nɛ gɛ kɛlɛ balɛ mɛ gɛ kide balɛ idzyi gɛganɛ shu.

1 Tɛsolonianɛ 4:5

ganɛ azhuzhɔlɛbui pɛpɛ mɛ ansɛ bagɛ ba dɛ sɔlɛ, pɛ be ti nyi Kpaya,

Yohanɛsɛ 15:5

“Mɛ nu vãyɛ̃, wɔnɔ nu ɛshɛ̃. Onugɛ anɔ teli alɛ mɛ́ mɛ klɛ ɛlɛ yɛ mɛ, ebe yu eyuyu gelee, nɛ mɛede nɔ tɛ bɔ na kɛdɛnyɛdɔ bhɛtɛ.

Hebriuanɛ 6:18

Kpaya abhɛtɛ kibui nɛ asɛ tɛ, ganɔ ebui tabha gɛ eti be tsyina mɛ gɛ kɛ tɛ ba za sɛ Kpaya ana otro hu, tɛ bulɔa gɛ tɛ fla da nyɛna kidzoenudidi nɛ mɛ gɛ ba kɔ lɔ nɛ vunɔ bu mɔ kemi gbɛgbla.

Romanɛ 9:8

Nɛ kaɖɔɖuɖɔ bhlatɔ mɛ, ganɛ beyi nɛ gɛ ba mɔ nɛ ishuidzya nɛ mɛ balɛ enu Kpaya yeyialɛ, pɔ beyi nɛ gɛ ba tɛ ɖɔa lɛ bui elu gɛ le di ansɛ Abraham yɛeyialɛ.

1 Petro 3:15

Pɔ nɛɛ wɔnɔ idzyi mɛ nɔ kpɛ Kristo ɔtɔ́ anasɛ Apalete. Kibenyɛbe nɔ bala tɛ nɔ kɔ kibuiesibubu anɔnyanɔ gɛ ebe bisi sɛ nɔ kɔ kesinunu kɔ kidzoenudidi gɛ lɛ wũnɔ ahwɛ. Pɔ nɔ bhɛtɛ lɛ nɛ ishunyɛnyɛna nɛ̀ yɛ kpɛkpɛ abha,

Axwɛwɛwa 28:20

Kibui nɛ shu so pɛ ɛpɛ sɛ tɛ ɛmɔ nɔ tɛ ɛɖɔ kaɖɔ nɛ wɔnɔ. Alasɛ Izraɛl kidzoenu didi nɛ tɔkpu la nyam akpɛ buɖɛ nɛ mɛ.”

Axwɛwɛwa 3:25

Klɛ wɔnɔ nu be yi kɔ batɔnu nɛ onugbu nɛ gɛ wɔnɔ akashishe alɛ nɛ ba nya nɛ Kpaya. Etsre Abraham asɛ, ‘Ganɔ weyi mumɔa bha ba ba yula banɔ nɛ petee nɛ kesukpa nɛa bha.’

1 Yohanɛsɛ 3:3

Anɔnyanɔ gɛ kidzoenudidi nɛ lɛ yɛ mɛ yɛnahwɛ eplu shu, anasɛ gɛ yɛ shu bhui.

1 Petro 1:21

Ganɔ yɛabha nɔ yɛ kɛ Kpaya abhaŋa, agɛ anyɛmɛ yɛ edenɔ bekpui mɛ klɛ akpɛ yɛ nyi nɛabha klɛ so wũnɔ tɛyɛyɛkɛŋa nɛ yɛ kidzo abha didi lɛ Kpaya mɛ.

Hebriuanɛ 11:34

balɛ eni efu gɛ latã gɛganɛ klɛ besi nɛ kɛpamɛ nu, balɛ shuimɛ yɛyɔ badzi tɛgɛganɛ, gɛ ba ba wɔe keyu tɛtɛta mɛ gɛ bakɛka befu nɛ gɛ bata buyu.

1 Timotio 1:1

Paolo, Kristo Yesu anɔkpɛkpɛ ganɔ bulɔ Kpaya ɔshã nɛa bha agɛ ebu lɔ nɛ kibuiɖuɖɔ nu anɛ Kristo Yesu gɛ enu bulɔɛ dzoenudidi,

2 Tɛsolonianɛ 2:16

Kɔ bulɔ Apalete Yesu Kristo nahwɛ anɛ bulɔ Aka Kpaya, gɛ aɖɔ lɔ klɛ ganɔ yɛ eshutukubui didi mɛ pɛ akɔ lɔ ɔfufɔɛ mɛ kemikpɛkpɛ anɛ kidzoenudidi dzyɔgo,

Koloseanɛ 1:27

Kɔ ba gɛ Kpaya eklu tɛ akɔ balɛmɛ Bagɛdinu Yuɖanɛ tii kabhaŋɛŋa ehueyi yɛ ebuikpukpu gɛ kɛ nu Kristo nɛ wɔnɔɛ mɛ, kidzoenu didi kabhaŋɛŋa.

Koloseanɛ 1:5

tɛyɛyɛkɛŋa anɛ̀ tɛdɛdɛmɛnɔ gɛ ki koeyi denɔ kidzoenudidi gɛ ba bala lu kɔ nɔ nɛ owũsise klɛ kɛ lɛ sɛ wɔnɔ no ti nu kibuigba nɛ dɔ, gɛ nu kibui dzyɔgo

Yohanɛsɛ 10:16

Ibhoshi bhlatɔ lɛ mɛ ahwɛ gɛ lɛ ma ibhoshi buka nɛ mɛ. Ɛba tɛ gbanɛ lɛ tsyɛ mɛna. Ɛlɛ tsyɛ ba nu mɛ olimɛ, klɛ ibhoshiha tirikpo nɛ agbɛgbanɔ Terikpo.

Yohanɛsɛ 4:22

Wunɔ Samarianɛ nɔ sɔlɛ kɔ kɛdɔnɔ gɛ nɔ ti nyi, bulɔ bu nyi anɔ nɛ gɛ bu sɔlɛ kɔ, alasɛ tɛyɛyɛkɛkɔ de Yuɖanɛ nɛ mɛ.

Luka 1:72

tɛ edi bulɔ aka lɛ nɛ eshutukubui nɛ tɛ abaka yɛ shubhubhui onugbunyɛnya,

Axwɛwɛwa 2:39

Tɛtutrɔɛ nɛ lɛ kɔ wɔnɔ nɛ wɔnɔeyia lɛ nɛ bagɛ ba lɛ odzidzekɔ, nɛ kɔ bagɛ balɛ bulɔ Apalete Kpaya nɛ ebe klu.”

Efesoanɛ 2:19

So nɛ no di nu efu nɛ̀ ɔkɔbhlatɔ anɔ, pɔ nɔ nu kesukpa terikpo abha ayɛ nɛ Kpaya banɔ nɛ̀ Kpaya bupaɛmɛ anɔ terikpo,

Hebriuanɛ 8:6

Pɔ Yesu yɛ kɛxwɛwɛwa gɛ ayɛkɛ balɛ yɛ anasɛ onugbunyɛnya gɛ enu eboevu kɔ kɛ kuku tirikpo, klɛ be dzu ɔlɛesi nɛ kɛdzyɔgodɛ nɛabha gɛ baɖɔlu nɛ shu.