Axwɛwɛwa 7:55 - ONUGBÙ NYƐNYÃ VUVƆ

⁵⁵ Pɔ Stefano gɛ eyuku nɛ Ɔfufɔɛ Dzyɔgo nɛ edi owũsise klɛ amɔ Kpaya ishuyuyɔ, anɛ Yesu gɛ eli kititi nɛ Kpaya kɛŋam.

Axwɛwɛwa 7:55 Referans Kwoze

Marko 16:19

Gɛ Apalete Yesu aɖɔ ebuia nɛ etsrea lɛ beke nɛɛ, baa yɛkɔ yɛ avɛnɔ owũsise klɛ ede zhiaza Kpaya kɛŋam,

Hebriuanɛ 1:3

Eyi yɛ nu kɛfutɛtã kɔ Kpaya otugbavɛvɛ klɛ ayɛkɔ Kpaya tɛzɛzɛmɛ, abhɛtɛ kɛdɔnyɛdɔ nɛ yɛ bupu kibui ɖuɖɔɛ mɛ. Gɛ akɔ ebuizizi tipuplu beke, ada za Ɔgbɛgblakɔ kɛŋamɛ nɛ owũsise.

2 Kɔrintioanɛ 4:6

Alasɛ Kpaya gɛ aɖɔ sɛ, “Kɔ kifu nɛ tã denɔ otumu mɛ,” bhɛtɛ yɛ fu tɛ kɛtã nɛ bulɔ idzyi mɛ tɛ kɛkɔ lɔ kifu buititi nɛ́ Kpaya kabhaŋɛŋa nɛ Kristo amɛ.

Axwɛwɛwa 6:10

pɔ ba dɛ na kititi lɔ nɛ yɛ kibuititi nɛ shu ɔdɔgɔsɛ yɛ Ɔfufɔɛ nɛ gɛ ɔlɛa bha aga pɛ aɖɔ kaɖɔ.

Axwɛwɛwa 6:8

Ɔtsɔ̃ Stefano, edzi anɔ teli gɛ eyuku nɛ Kpaya ɛyamyuyɔ anɛ kemi, abhɛtɛ ebui yiyinɔanɔ gbɛgbla anɛ ebui gɛ abhɛtɛ bi kɛdɔmumɔ nɛ banɔɛ shi.

Axwɛwɛwa 6:5

Tɛtɛtrɔɛ nɛ ku banɔɛha nɛ petee awɔ̃. Be bu Stefano, gɛ enu anyɛ teli gɛ eyuku nɛ Ɔfufɔɛ Dzyɔgo anɛ tɛyɛyɛkɛŋa, ɔplɛnɔ Flipo, Prokorusɛ, Nikanɔ, Timɔnɛ, Parmenasɛ, anɛ Nikolasɛ gɛ ede Antiɔkɛ, pɛ ebe tsyina edzi Yuɖaɔha mɛ anɔ.

Hebriuanɛ 8:1

Kibui nɛ kɛkpã gɛ buɖɔ nɛ kɛlɛ nu kɛnɛ: kpayazakɔanɔ ɖɛɖama nɛɛ di alɛ bulɔ ahwɛ, gɛ aza kegbu nɛabha nɛ Otugbavɛvɛ Aka nɛ ɔbha nɛ owũsise,

Axwɛwɛwa 2:4

Balɛ petee be yuku nɛ Ɔfufɔɛ Dzyɔgo klɛ la kpa kaɖɔɔ ɖɔ nɛ benuhu bhlatɔ mɛ ansɛ gɛ Ɔfufɔɛ nɛ oyɛkɔalɛ.

Yohanɛsɛ 12:41

Yezaya aɖɔ kibui nɛ alasɛ amɔ Yesu yɛ kabhaŋɛŋa klɛ aɖɔaɖɔ denɔ yɛ shu.

Axwɛwɛwa 6:3

Badzya mɔ, nɔ bu banɔ tiegene denɔ wɔnɔm gɛ benu banɔ gɛ be yuku nɛ Ɔfufɔɛ anɛ kibuititi. Bu ba yɛkɔ kɛdɔŋɛŋa mɛma nɛ kpɛ balɛ ahwɛ

Tɛbubukasɛ 21:11

Lɔ tã nɛ Kpaya ishubhubhui, klɛ ɔlɛ tɛpupudim nɛ za ansɛ kɛsɛkadɔ ŋɛŋɛedzi, ansɛ kɛklãgbu shɛ̃ashɛ̃a, kɛlɛ shu bhui ansɛ azhuzhuɔɛ.

2 Petro 1:17

Alasɛ ayɛkɛ kabhaŋɛŋa anɛ tɛbhubhui denɔ Aka Kpaya kɔ nɛ kibelɛlɛ gɛ kaɖɔɖuɖɔ nɛ aba kɔ yɛ denɔ Kabhakpɛkpɛ Gbɛgbladɛ ɔkɔ, kaɖɔ sɛ, “Ye nu mɛ Eyianyɛ, gɛ ɛdɛmɛnɔ, nɛ yɛ ɛpɛɛ yɛ bui mɔmɔ.”

Axwɛwɛwa 4:8

Ɔkɛlɛ Petro, gɛ eyuku nɛ Ɔfufɔɛ Dzyɔgo, nɛ etsre balɛ asɛ, “Beshishe nɛ bagɛ baŋɛabha mɔ!

Yohanɛsɛ 14:3

Klɛ onugɛ ɛvɛ klɛ ɛda bala ɔzakɔ kɔ nɔ, Ɛba tsodzi ba klɛ ɛba gbanɛ nɔ vɛnɔ tɛ nɔ dɔ za mɛ ɔbha tɛ wunɔ tyɛ nɔ za ɔkɛlɛ gɛ ɛlɛ.

Yohanɛsɛ 11:41

Nɛlɛso be bu kɛklãgbu nɛ odzre nɛ kedunu. Kɛlɛ Yesu ebu amɛ kpɛ kabha klɛ aɖɔ sɛ, “Aka, Ihu wɔ ahwɛ sɛ onu mɛ bui.