Axwɛwɛwa 8:12 - ONUGBÙ NYƐNYÃ VUVƆ

¹² Pɔ kibe lɛ gɛ ba yɛkɛ Flipoa bha ŋa gɛ aɖɔ kibui dzyɔgo nɛ denɔ Kpaya bukusi ɔŋakɔ nɛ shu anɛ Yesu Kristo kinyi, ba kpɛ buni kɔa lɛ, banyɛ anɛ badzɛ.

Axwɛwɛwa 8:12 Referans Kwoze

Axwɛwɛwa 2:38

Petro ebui lɛ bunu asɛ, “No tsyina kitem tɛ nɔ yɛkɛ bunikpɛkpɛ, wɔnɔ mɛ anɔnyanɔ, nɛ Yesu Kristo kinyim kɔ wɔnɔ buzizi tɛ yɛyɛkɔ tsye. Klɛ nɔ bɔ yɛkɛ Ɔfufɔɛ Dzyɔgo mɛ kɛdɔkukɔ.

Axwɛwɛwa 1:3

Nɛ yɛ butɔ nɛede nɛɛ, Yesu ebu yɛ shu akasɛ banɔ klɛ abhɛtɛ ebui gelee ayɛkɔ akasɛ sɛ alɛ nɛ ɛkpã. Awɛ̃ nɛ balɛ amɛ ganɔ ewi afɛtalɛ̃ mɛ klɛ aɖɔ kaɖɔ denɔ Kpaya bukusi ɔŋakɔ nɛ shu.

Mateo 28:19

Kɛlɛ so, nɔ vɛ tɛ nɔ dɔ bhɛtɛ amadi nɛ petee tɛ le dzi badɔkpasɛ, tɛ nɔ kpɛ buni kɔ banɔ nɛ Aka anɛ Eyi nɛ nyi mɛ anɛ Ɔfufɔɛ dzyɔgo,

1 Petro 3:21

klɛ buni nɛ bu ba dzi bunikpɛkpɛ gɛ ɔtsɔnɛ bubhui nɔ tsyɛ ɔyɛkɛ—ganɛ kibo bubu nɛ ishuidzya shu pɔ tɛtɛtrɔ ɛkpã dzyɔgo zɛza kɔ Kpaya. Kɛ yɛkɛ kɔ nɔ ganɔ Yesu Kristo yɛ tɛnyɛnyɛmɛ denɔ bekpuimɛ,

Axwɛwɛwa 2:41

Banɔ nɛ gɛ ba yɛkɛ kibui ba kpɛ buni akɔa lɛ, klɛ banɔ ansɛ akpãtata balɛ la za yɛkɔ ata tɛkpikpe nɛm kiwi lɛlɛ.

Galatianɛ 3:28

Yuɖanɛ ɔdɔgɔsɛ Grikianɛ avama, anɔdzidzi ɔdɔgɔsɛ agɛ alɛ ɛshuahwɛ avama, anyɛ ɔdɔgɔsɛ adzyɛ avama, alasɛ wɔnɔ petee nɔ nu anɔ terikpo nɛ Kristo Yesu mɛ.

Romanɛ 10:10

Alasɛ wɔ idzyi nɛ ɔyɛkɛ ɔŋa nɔ klɛ la yɛkɔ danɛ wɔ shu nɔ, klɛ wɔ onugbu nɛ ɔyɛkɔ danɛ wɔ shu nɔ pɛ be bu wɔ.

1 Kɔrintioanɛ 11:11

Apalete nɛ mɛ, adzɛ ama ishuahwɛ nɛ anyɛ ɔkɔ ɔdɔgɔsɛ anyɛ ama ishuahwɛ nɛ anyɛ ɔkɔ.

Axwɛwɛwa 28:31

Ganɔ kitekpɛkpɛ anɛ kide madimadi mɛ aɖɔ kaɖɔ edenɔ Kpaya bukusi ɔŋakɔ nɛ shu klɛ akasɛ kɛdɔ denɔ Apalete Yesu Kristo shu.

Axwɛwɛwa 20:25

“Ɔtsɔ̃ nɛɛ, inyi sɛ wɔnɔ mɛayɛ nyɔmɛayɛ gɛ ɛɖɔ bukusi ɔŋakɔ kibui nɛ tsre na za ba mɔm.

Axwɛwɛwa 20:21

Ɛtɛ bu ɖɔ tsre Yuɖanɛ anɛ Grikianɛ sɛ betsyina amɛ atɔnɔ Kpaya anɛ kitem tsyitsyina nɛ tɛ ba mɔ kabhayɛyɛkɛŋa nɛ bulɔ Apalete Yesu mɛ.

Axwɛwɛwa 18:8

Krispusɛ, gɛ enu anɔ gɛ aŋa oxogokɔvu nɛa bha, anɛ yɛ bupa mɛ banɔ nɛ petee ba yɛkɛ Apalete nɛa bha aŋa; klɛ Kɔrintioanɛ gelee gɛ benu yɛ kɛdɔ kɛkasɛ nɛ ba yɛka aŋa klɛ ba kpɛ buni akɔa lɛ.

Axwɛwɛwa 11:20

Pɔ nɛ banɔ nɛ teli gɛ bede Siprɔsɛ Sirene, na shɛ vɛ Antiɔk klɛ bada kpa kaɖɔ ɖɔ tsre Grikianɛ nɛ tsyɛ, edenɔ Apalete Yesu kibui dzyɔgo nɛ shu.

Axwɛwɛwa 5:14

Pɔ kɛ za kɛlɛm sɛ, banyɛ anɛ badzɛ gelee ba ba yɛkɛ Apalete nɛa bha aŋa klɛ ba yɛkɔa lɛ ata plɛnɔ balɛ tɛkɛkla nɛm.

Luka 9:60

Yesu etsre ya sɛ, “Kɔ be tsitsi ba vubɔ balɛ nahwɛ be tsitsi, pɔ wɔ vɛ tɛ ɔdɔ ɖɔ Kpaya Kusi nɛ bui.”

Luka 9:2

klɛ akpɛ alɛ sɛ tɛ ba da ɖɔaɖɔ denɔ Kpaya bukusi nɛ shu klɛ tɛ ba kɔ banyɛnya nɛ alɔ.

Axwɛwɛwa 8:4

Banɔ nɛ mɛ gɛ bakpɛ ozi nɛ vunɔ Kpaya kibui na ɖɔ nɛ ɔkɔnyɔkɔ gɛ be ku ko.

Axwɛwɛwa 19:5

Gɛ be nu kana nɛ, ba kɔ la kpɛ buni nɛ akɔa lɛ nɛ Apalete Yesu kinyim.