Axwɛwɛwa 7:56 - ONUGBÙ NYƐNYÃ VUVƆ

⁵⁶ Asɛ, “Di mɔ,” “Ɛmɔ owũsise lɔ danɛ klɛ Anɔdzyrame yɛ Eyi nɛ li kititi nɛ Kpaya kɛŋam.”

Axwɛwɛwa 7:56 Referans Kwoze

Tɛbubukasɛ 19:11

Ɛmɔ owũsise gɛ ɔdanɛ oli klɛ nɛ mɛ amɛ ɛsɔ fufu eli, gɛ agɛ etsri yɛa bha be kulua sɛ Tɛyɛyɛkɛŋa anɛ Kɛgba. Plɛnɔ tɛnɛna mɛ ekluebhui klɛ ata keyu.

Tɛbubukasɛ 11:19

Ɔkɛlɛ Kpaya busɔlɛvu nɛ owũsise nɛ danɛ, klɛ nɛ yɛ busɔlɛvu nɛ mɛ ba mɔ yɛ onugbunyɛnya osiakputɔ. Klɛ kifu ɛmɔɛ ba, ilimgugu, subhalɛlɛ aklãgbu, kesukpa huhwa anɛ amuklãgbuilɛ gbɛgbla.

Axwɛwɛwa 10:11

Nɛ kɛlɛ mɛ nɛɛ amɔ owũsise lɔ danɛ klɛ amɔ kɛdɔ tili ansɛ keplukpa bhlɛkɛ gɛ be zhinɔ denɔ owũsise nɛ aamɛna kesukpa, nɛ bupɛ tɔlɛ nɛm nɛa bha.

Mateo 3:16

Gɛ banya kpɛuni nɛ akɔ Yesu beke ko, klɛ ewu ekoeyi nɛ buni nɛm. Nɛ kibe lɛ nɛ mɛ owũsise nɛ ɔdanɛ, klɛ amɔ Kpaya Ɔfufɔɛ nɛ gɛ ozhi ɔɔba anasɛ gɔgɔwi anɛ kifuɔmɔɛ nɛ ɔza yɛa bha.

Tɛbubukasɛ 4:1

Kɛnɛ nɛe de idi, klɛ nɛ mɛ amɛ kedunu tieli kadanɛ li nɛ owũsise. Klɛ olim tutɔpu nɛ gɛ inu lɔ ɖɔ kaɖɔ otsrem ansɛ kaxũlɛ̃ nɛ ɔsɛ, “Wu ɔba ɔkɛ̃, klɛ ɛba kasɛ wɔ kɛgɛ alasɛ kɛ ba nɛ kɛɛ nɛ nɛe de.”

Axwɛwɛwa 10:16

Kibui nɛ ba kɛlɛ mɛ aba tata, ko klɛ keplukpa bhlɛkɛ nɛ ketsodzi avɛ owũsise.

Yohanɛsɛ 1:51

Kɛlɛ azaɖɔ sɛ, “Itsre nɔ kibui gbɛagba sɛ nɔ bɔ mɔ owũsise lɔ bɔ danɛ klɛ Kpaya yɛ baxwɛdɛ ba baza ewu klɛ baza ezhi aba nɛ Anɔdzyrame Yi nɛabha.”

Luka 3:21

Kɛbelɛlɛ gɛ ba kpɛ buni kɔ banɔ petee beke, ba kpɛ kɔ Yesu tsyɛ. Klɛ gɛ eklukpaya, owũsise danɛ

Marko 1:10

Nɛ Yesu tɛ kukoeyi denɔ buni nɛ mɛ ko, amɔ owũsise nɛ gɛ ɔdanɛ klɛ Ɔfufɔɛ Dzyɔgo nɛ ozhiba yɛa bha anasɛ gɔgɔwí.

Mateo 25:31

“Onu gɛ Anɔdzyrame yɛ Eyi nɛ aaba nɛ yɛ ishu bhuibhui mɛ, pɛ yɛ baxwɛdɛ nɛ peteea lɛ aplɛnɔ yɛ, ebe zhiza yɛ bukusiegbu nɛa bha nɛ owũsise nɛ ishu bhuibhui mɛ.

Mateo 8:20

Yesu ebu lɛ nu sɛ, “Ayakpamkudzɔgɛ nɛ mɔ ɛlɛ okukɔ klɛ kɛlɛɛm buzhuɔɛ nɛ tsyɛ mɔ bulɛ evu, pɔ Anɔdzyrame yɛ Eyi nɛ aka mɔ ɔkɛlɛ gɛ ebe lu yɛ tɔkpu.”

Axwɛwɛwa 7:57

Nɛ ebuia nɛ mɛ ba da balɛ batɔ, klɛ ba kpɛ igugu gɛganɛɛ, klɛ balɛ petee si ekoeyi,