Axwɛwɛwa 9:39 - ONUGBÙ NYƐNYÃ VUVƆ

³⁹ Petro avɛ plɛnɔa lɛ, klɛ gɛ bede ku ba gbanɔ yɛ avɛnɔ kabhavu nɛm. Badzɛ banyɛtsi nɛ petee beli kititi akana yɛ, nɛ iyuyo klɛ ba yɛkɔ bawi nɛ apɔtɛ gɔgɔɛ nɛ gɛ Dɔkasɛ akamɛ nɛ kibe lɛ gɛ aka lɛ balɛ ɔbha nɛ akasɛ.

Axwɛwɛwa 9:39 Referans Kwoze

1 Tɛsolonianɛ 1:3

Bu lɛ kɛlɛa bha baka nɔ nɛ bulɔ Kpaya anɛ Aka nɛ amɛ wɔnɔ kɛxwɛwɛwa nɛ gɛ tɛyɛyɛkɛŋa bhɛtɛ, wɔnɔ kɛxwɛwɛwa nɛ gɛ tɛɖuɖɔ mɛna, anɛ wɔnɔ kanyɛtsitsi nɛ gɛ ka ba denɔ kidzoenudidi mɛ anɛ bulɔ Apalete Yesu Kristo mɛ.

Efesoanɛ 4:28

Anɔ nɛ gɛ ezuru ete zuru, pɔ awa kɛxwɛ, ayɛkɔ yɛ ɛhwɛ aza bhɛtɛ kɛdɔ dzyɔgo tili nɔ, tɛ amɔ kɛdɔ tili tɛ aba ya kɔ anɔ nɛ gɛ apɛɛ dɔ.

1 Yohanɛsɛ 3:18

Banuvɔ mumɔa, nɔ tɛ kɔ lɔ tɛdɛdɛmɛnɔ anɔ nɛ ebuiɖuɖɔ ɔdɔgɔsɛ kɛnɛkɛ titee pɔ kɛ za tɛbhɛbhɛtɛ anɛ kɛgba mɛ.

1 Tɛsolonianɛ 4:13

Badzya mɔ, bu dɛ pɛɛ sɛ tɛ no titi kibuinyɛbui odenɔ bagɛ be ti tsi nɛ shu, ɔdɔgɔsɛ tɛ no tsishu ansɛ banɔ gɔgɔɛ, gɛ kidzoenudidi ma kɔa lɛ.

2 Kɔrintioanɛ 8:12

Alasɛ onugɛ tɛpɛpɛɛ lɛ ɔkɛlɛ, ba ba yɛkɛ kɛkukɔ anɛ kɛgɛ lɛ yɛahwɛ nɛ nu, ganɛ kɛ gɛ ma yahwɛ nɛ shu.

Axwɛwɛwa 20:35

Nɛ kɛdɔnyɛdɔ gɛ ɛbhɛtɛ mɛɛ, ɛkasɛ nɔ sɛ ganɔ kɛxwɛ wɛwa gɛganɛɛ nɛ mɛɛ di nɛ lɔ ba na bagɛ ama alɛ ana nu plɛnɔ, anɛ Apalete Yesu nahwɛ nɛ ebui nɛ gɛ aɖɔ nɛ tɛbɛbaka sɛ: ‘Tɛyuyula kpasɛ tɛkukɔm dɛ tɛyɛyɛkɛ.’ ”

Axwɛwɛwa 9:41

Anyɛna yɛ ɔhwɛ klɛ aplɛnɔ yɛ alɔ za nɛ yɛ ɛtsrɛa bha. Klɛ eklu bagɛ bayɛkɛŋa anɛ banyɛtsi klɛ ayɛkɔ yɛ akpɛ ahwɛ kɔa lɛ elulu.

Axwɛwɛwa 8:2

Ayɛyɛkɛŋa teli aba yɛkɔ Stefano ada vubɔ klɛ be bi yɛ popoo po.

