Axwɛwɛwa 5:32 - ONUGBÙ NYƐNYÃ VUVƆ

³² Bu nu bebuimɔɖɔ kɔ ebuia nɛ petee, nɛ Ɔfufɔɛ Dzyɔgo nɛ gɛ Kpaya ashɛ̃nahwɛ akɔ banɔ nɛ ga ta yɛ batɔ.”

Axwɛwɛwa 5:32 Referans Kwoze

Axwɛwɛwa 1:8

Pɔ nɔ bɔ yɛkɛ kemi onu gɛ Ɔfufɔɛ Dzyɔgo nɛ ɔɔba wɔnɔa bha, klɛ no bo dzi mɛ bebuimɔɖɔ nɛ Yerusalɛm, klɛ nɛ Yuɖia petee anɛ Samaria, ɔyɛkɔ ɔdɔnanɔ kesukpa nɛ ibekekɔ.”

1 Petro 1:12

Bebu akasɛ alɛ sɛ anɛ balɛ nahwɛ ba dɛ axwɛ kɔ pɔ wũnɔ, kibelɛlɛ gɛ ba ɖɔ ebuianɛ gɛ ɔtsɔnɛ be tsre nɔ bagɛ balɛ ɖɔ Kibui Dzyɔgo kɔ nɔ nɛ Ɔfufɔɛ Dzyɔgo ba sɛsɛ denɔ owũsise. Baxwɛdɛ kuratsyɛ ba pɛɛ kukuku sɛ tɛ be di ebuia nɛ mɛ.

Axwɛwɛwa 13:31

klɛ nɛ ewi geleem nɛɛ bagɛ ba ga nɛ yɛ edenɔ Galelia avɛnɔ Yerusalɛm na mɔɛ. Balɛ nu baga mɔ aplɛnɔ nɛ akɔ blɔkɔayɛ.

Axwɛwɛwa 5:29

Petro anɛ banɔkpɛkpɛ gɔgɔɛ nɛ bu klɛ nu asɛ, “Alasɛ tɛ bu ta Kpaya tɔ ɔyɛkɔdɛ banɔdzyrame!

Axwɛwɛwa 15:28

Edzi ansɛ kɛbɔ kɔ Ɔfufɔɛ Dzyɔgo anɛ kɔ bulɔ sɛ tɛ bu tɛ trɔ wɔnɔa bha nɛ kibuinyɛbui ɔkɔ dɛ ebui bibisia nɛ:

Axwɛwɛwa 2:4

Balɛ petee be yuku nɛ Ɔfufɔɛ Dzyɔgo klɛ la kpa kaɖɔɔ ɖɔ nɛ benuhu bhlatɔ mɛ ansɛ gɛ Ɔfufɔɛ nɛ oyɛkɔalɛ.

Yohanɛsɛ 7:39

Kibui nɛ Ɔfufɔɛ shu bui yɛ aɖɔ, bagɛ balɛ ayɛkɛ yɛ abhaŋa, balɛ tɛ yɛkɛ. Ɔdɔtɔnɔ kɛbelɛlɛ ba ka kɔ yɛ Ɔfufɔɛ, kɛlɛbe ba ka kpɛ Yesu nɛabha.

2 Kɔrintioanɛ 13:1

Kɛnɛ kɛlɛ badzi butramɛ gɛ ɛba wɔnɔ kɔ. “Kibuinyɛbui gɛ bayɛkɔ nɛ anɔ shu ebuimɔɖɔ tɛabha ɔvɛnɔ tɛata baɖɔaɖɔ denɔ kɛlɛ shu.”

Axwɛwɛwa 10:44

Kibe lɛ nɛ gɛ Petro eke dzia ɖɔ ebuia nɛ, Ɔfufɔɛ Dzyɔgo nɛ ɔba anɔnyanɔ gɛ enu kibui nɛa bha.

Axwɛwɛwa 2:32

Kpaya eti feke Yesua nɛ amɛna ɛkpãm, klɛ bulɔ petee bu nu bebuimɔɖɔ kɔ kɛlɛ gba.

Romanɛ 8:16

Ɔfufɔɛ nɛ nahwɛ obu ɔɖɔ plɛnɔ bulɔ ɔfufɔɛ nɛ ɔsɛ bu nu Kpaya yɛeyialɛ.