Axwɛwɛwa 6:1

Nɛ kibe lɛ nɛm gɛ badɔkpasɛ ne be kpe, Griki Yuɖanɛ gɛ ba kpasɛ balɛ shi nɛ bhui Hebriu Yuɖanɛ nɛ nu alasɛ balɛ bagɛ betsianyɛ nɛɛ ba shɛ̃nahwɛ balɛ kiwinyɛwi kɛdɔŋɛŋa kukɔ shu.

Yohanɛsɛ 17:12

Kɛbelɛlɛ gɛ ɛlɛ ba lɛ ɔbha ɛkpɛ buka kpɛ alɛ klɛ idi ba lɛabha mɔmɔ ganɔ kɛ nyi gɛ ɔkɔ mɛ nɛabha. Anɔnyanɔ adɛ lɛla ɔdɛ nu agɛ yɛ ba trɔ sɛ tɛ alɛla nɛ sɛ tɛ be bu Kpayaplukpa mɛ ebui nɛ akasɛ.

Yohanɛsɛ 12:8

Kibenyɛbe kitsyutsyuikpɛ̃ ba za wunɔ ɛshi, pɔ nɔ tɛ bɔ mɔ mɛ Kibenyɛbe.”

Luka 24:44

Etsre alɛ sɛ, “Kibui nɛ mɛ tsre nɔ kɛlɛbe nɛ gɛ ɛza wunɔ bha: Kɛkanyaka gɛ ba ŋlɔmɛ elu denɔ mɛ shu alasɛtɛ kɛbɛlɛmɛ nɛ Mose Ɛshã, Batɔnu anɛ Ɛdzɛeplukpa.”

Marko 14:8

Adzɛ nɛ abhɛtɛ kɛgɛ aba naa bhɛtɛ. Edzuawɔ̃ asra bubɔ kɔ mɛ tɛvuvubɔ.

Mateo 26:11

Betsyutsyuini nɛ xũa lɛ wɔnɔ bha kibenyɛbe, mɛ pɔ nɛɛ nɔ tɛ bɔ mɔ mɛ kibenyɛbe nɛ wɔnɔ ɔbha.

Mateo 17:17

Yesu ebui lɛ nu asɛ, “Ao banɔ gɛ ba dɛ pɛ̃ klɛ tɛyɛyɛkɛŋa ma nɔ ahwɛ,” “kɛlɛ za mɛ ɛba za wɔnɔ bha ɔdɔnanɔ? Kɛlɛ za mɛ ɛba za plɛnɔ wɔnɔ ɔdɔnanɔ? Yɛkɔ anuvɔ nɛ ɔmɛna mɛ nɛ ɔkɛ̃.”

Axwɛwɛwa 1:13

Gɛ be de ku nɛɛ, bewu avɛ kabhavu nɛm nɛ ɔklɛ gɛ ba za. Bagɛ ba za ɔklɛ nɛ balɛ enu Petro, Yohanɛsɛ, Yakobo anɛ Andrɛasɛ, Filipo anɛ Tomasɛ, Batolomeo anɛ Mateo; Yakobo gɛ enu Alfeosɛ yɛeyi anɛ Simɔnɛ gɛ enu bagɛ ba wɛlãkɛ Yuɖanɛ nɛ kɛtɔkpu nɛ teli, anɛ Yuɖasɛ gɛ enu Yakobo yɛeyi.

1 Timotio 5:3

Yɛkɔ awɔ̃vuvu mɔmɔ kɔ banyɛtsi nɛ gɛ ba lɛ asɛ ba kɔɛ dɔɛ kɛgbɛagba.

1 Timotio 5:5

Adzɛ gɛ etsianyɛ nɔɔ nɛ gɛ alɛ kɔ kɛdɔ kukɔ kɛgbɛagba flogo pɛ ba shɛ̃nahwɛ yɛ terikpo shue lu pɛ ayɛkɔ yɛ kidzoenudidi nɛ atrɔ Kpaya bha klɛ avɛlɛa bha elishi anɛ kemuze anɛ kpayakuklu tɛ ebisi Kpaya tɛpɛplɛnɔ.